رواية طفوف بقلم وسام الفراجي الجزء الثاني

اموت منه بس بعد هالموقف حسيت بمشاعر اتجاهه .. او يجوز جنت انتظر عطف اي شخص واعتبره حب بوقتها المهم اني حسيت احساس حلو اتجاه يزن ..
و يزن مينخاف عليه جماعته كلهم بالشرطة يعني واسطات وهيج شي عنده من شرطة ناس يطلبهم بالمحلات ويشتغللهم فعلاقته قوية بيهم وهم يعرفوه ...
شلت غراضي وموبايلي كلت اكيد يزن من يطلع يخابر فلازم اخذه واجرت تكسي لبيتنا ..
ابوي ماكو بالشغل ..
لكيت خواتي وبوستهن واخذت امنة ورحت اسولفلها لان هي صندوق اسراري واحب اسمع رأيها بكلشي ..
كتلها مجبورة اكلج هيج لان هددني ما احجي وخفت توصله واللجعة اصلا جانت عقاپ من يزن مو مال طباخ ودهن ..
امنة كبل وصلت السالفة لأمي ..
وامي كالت حسبي الله بيك يشهاب ورطتنا بهيج ورطة وخليت ابوها هيج يتصرف ..
ظليت ببيت اهلي وابوي بالشغل بعده ..
لتالي الليل اجه ..
وبعد شي نص ساعة خابر يزن كلي وين انت كتله رحت لبيت اهلي عبالي تظل وماريد ابقه وحدي بالبيت خاف يصير شي صارت بية خوفة من اظل وحدي كلي تمام جايج لبيتكم ..
حضرت الجاي هو يحب الجاي هواي المهيل ..
بينما يجي. ..
اجت اختي امنة كالت الي اول مرة بحياتي اشوف قصة حب بعد اسبوع من الزواج وليالي الزواج كلها كتل بكتل ..
كتلها اها صارت قصة حب هو قوري جاي سويت ..
اجه يزن طلعت سلمت عليه واول مرة يبوسني من راسي ..
حط ايده بيدي ويحجي ويا امي ويفرك بصابيعي وبيدي وهو يحجي وياها ..
فات كعد ويا ابوية ..
التمينا كلنا العائلة .. جان امي طك وافتحي موضوع الي سواه وياي يزن من كتل و جوي
معرف شصاير بالجديد وشنو تغير ...
يزن كاعد ولا همه شي معرف ليش هيج مو خاېف ..
ابوي ضاج هواي بس متأخرة ضوجته هو منو اجبرني ع يزن غيره !
شلون تسوي بطفوف هيج وما اسمحلك وليش وليش وصار صوته عالي كلش وانفعل ..
ورا ما خلص ابوية صياح باوع عليه وكلي لو يزن لو ابوج اختاري ..
يزن ما حرك ساكن
وامي وخواتي يباوعون بحذر
واني انبلع لساني ..
انبلع لساني لان ابوية هو الي وصلني لهالمرحلة وهو يدري يزن من ياخذني راح يسوي بية هيج ليش ورا ما تحملت كلشي هسة يريدني اختار بينهم
وهو بلسانه ابوية يكول ليزن ربيها نص عليه ونص عليك
يزن لو يدري عندي اب ينشد بي الظهر ما سوى الي سواه ..
وكفت وكتله ليش يابه مو انت الي طلكت لو يزن لو محد ياخذج 
شنو اختلف هسة بوكت كتلك ما اطيق يزن ولتخرب حياتي تكلي اسمعي الكلام ونفذي
بعدني منفعلة واحجي وطك راشدي من هذا التمام حولني حول و هد عليه يريد يكتلني وامي والبنات حجزوه ..
يكلي صدك مو مرباية طالع لسانج ..
من هسة لو اهلج لو يزن ..
كتله ليش هالخيار هذا زوجي وانتو اهلي
كلي مثلما كتلج من هسة اختاري
كتله يزن اختار وبجيت ..
كلي امشي اطلعي برا انت ويزن لتشوفوني وجوهكم وانسي عندج اهل بعد متبري منج ليوم الدين ..
انطردنا اني ويزن وعالباب كال لابوية سويج السيارة مالتي انطينياه جان يشمر السويج ع يزن ..
كله لتحملنا بيها مانية اخذها ..
رجعت لبيتنا بس شنو
يزن يباوعلي ويريد ياكلني بعيونه ويريد يحجي بس ميعرف شيحجي الغزل بحلكه ثگيل
هالحلك مالته انطي عركات فشار سب غلط مو مال غزليات ..
رحنا للبيت وهو بحلكه حجي وفرحان ع الي سويته واني ضايجة ع اهلي وامي وخواتي وشلون تجرأت واختاريت يزن ..
كعدت يمه وكلت هذا انسب وقت احجيله ع الصور الي بالغلط ..
كعدت يمه وكتله يزن كال ها حبيبي
الله كال حبيبي اول مرة لو شوي اطش جكليت
كتله عيوني حبيبي اريد