قصة مكتملة بقلم ايمان شلبي
كتير اوي عشان قلوبنا تتلاقي
وفي الخلفيه
لسه فاكر
قلبي يديلك أمان
أيوه فاكر كلمه هتعيد اللي كان
وان نظره
توصل الشوق بالحنان
لسه فاكر
بس خاېف يجي يوم ونقول غرامنا
كان زمان
قلبي اتنفض وغمضت عيوني جامد ورديت بصوت مبحوح
ا ارجوك يا ثائر د ده مش الوقت ولا المكان المناسبين للكلام
اخدت نفس عميق ومسحت دموعي وانا برفع عيوني في عيونه
ابتسم ابتسامه واسعه وهز رأسه واتحرك بالعربيه لمكان مجهول وحياه مجهوله واقدار مجهوله
زمان كنت بسمع من ناس كتير اننا مش بنعرف قيمه الحاجه إلا لما تروح مننا!
جايز لما نعرف قيمتها تبقي لسه موجوده علي حالها وترجع من تاني وجايز تبقي مجرد سراب ونعيش طول العمر في ندم وفقد وخوف
اي حد حس بالفقد اي حد حس بالتوهه اي حد حس بالۏجع بيحاول ينصح اللي حواليه عشان ميتعرضوش لنفس الاحساس البشع ده
وفي الحقيقه انا من يوم ما ظهر ثائر في حياتي مره تانيه وانا مقرره احافظ عليه قبل ما يفوت الأوان
ثائر مش مجرد شخص عابر ظهر في حياتي في يوم من الايام!
أصبح الشخص اللي برمي عليه حمولي
أصبح الظهر اللي بيحميني
أصبح الايد اللي بتتمدلي وقت ضعفي وخۏفي
أصبح الحنين اللي بترمي جواه وقت قسوه العالم علي قلبي!
من يوم ما هربت من المستشفي وهو معايا لحظه بلحظه لحد ما اتحررت وقدرت اكسب قضيه الخلع
حبيبي سرحان في ايه
لفيت علي صوته واول ما شوفته اترميت في وانا باخد نفس عميق
خرجني من وحاوط وشي بحنان
لسه خاېفه !
هزيت راسي بنفي
وانت معايا عمري ما بكون خاېفه
انا بس مستغربه ازاي حياتي ما بين يوم وليله اتشقلبت بالشكل ده
أزاي قلبي اللي مكانش بيحب حد غير حسين يحبك انت ويدوب جوا قلبك بالشكل ده!
اخدني في وهو بيتنهد تنهيده طويله
مين كان يصدق أن القدر يجمعنا مره تانيه
سندت راسي علي صدره وغمضت عيوني وانا بفتكر اللي حصل وازاي وصلنا انا وثائر للحظه ديه واصبحت حياتنا هاديه ومستقرة وكلها حب دفي
فلاش باك
انت رايح بينا علي فين
بيتي
رديت پصدمه
نعمممم لا طبعا انا اكيد مش هقعد معاك لوحدنا
رد بهدوء
ومين قال إننا هتفضل في بيت واحد
انا عندي بيت تاني فى نفس العماره اللي ساكن فيها
بصلي بعتاب
متقلقيش انا عارف الأصول وعارف ديني كويس اوي يا جنا
بصيتله بأحراج وسكتت بعدها بصيت قدامي وطال الصمت لمده خمس دقائق قطعه هو بسؤال مكنتش أتوقعه في الحقيقه!
جنا انتي خاېفه مني
رديت بلهفه وتلقائيه
لا طبعا ليه بتقول كده
ابتسم ابتسامه بسيطه وهز رأسه
ولا حاجه مجرد سؤال بس
رديت بتوتر
انا خاېفه من حسين
رد بثقه
مش هيقدر يوصلك متقلقيش
الدموع لمعت في عيوني وانا ببص قدامي
مين كان يصدق أن الشخص الوحيد اللي حبيته يجي يوم وابقي خاېفه منه وبكرهه بالشكل ده وكأنه ملك المۏت!
تصرفات الأشخاص هي اللي بتخلينا نكرههم وناخد حذرنا منهم
عندك حق
حطيت ايدي علي بطني وغمضت عيوني وانا بقول جوايا
مش عارفه لما تيجي علي الدنيا هحبك ولا لا
مش عارفه هقدر اتقبل وجودك وانك حته مني ومن اكتر شخص آذاني في الدنيا ولا لا!
صحيح انتي ملكيش ذنب بس انا كمان مليش ذنب
اتمني تحصل معجزه من عند ربنا ومتبقيش موجوده ولا تيجي علي الدنيا يابنتي
الدنيا اللي كلها غدر وقسوه وناس مبترحمش ولا بتفرق بين الظالم والمظلوم
يلا وصلنا
فوقت من شرودي علي صوته وهو بيفتحلي الباب عشان انزل
نزلت ووقتها كنت قريبه منه بشكل مريب!
رفعت عيوني بصيت في عيونه ووقتها حسيت بقلبي اتحرك من مكانه
اول مره الاحظ أن عيونه لونها حلو بالشكل ده
عسلي فاتح ومع ضي الشمس فيها لمعه غريبه وكأنها سحر بيخطف القلب والعقل
جنا انتي كويسه
بلعت ريقي بتوتر ونزلت عيوني في الأرض
ا أه ا الحمد لله
طب يلا اتفضلي
دقائق وكنت قدام البيت
فتحه ثائر وشاورلي ادخل
اتفضلي
قلبي كان بيدق پخوف ورهبه
كانت
