سحر المړض محمود الأمين كامله
انت في الصفحة 1 من 5 صفحات
رواية سحر المړض الفصول الاول 1 بقلم محمود الامين
سحر المړض
چريمة نسب
الجز الأول
عمرك تخيلت أنك تتعب في يوم وتروح تكشف وتجيب علاج... فبدل ما تخف ټموت
هتقولي الاعمار بيدي الله.. هقولك عارف ده ولكن هل سبب مۏتي هو العلاج وصفة الطبيب
هو ممكن الطبيب يتحول لقاټل.. طيب واي السبب
وصلنا بلاغ عن مقټل دكتور شاب في مقتبل العمر.. الچريمة كانت في مستشفى معروفة في الصعيد.. اتحركت انا وقوة من القسم علي المستشفى.. وصلنا وكانت الدنيا مقلوبة طبعا
موقع الحاډث كان مكتب الدكتور بالتحديد والمنظر كان صعب الدكتور علي الأرض والدم مغرق المكان
أنا معرفتكمش بنفسي أنا المقدم فواز عبد العزيز.. مش مهم تفاصيل عني مش هتفيد بشئ
لكن اقدر اقولكم اني من الصعيد اصلا ودي حاجة كويسة بالنسبالي اني محتجتش اني اغير محل الاقامة
نرجع لموضوعنا
طلبت استعجال الطب الشرعي والمعمل الجنائي للفحص وجمع الأدلة.. في الوقت ده شوفت واحد شكله وقور كده ومحترم لابس بدلة ونضارة بيقرب مني وهو بيقول
_ اهلا بيك سيادة المقدم.. كنت اتمني اني اقابل حضرتك في ظروف احسن من كده
_ انا الدكتور مازن مدير المستشفى.. واعرفك اكيد حضرتك اشهر من ڼار علي علم
_ اهلا بحضرتك.. وكويس اني قابلتك هحتاج من حضرتك ملف المجني عليه الموجود هنا في المستشفى بجانب اني بعد التحريات هدردش معاك شويه
_ أكيد طبعا.. بس الملف بشكل ودي ولا رسمي
_ لا بشكل رسمي طبعا.. احنا بنحقق في چريمة قتل مش حاجة صغيرة
_ تمام يا فندم هيكون عندك في اقل من عشر دقايق
..
وفعلا مشي الدكتور مازن ومفيش عشر دقايق ولقيت ممرض داخل عليا بملف المجني عليه.. قعدت علي كرسي وفتحت الملف وابتديت أقرأ
السن ٢٩ سنة
الوظيفة دكتور باطنة
وكان مكتوب تقرير عن الدكتور بيقول تم تقديم شكوي في الدكتور لطفي عبد الحميد من قبل بعض اهالي المړضي بعد ان تسبب الدكتور لطفي في مۏت خمس حالات كانوا يعانوا من الآم المعدة
وقام الدكتور لطفي بوصف عقار ليس له علاقة بالطب علي الاطلاق مما تسبب في ۏفاة الحالات
وتم إحالة الدكتور للتحقيق وإيقافه عن العمل لحين الانتهاء من التحقيق
بس هي دي المعلومات الموجودة عن الدكتور لطفي المجني عليه في الملف.. من الواضح أن القضية دي فيها ناس كتير مشتبه فيها
طلبت من الامين كوباية قهوة مظبوط ودخلت رميت جسمي علي الكرسي
في الوقت ده الباب خبط ودخل عليا الرائد صلاح.. الابتسامة المعتادة علي وشه واتكلم وقال
_ حمد الله على السلامة يا فندم.. ان شاء الله خير
_ خير.. امسك الملف ده عاوزك تجيب كل المعلومات عن المجني عليه من يوم ما أتولد لحد النهارده
التحريات دي تكون عندي في اقرب وقت
_ تمام يا فندم
_ صلاح القضية دي كبيرة والمتهمين فيها كتير.. عاوزك تقري التقرير اللي في الملف ده وهتفهم كلامي
وعاوزك تكون عارف انا اللي طلبت انك تكون ضمن الفريق اللي هيشتغل علي القضية دي.. عشان واثق انك كفاءة وعلى قدر المسؤولية
_ بشكرك جدا يا فندم وان شاء الله اكون عند حسن ظنك
...
مشي صلاح وانا قاعد علي الكرسي دخل الامين وحط القهوة علي المكتب.. والحقيقة انا مشربتش القهوة انا روحت في النوم
خبط الباب مرة واتنين.. عدلت نفسي وقولت أتفضل
دخل عليا واحد من المعمل الجنائي ومعاه كل حاجة كانت في المكان ومن ضمنهم تليفون المجني عليه.. وأتكلم وقال
_ البصمات اترفعت من المكان ومن علي سلاح الچريمة وان شاء الله علي بليل هتكون عندك النتيجة
_ تمام بشكرك جدا
مفيش عشر دقايق ودخل صلاح وهو بيقولي
_ الملف ده في كل حاجة تخص المجني عليه لطفي عبد الحميد حسن
_ في جديد يعني
_ اه في جديد طبعا.. ده لطفي ده حكايته حكاية
...
فتحت الملف وابتديت اقرأ من تاني
لطفي عبد الحميد حسن.. اتولد في قرية من قري الصعيد والده كان بيعمل موظف حكومي في الوحدة المحلية للبلد بجانب عمل منفرد في عطارة ووالدته كانت
