على اوتار قلبي بقلم هنا سلامه-3

بتحب ولا مستمتعة بشبابي .. 
وشبه المنبوذة الخارجة عن القطيع !! 
أخدت نفس عميق وقامت شغلت أغنية هادية .. ومسكت الكمانجة بتاعتها وقعدت على مكتبها وبدأت تعزف بهدوء .. 
يمكن تطلع طاقتها السلبية في العزف !
....
دخلت تهاني المطبخ ويسرا معاها ف قالت يسرا بأمر شوفي بقى .. تنضفي كويس وتاخدي بالك كمان من نضافتك الشخصية .. تمام 
تهاني بتوتر تمام يا ست الهانم .. 
يسرا بتنهيدة ساعة وأجي ألاقي المطبخ بيلمع .. وزي الفل ..
تهاني بإبتسامة مليانة قلق حاضر يا هانم 
طلعت يسرا من المطبخ ف أخدت تهاني نفسها بإرتياح وحطت الكيسة إلي فيها هدومها على الرخامة .. وبصت حواليها بقلق وهي بتطلع إزازة وهي بتفتكر كلام شجن إلي كان مليان تحذير
هتحطي من السم دة تلت نقط .. على طبق سميحة بس .. وتعملي إلي قولتك عليه بعدها .. 
وأي غلط .. تحصلي أبوك وټنتحري ! أو مسډسي هيفرتك راسك ! 
حطت تهاني إيدها على راسها پخوف وهي بتفتكر وقالت بهمس لا هنفذ .. هنفذ .. هنجح .. 
ودورت على مكان تخبيه فيه في هدومها لكن فجأة ...... 
بتعملي إية يا بت أنت !!!!
تتبع ... وللحديث بقية.. 
هنا_سلامة.
على_أوتار_قلبي.
البارت الخامس عشر على_أوتار_قلبي.
يسرا پصدمة بتعملي إية يا بت أنت !! 
تهاني برقت پصدمة وخوف .. وبلعت ريقها ف قربت يسرا منها وقالت بتوعد مين رماك علينا يا بت أنت ! إنطقي !
فضلت تهاني تترعش وعيونها دمعت پخوف .. بين نارين .. 
ڼار إنها تقول الحقيقة وإن يسرا ممكن تكون في صفها مش ضدها 
وڼار خۏفها من شجن إنها تجيب سيرتها في الموضوع أو إنها تقول عن مهمتها إلي جاية تعملها .. 
رغم قوة تهاني وشخصيتها الحادة على عكس فوزية إلي كانت شجن مسكاها من إيدها إلي بتوجعها لكن تهاني كانت بتفكر بطريقة تانية خالص ... 
يسرا بزعيق وهي بتهزها بيها إيدها طيب .. أنا هنادي الحراس يتصرفوا معاك .. 
وقعت تهاني على الأرض وقالت وهي بتبوس جزمتها وبتتوسلها بالله عليك يا يسرا هانم لأ .. أنا بت غلبانة ويتيمة .. ووالله ما كان معايا حاجة 
يسرا زقتها ببوز جزمتها الكعب في دقنها .. ف ڼزفت تهاني من شفايفها ف قالت يسرا بثبات أنا هجيب الحراس يتصرفوا معاك 
تهاني بتهتهة وهي إيدها ورقبتها وجلبيتها عليها ډم خلاص .. خلاص والله .. والله هتكلم 
يسرا بثقة والله مهما قولتي مش هسيبك ثانية واحدة في البيت دة .. 
قالت كدة وهي طالعة من المطبخ ف جرت تهاني وراها وقالت بصوت خاڤت لكنها كانت قريبة من يسرا حتى لو الحاجة دي تخص شجن بنتك ! 
وقفت يسرا فجأة مكانها .. إتثبتت زي التماثيل الجامدة إلي مفيهاش حياة .. حست إن روحها رجعت لها تاني لما ذكرت إسم شجن .. 
ساعتها فاقت يسرا من ثباتها على ظل نعيمة وهي طالعة على السلم .. 
ف جريت يسرا وهي ساحبة تهاني وراها ودخلوا المطبخ .. 
فضلت تهاني تاخد نفسها پخوف .. ف قالت يسرا بهمس وهي بتبص في عيونها إلي إتملت بالدموع .. صوتها كان محشرج من إشتياقها لبنتها .. لكنها كانت مازالت متمسكة بجبروتها .. 
يسرا قوليلي ... إية علاقتك بشجن قابلتيها هي فين طمنيني عليها .. هي كويسة 
وبعدين إزاي .. إزاي .. 
كملت يسرا بلغبطة مش هي هربانة ! ولا هي كانت مخطۏفة ! 
بعدين كملت بلهفة أكتر وتوسل إنهار أمامه حصون كبريائها هي معاها موبايل تقدر تكلمني بالله عليك طمني قلبي .. بنت الكلب دي فين 
دي قطعت قلبي عليها شهرين بحالهم .. معرفش عنها حاجة .. 
تهاني أخدت نفس عميق وقالت لو قولتك تساعديني في إلي جاية أعمله 
يسرا مسكت إيدها بقوة وقالت أنا من إيدك دي لإيدك دي .. كل حاجة هتقوليها هنفذها بالحرف .. بس أفهم .. بنتي فين 
تهاني بعدت عنها وقفلت باب المطبخ وقعدت على رخامة المطبخ وحطت رجل على رجل وقالت أنا إشتركت في الموضوع دة لسببين .. أولهم الفلوس إلي بنتك وعدتني بيهم والشقة إلي هتهربني فيها أنا وأمي والعيشة الجديدة إلي وعدتني بيها .. 
دة غير إنها هددتني پالقتل .. 
بس دلوقتي الإتفاق إختلف .. دلوقتي زي ما هقولك على الحكاية وإلي فيها ممكن أقول لأي حد .. عشان كدة لازم تديني زي إلي بنتك هتديهوني .. دة غير إنك تضمني لي مكان تاني لو فشلت في المهمة أهرب أنا وأمي من بنتك فيه .. 
يسرا بعصبية طفيفة قوليلي عاوزة إية فهميني .. وأنا هحقق لك كل مطالبك 
تهاني قامت من على الرخامة ولفت حوالين الترابيزة الرخام إلي في نص المطبخ وعليها فاكهة وخضار ... أما عن يسرا عيونها كانت عليها وهي بتتحرك ... زي عقارب الساعة .. وحرارة المطبخ من البوتوجاز مكنتش قد الحرارة النابعة من جوا يسرا .. والبرود إلي جوا تهاني .. كانوا في اللحظة دي على النقيض تماما .. 
تهاني الحكاية وما فيها إن بنتك شجن ظهرت فجأة ..