رواية بناتي للبيع شيقه بقلم محمد مالك-3

!!
محمد خلف 
نجلاء .. يا ساتر يارب .. ايه الكلام ده ! لا طبعا محصلش .. انا فعلا تعبت اه بس لما رحت المستشفي قالولي شوية تعب في القولون واديني اهوه متابعة مع الدكتور وبقيت احسن بكتير الحمد لله.. ازاي سهير تقول عليا كلام زي ده ! طب لما اشوفها بنت الايه دي !!
رضوي .. قليلي طيب العمل اللي انتي عملتهولي مخبياه فين !
نجلاء .. عمل !! عمل ايه ده ياختي !
رضوي .. العمل اللي انتي عملتهولي وملخبط كياني من ساعتها ومخليني الف حوالين نفسي !! حرام عليكي ليه تعملي فيا كده ! انا أذيتك في ايه ! كل ده عشان جوزك كان عايز يتجوزني في يوم من الايام ! مع اني رفضته يعني !!
محمد .. انتي لسة فاكرة الموضوع ده يا ست رضوي ! دي كانت نزوة وراحت لحالها خلاص !! انا دلوقتي مفيش في حياتي غير مراتي حبيبتي ام ولادي 
ثم يقبل يد نجلاء ونجلاء تبتسم فرحا وتقول
نجلاء .. ربنا يخليك ليا يا حبيبي .. 
رضوي .. ابوس ايدك قليلي دفنتي العمل فين خليني اجيبة وارتاح!!
نجلاء .. عمل ايه اللي انا عملتهولك يا ولية انتي !قالولك عليا بتاعة اسحار ولا ايه ! 
رضوي .. يعني انتي معملتليش عمل عشان ټنتقمي مني !
نجلاء .. لا والله .. وبعدين بمخك ده واحدة ست زيي حجت بيت ربنا وبتصلي الوقت بوقته تعصي ربنا وتروح تعمل اعمال للناس ! 
رضوي .. اومال الشيخ صلاح قال ليه كده !
نجلاء .. مين الشيخ صلاح ده !
رضوي .. ده شيخ رحتله لما تعبت وقالي انك عملالي عمل سفلي !!
نجلاء .. سفلي !! اعوذ بالله من الشيطان الرجيم .. ياختي لا سفلي ولا علوي حتي ولا اعرف الشيخ صلاح بتاعك ده من اساسه !
محمد .. صلاح !!انا الاسم ده سمعته قبل كده .. طب هو راجل طويل كده واسمر شوية وشعرة لا مؤاخذة خشن 
رضوي .. ايوة 
محمد .. ده نصاب !!
رضوي .. نصاب !
محمد .. ايوه نصاب !! واحد دجال وعامل نفسه شيخ وڼصب علي ناس ياما واتقبض عليه انهارده الصبح من قلب الكبارية بتاعة !!
رضوي .. كبارية !
محمد .. ايوة .. ما هو اشتري كبارية بالفلوس اللي لهفها من الناس بالڼصب والاحتيال .. قال شيخ قال ! دا راجل هلاث !! طب ثواني انا تقريبا معايا الجورنال اللي فيه صورته ..
ويخرج محمد الجورنال من حقيبة هاند باج في يدة ويبحث عن الخبر فيجده ثم يقول
محمد .. مش هو ده ! 
رضوي .. ايوه هو 
محمد .. شفتي بقي .. طلع نصاب زي ما قلتلك والحكومة قبضت عليه 
رضوي .. انا مش قادرة اصدق فعلا !!
ثم تخرج الممرضة من حجرة الطبيب وتنادي عليها لكي تدخل لمقابلة الطبيب 
الممرضة .. مدام رضوي اتفضلي 
رضوي .. طب ممكن تستنوني اخلص ونروح مع بعض !
نجلاء .. وماله نستناكي من عنينا ياختي .. اتفضلي ربنا يطمنك ان شاء الله 
نجلاء .. شايف شكلها بقي ايه !
محمد .. خست اوي !! بس لسة جميلة بصراحة 
نجلاء .. اتلم يا محمد احسنلك!!
محمد .. طب ما انتي اللي سألتيني يا حبيبتي وانا جاوبتك بكل صراحة ولا عايزاني اكدب عليكي يعني !
رد فعل علي وجه نجلاء
وبعد ان يفحص الطبيب رضوي .. 
رضوي .. خير يا دكتور فيه امل اني اخف وابقي كويسة ! ولو مثلا سافرت برة ممكن اتحسن 
الطبيب .. انتي لا محتاجة تسافري برة ولا حتي جوة !
رضوي .. يعني مفيش امل صح!
الطبيب .. امل ايه وعمر ايه انت مين اللي قالك انك عندك کانسر في الكبد ! فين الفحوص والاشعة اللي بتقول كده ! 
رضوي .. انا مش معايا الفحوص للأسف بس الدكتور سامي هو اللي قالي كده !!
الطبيب .. الدكتور سامي مين ! دا طبيب باطنه !
رضوي .. اه 
الطبيب .. ازاي دكتور باطنه ويشخصك غلط بالشكل ده !
رضوي .. يعني ايه مش فاهمه !
الطبيب .. يعني انتي معندكيش کانسر ولا حاجة وفحص بطنك سليم تماما !!
رضوي .. بجد ! ازاي ! طب والالم اللي انا حاسة بيه دايما في بطني والدم اللي انا رجعته ده سببه ايه !
صفحة محمد خلف صالح
الطبيب .. بصراحة كل اللي انتي بتقوليه ده بالنسبة لي مالوش تفسير علمي لأن فحصك سليم تماما واعضاء جسمك تعمل بكل كفاءة !!
رضوي .. يعني مش ھموت خلال ٦ شهور !
الطبيب .. اهي دي بقي في علم ربنا ومحدش عارف ھيموت امتي .. بس اللي انا متأكد منه ان صحتك زي الفل 
رضوي تبتسم فرحا من كلام الطبيب 
وتعود رضوي الي المنزل وهي حائرة اسئلة كثيرة تدور في داخلها ولا تجد لها اجابة ولكن هذا لا يمنع انها في حالة افضل بكثير بعد ان طمأنها الطبيب بكلامه دخلت لتأخذ شاور بارد وبعد ان فرغت من حمامها