انتمي اليك
نفسي عملك حاجه الواد ده
_ لا انا كويسه
خدني ونزلت وبعدها ركبت معاه ووصلت قدام البيت وكنت هنزل لقيت خالد واقف وبصصلي باستفهام
_ إتأخرتي كده ليه يا روان
بصتله وقولتله
_ حصلت مشكله معايا ومستر نادر وصلني
اتكلم بهدوء_طيب اطلعي يا روان اتفضل يا استاذ نادر
بصله بضيق _ لا شكرا بعد اذنك سلمتك يا روان
_ مشكلة ايه يا روان اللي حصلتلك واخرتك كده
سكت شوية وبعدها بدأت احكي ليه كل حاجه فبصلي وسكت وانا اتكلمت
_ انا عايزه أسألك سؤال
_ اكيد اتفضلي يا روان
_ انت خطبتني ليه
_ ليه بتسألي كده
سكت شوية واتنهد وبعدها اتكلم
_ انا عارف ان من حقك تعرفي ماما عرضت عليا وطلبت مني عشان تكوني جنبها وانتي هتكوني احسن من اي واحده غريبه وكانت مصره وانا كنت خاېف عليكي فطلبت من جدتي
_ رغم انك بتحب غيري
_ بصراحه قولت يمكن هناخد على بعض وانساها بس
ابتسم _ عرفتي ازاي
_ كان باين عليكم اوي يوم الخطوبه ...بس انا هكلم خالتي حتى عشان تخطب حبيبتك انت غلطت انك سيبتها
_ كنت شايف ده الصح يا روان عشانك
_ عمري ما كنت هكون مبسوطه وانت بتحب غيري ومفيش توافق بينا يا خالد
_ عندك حق يا روان بس إن شاء الله لو مصممه نفسه الخطوبه هتفضلي روان اختي وأفضل جنبك على طول
نادر كان واقف في مطعم ودخل عنده خالد
_ انت عايز ايه من روان بالظبط
نادر اتكلم وهو مضيق عيونه_ مش فاهم
_ لا انت فاهم كويس
نادر اتكلم _ طيب اقعد يا خالد ونتفاهم
كنت قاعده على المكتب ونادر دخل قعد قصادي وطلع علبة فتحها قدامي بصتلها لقيت خاتم وجنبها علبة شيكولاته اللي بحبها فبصتله بدهشه
ابتسم_ انا بحبك يا روان تتجوزيني
_ ايييه
_ انا عرفت من خالد انكم فسختوا الخطوبه وعرفت منه كل حاجه اليوم اللي كنتي بتسأليني فيه انا بعمل كده ليه كنت هقولك بحبك بس وقتها ماما كانت تعبانه شوية وتأتي يوم كنت بتجنبك عشان أتأكد من مشاعري ولما جيت اقولك قولتيلي وقتها على خطوبتك يا روان
بصتله ومش مستوعبه بيقول ايه بعدها ابتسم
ابتسمت وقلبي كان بيدق _ موافقه بس اطلبني من تيتا الاول
طلب ايدي من تيتا وقال إنه مش هيعمل شبكه وهنكتب على طول تيتا وفقت بعد ما اتاكدت من خالد أنه شخص كويس فعلا جبنا الشبكه وكانت بإيرادتي وفرحتي بجد كتبنا الكتاب وكنت شايفه في عيونه الفرحه ..خالتي حضرت كتب الكتاب ودعتلي بالسعاده وقالتلي أنه خالد خطب حبيبته فرحتله وقتها اوي كنت قاعده في البلكونه ونادر رن عليا
_ الوو مستر نادر
اتكلم بضيق_ مستر ايه يا روان بتهزري صح
ضحكت _ بهزر معاك يا نادر بتقفش ليه
ابتسم _ هو انا حبيتك من قليل يا روان
اتنهد وكمل _ بعد الدقايق والساعات عشان تكوني في بيتي يا روان
ابتسمت _ انت بتحبني كل ده
_ واكتر من كده يارب قرب البعيد
ضحكت _ يارب
ايمان_صالح
قفلت معاه وقعدت جنب تيتا بصتلي وابتسمت ب
_ باين عليكي فرحانه يا روان
_ اوي يا تيتا
_ ربنا يفرحك يا بنتي متزعليش عشان موضوع خالد اني فرضته عليكي بس كنت خاېفه عليكي يا روان بس بعد ما شوفت عريسك الحلو ده وانا مطمنه عليكي
ضحكت _ انتي بتعكسي جوزي ولا ايه
ضحكت وبعدها اتكلمت بوهن _ خلي بالك من نفسك يا روان وخلي بالك من حياتك
بصتلها بقلق _ مالك يا تيتا بتتكلمي كده ليه انتي تعبانه اطلب الدكتور
_ لا
بعدها سكتت ومتكلمتش تاني وراسها وقعت عليا بصيت عليها پصدمه
_ تيتا تيتا
مردتش عليا فقومت بخضه ومسكت موبايلي واتصلت بنادر كان أول رقم قدامي وعيطت
_الحقني يا نادر
