السواق والجميله
بس يلمحك
عياطي زاد_ هو كمان غلط يا جدو هو كمان راح اتجوز زينات اللي كان بيحبها قبل امي اتجوزها و ربي ابنها بحر اللي من جوزها اللي ماټ و قدم لبحر كل حقوقي كل الحب اللي المفروض كان ليا و ربنا كان وهبه ليا من اب لبنته ابويا حوشه كله وعطاه ل بحر كل اللي كنت محتاجاه يا جدو انا بكره زينات و ابنها اللي مشفتوش و بكرهه الظروف اللي خلتني اجي للدنيا دي
مسحت دموعي و رجعت ابتسمله
_ انا اسفة يا جدو انا جاية هنا عشان افرحك مش احزنك ابدا
انتي تعملي اللي انت عايزاه هنا
_ اها صح ده انا جاية اټخانق معاك
ضحك يستار يارب ليه
_بقا صوري وانا صغيرة بتوريها للسواقين يا جدو
_اها عيسي قالي
عيسي مين ! اها عيسي لا ده كان بيقعد يسمع حكاوي ابوكي عنك
_ يسلام علي اساس ان عيسي ده سواق عندكم من ست سنين من يوم ۏفاة بابا
و من قبلها كمان يا موج عيسي ده دراعي اليمين وهو اللي ماسكلي كل حاجه في الاراضي و السواقة و كل حاجه
_يااه اما قصة عبرة بصحيح
ضحك و سكت
_ انا كنت خاېفة يقلبني واحنا جايين بالعربية
_ اها هو شاطر مقولناش حاجه بس طويل اوفر ده رجله كان ضممها و قاعد بيدوس ع الفرامل من بعيد كده صعب عليا اوي
ضحك بصوت و فرحت اني قدرت اضحكه
_ مش هتبطلي لماضة..قومي البسي عشان اخلي عيسي يوصلك لبيت عمك و يمشيكي شوية ف البلد اكيد البلد وحشتك
جدا يجدو و عمي و نسمة بنته كمان وحشتني جدا
_طب يلا و هتلاقي عيسي وقفلك تحت وانا هدخل اشرب العصير اللي جبتيه ليا و اريح شوية
دخلت ركبت ف الكرسي اللي ورا وهو ركب و بدأ يسوق و هو بيبصلي من المراية و بيبتسم و اول ما اقفشه يدور وشه
_ عيسي عايزة اسألك سؤال
اتفضلي يا انسه
_هو انا مكتوب ع وشي نكت
ابتسم لإنفعالي لا ليه
انا اسف يا انسه مش بيكون قصدي والله
_ طب انت عارف احنا رايحين فين
ايوة يا انسه جدك قالي ع كل حاجه
_تمام
قعدنا ساكتين تاني و عدا وقت بسيط و كنا وصلنا ع بيت عمي سلمت عليهم كان الترحيب و مخلصتش انا عمي و جدي كانوا دايما بييجوا ليا القاهرة ف انا كان بقالي كتير مشفتش مرات عمي و نسمة قعدنا و بعد رغي كتير سلمت عليهم و مشيت تاني مع عيسي
هشربك أحلي كوباية عصير قصب
ابتسمت _ عرفت منين اني بحبه
والد حضرتك و جدك كانوا دايما بيحكوا لنا
_.....
هو مكدبش هو فعلا شربني أحلي كوباية عصير قصب شربتها في عمري كله و اخدني لاماكن كتير ف البلد البلد كانت وحشاني جدا كنت ببص من شباك العربية و انا مبسوطة و رجعت البيت وانا اول مرة احس اني حابة وجودي في الدنيا
_ تصبحي علي خير يا هانم
و انت من اهله يا عيسي
دخلت نمت و قمت اتسحرت من غير اي كلام و رجعت نمت تاني
مر يومين ع الحال ده مبتكلمش غير مع جده و نسمه بتيجي تقعد معايا و تمشيني ف البلد و عيسي بيجي يفطر معانا و بياخدني في اماكن في البلد برضو بس بعيده عن البيت عشان يشربني عصير قصب و بالنسبة لزينات ف هي حاولت كتير تقرب وانا بصدها الأغرب بقا اني خلال اليومين دول مشوفتش بحر ابنها خالص!
كنا ع السحور
_جده انا لازم ارجع القاهرة امتحاناتي قربت وانا كتبي و كل حاجاتي هناك
لا يا موج انا ما صدقت اتجمعت بيكي تاني و صحتي بتبقي احسن طول ما
