عمر وايمان
كنت اقول لخالتي عايزة اروح المشتل آجي هنا بقااا اعيط و اخد طاقة و ارجع كأن مفيش حاجه حصلت و لا كأني اتوجعت و لا كأني اتكسرت من اللي بيحصل حواليا حطيت سعادتي و سعادته قدامي و اخترت سعادته لانه دايما كان بيمثل ليا السعادة بتاعتي نظراته و اهتمامه بيا
قعدت لأخر الشغل هنا بمكاني ماسكة صورته و بعيط جه ميعاد نقفل علشان نرتاح و نرجع مع الساعه 9 بس بيكون الشفت دا بين محمد و مراته اللي هي صاحبتي ليلي و كانت الساعه 3 خرجت من الأوضة لقيته قاعد قلقان و خاېف و متعصب و بيكلم نور پخنقه و اول ما شافني جري عليا مسك ايدي و قالي بلهفة اول مرة اشوفها فيه
قلبي اتقبض هوا اي اللي بيحصل دا بصيت لنور اللي عارفه بحبي ليه و رفعت كتفها و سابتنا و طلع تستناني بره
رديت عليه و قلت
كنت في اوضة بقعد فيها لوحدي و نسيت الفون بالمكتب علشان كدا مرديتش حقك عليا قلقتك علي الفاضي عليا
لا انا عايزة اروح معنديش طاقة لحاجة خاالص
بصلي بحزن و فهم اني عايزة اروح قبل ما اعيط
ماشي يلا
مشينا رجعنا للبيت دخلت اوضتي بعد ما سلمت علي خالتو و دخلت نمت نمت بعد ما تعبت من اللي انا فيه
مفيش عامل اي ي عمر و لا مليش نصيب فيها
لا مش قصدي حاجة ازيك ي عمر عامل اي
اهو و الله بفكر بس
بتفكر في اي
بصي مخبيش عليكي انا عايز اتجوز و قررت هروح اطلب ايد واحدة صاحبتي بكرا و اخدت ميعاد من مامتها
بصيتله و الدموع هتنزل خلاص
ألف مبروك فرحتلك من قلبي
و دا العشم و الله
سكت و هوا سكت و لعب في الفون لحد ما العشا يجهز و خالتو شوية و جابت العشا و قعدنا ناكل و انا حاولت مبينش زعلي
ما تاكلي ي قلبي ماله اكلك ضعيف اليومين دوول
لا ي خالتو مفيش و كمان بتدخل ليه ي بارد و مفيش حد بحبه
ماشي ي حبيبة خالتك و كمان يبت عادي هوا يطول الموكوس اللي هيتجوزك دا يوم منااه
حبيبيتي يا خالتو
و انت متدخلش ي موكوس انت التاني لما نشوف اخرتها بكرا مع السنيورة صاحبتك دي
ركزت بكلام خالتي و كنت تعبت استأذنت و دخلت اوضتي قعدت اعيط شوية و بعدين لقيته باعت علي الفون بيقول
مسحت دموعي و قلت ماشي ي عمر عايزني اكون كمان قمر في خطوبتك ماااشي انا هوريك
تاني يوم روحت المشتل بدري بس لوحدي قمت قبل ما يكونوا صحوا
وصلت المشتل فتحته و بدأت اجهز المكان شوية و نور جات حكتلها و قعدت تواسيني ربنا ميحرمني منها أبدا قالتلي
متزعليش نفسك انتي غالية و اكيد لو فيكي نصيب منه هتاخديه قعدنا نتكلم شوية و بعدين جه وقت أننا نبدأ شغل الناس اول ما فتحنا لقيناهم هلوا علينا و هما منهم الفرحان و منهم المهموم بدأنا شغل بحماس و بدأنا نشاركهم يومهم يمكن نفرح المهموم
لقيت شاب قاعد لوحده بعيد كدا ساكت و بس مطلبش حاجة او اتكلم نص كلمة روحت عنده و قلتله بهدوء و ابتسامة عكس اللي انا فيه
ينفع اشاركك القعدة
طبعا طبعا اتفضلي ي استاذه إيمان
إيمان بس بلاش أستاذة احنا هنا اخوات مع بعض هاا بقاا اسمك اي
أنا سليم
عاشت الاسامي ي
