عشق لا ېموت
مكتب والتانية تبقى شقة ياسين وقريبة منا والراجل علشان عايز يسافر بسرعه طالب فيها ٢ مليون كاش
ليبتسم عزت وهو يربت على ساقهم
على خيرة الله كلموا الراجل وحددوا ميعاد معاه بكرة نروح نخلص والفلوس على الترابيزة ويمكن نقدر نخفض في سعرها شوية ليرد
يابابا مش كتير كل ده
لا ياحبيبي مش كتير ولا حاجة امسك الشنطة دي فيها خمسة مليون يعني كده ح يبقى معاكم ٣ مليون انت معاك كام محوش كام
ليرد حسين وهو ينظر لعزت شذرا
أيه ياراجل انت ناسيني ولا ايه
احنا واحد ياحسين
طبعا ياحبيبي بس الفلوس تتحط على بعضها تكبر بص ياسيدي انا معايا في البنك مليون جنية ودي ح تبقى مساهمة عصام معاك في الشركة يا ياسين اما الشبكة بقى فأنت معاك كام ياسي عصام
زي ياسين يا بابا هو كان كل مايروح البنك ياخدني ڠصب واقتدار احط زيه يعني كده انا وياسين معانا ٥٠٠ الف دول نجيب بيهم الشبكة ونعمل الفرح وكمان نقضي شهر العسل ايه رايك يا ياسو
ليربت عزت علي كتفه
ربنا يوفقكم حبيبي يارب بس انا ليا عندك طلب
تؤمرني يابابا
اخواتك حبيبي انا الأرض اللي بعتها وجبت فلوسها كنت ناوي ابنيها فيلا كبيرة كل واحد فيكم ليه دور عايزك لما ربنا يكرمك تعمل كده تشتري ارض وتبنيها وتعمل لكل واحد فيكم دور انت وعصام ومحمد وهلا اوع تنسى دي وصيتي
ح يكونوا طبعا حبيبي في كل حاجة معاك بكرة حدد الميعاد مع رشاد وبلغني وانا ح اجبهم واجي لك
ربنا مايحرمني منكم يا بابا
ولا منك حبيبي يالا اسيبكم انا واروح اشوف المصېبة اللي عندي
ليرد حسين وهو يقف ويضع يده على كتفه
خد بالك من نفسك يازيزو وطمني عليك حبيبي
ثواني يابابا انزل اوصلك
لا حبيبي انا معايا عربية اختك سلام عليكم
انصرف عزت وتركهم متجها للبيت حتى ينهي اي وجود لهناء في حياته رغم شعوره بالتردد لفعل ذلك ولكن هل لديه حل اخر
بعد ذهاب هناء من أمام ياسين لم تعرف أين تذهب بعد ماحدث وفجاءه وجدت اتصال من سارة ففتحت الخط وقصت عليها ماحدث فأخبرتها سارة ان تذهب لها فورا وبالفعل توجهت هناء الي سارة
مش ممكن يا هناء ياسين بيحبك ولا يمكن يعمل كده
طيب وبعدين اعمل ايه عزت لو عرف ممكن يقلب الدنيا وهو اصلا مش طايقني دلوقتي
نظرت لها سارة وأخذت تربت على يدها وهي تخبرها ان تدعها تفكر قليلا ثم ابتسمت بخبث ونظرت لها
لقيتها ياهناء قومي بينا
بصي احنا نسبق ونروح نعمل فيها محضر ونشتكيها ان انتي كنتي رايحه لها بحسن نية وبعدين هي قابلتك وحش وشتمتك وزقتك من على السلم ووقعتي
أيه اللي بتقوليه ده يا سارة انتي مچنونة ازاي يعني انا لو عملت كده ابسط حاجة ح يكشفوا عليا وبعدين بقولك ياسين شافني
ياسين ابنك مش ح يعمل حاجة هو ضعيف ادامك ومش معقول ح يقول حاجة بصي انا ح اكلم صديق ليا يضرب لنا شهادة من مستشفى ان رجلك مجزوعة وعندك كدمة في جانبك ونربط رجلك ونروح القسم نعمل فيها محضر
ظلت هناء تفكر في كلام سارة والأخرى توحي لها أن هذا احسن شئ وان والدها سينهي كل شئ بسبب تلك الڤضيحة وحينها يعود ياسين لها حتى اقتنعت وبالفعل قامت بفعل ما اخبرتها به اختها حتى ذهبت للقسم وقامت بأخبار الضابط كل ما اتفقت عليه مع اختها فطلب منها الانتظار حتى يقوم بإحضار ياسمين وبالفعل ذهب عسكري الي المنزل وطرق الباب ففتح رشاد
سلام عليكم هنا منزل المدعوة ياسمين رشاد
وعليكم السلام ايوه يابني خير
مطلوب حضورها للقسم فورا
شعر رشاد بالفزع ونظر للعسكري
ليه يابني عملت ايه بنتي علشان يبقى مطلوب حضورها للقسم
يابيه انا معرفش بس تقريبا في واحدة ست مبلغه انها ضړبتها والله اعلم
أيه يعني ايه مين دي
هنا كان ياسين يفتح الباب ويسأل عما حدث وعندما علم ذلك نظر لرشاد وربت على كتفه
اهدي ياعمي خلي ياسمين تلبس وانا وعصام ح نروح معاها ان شاء الله حاجة بسيطة
لا يابني انا جي معاكم
طلب ياسين من العسكري الانصراف وهم سيأتون خلفه وبالفعل انصرف ودخل يرتدي ملابسه وابلغ عصام وحسين الذي شعر ان وراء هذا هناء فقام
