ابن صاحب الشركه الجزء الثاني

٨٩
الحقيقة الكاملة عارفها شخص واحد بس!!
قاسم أنا همشي بقا أشوفك بكرا في الشركه.. و متتأخريش وإلا هخصملك م المرتب...
فرح و هو مش إنت هتوقف المرتبات أصلا الشهر دا..مش فارقه...
قاسم بغيظ طب عشان الكلمتين دول مخصولك أسبوع ي فرح...
فرح انا اروح احسن قبل م أتطرد..
فرح سابت قاسم و مشيت و هي بتفتكر مكالمتها مع غرام...
فرح في نفسها مستحيل أسامحك.. أنا حافظت علي وعدي و مقولتش لحد علي مكانك و رغم أني مش عارفه ليه مش عاوزه حد يعرف مكانكم بس كل اللي أنا عارفاه أنك متستاهليش أني أسامحك..
فرح رجعت لبيتها أخيرا وسلمت علي والدها و قعدت معاه شوية و هي مبسوطة بالتطور اللي حصل في حالته...

عايدة مستنياكي برا ي فرح...
فرح خرجت ورا عمتها لقتها حطتلها الأكل علي السفرة و قعدت قصادها...
فرح تسلم إيدك ي عمتي..
عايدة فكري معايا أخرج عصير الأول ولا شاي.. مش عارفه طقم الشاي اللي عندنا دا مناسب ولا لا...
فرح بضيق هو قالك اي ي عمتي بالظبط!
عايدة قالي أنه حابب يجي يطلب إيديك.. و أستأذن يجي يوم الخميس..
فرح اللي هو بعد بكرا!
عايدة ايون بالظبط كدا الله ينور عليكي...
فرح أنا هتجنن و أعرف عاوز يتجوزني ليه!!
عايدة هو اللي ليه! اي مستكتراه عليكي يعني عشان غني و هو أحنا يعني بنشحت.. م أنتي محترمه و مثقفة و متربية أحسن تربيه و ابوكي راجل طيب ربنا يشفيه..
فرح ي رب.. بس أنا اللي بفكر فيها أنا كنت قدامه يعني قبل كدا أشمعني لما أتعين في الشركه..
عايدة بصي ي فرح.. هو ممكن يكون معجب بيكي و شايفك مناسبه ليه و حب أنه يدخل البيت من بابه.. يبقي دا راجل محترم و يجي و يقعد و نتكلم و اللي فيه الخير يقدمه ربنا..
فرح ربنا ييسر..
عايدة بس أنا شايفاكي يعني شايفاكي المره دي يعني مديه مجال للكلام و شكلك هتفكري و اي نقول مبروك أنزل أجيبلك حاجه النيش...
فرح نيش اي أنا مش هعمل نيش!
عايدة فرح أنتي شكلك موافقه بجد.. بجد ي بنتي!!
فرح اللي فيه الخير يقدمه ربنا ي عمتي..
عايدة و أشمعنا المره دي هتفكري
فرح مسكت إيد عمتها و حطتها علي قلبها و قالتلها..
فرح عشان دا مرتاح ي عمتي لأول مرا..
عايدة ربنا يفرح قلبك دايما ي فرح ي رب..
فرح دخلت أوضتها و هي بتفكر في كل الحاجات اللي حصلت معاها.. و هي بتفكر هتوافق ولا لا.. مش هتنكر أنها ولأول مره عاوزة تفكر لأنه من الأول خلاها تحس بالأمان...
صلت فرضها و صلت إستخارة و نامت...
عند قاسم دخل شقته وقعد و لسه هيدخل ينام لقي في حد بيخبط علي الباب... 
فتح الباب و كانوا أخواته الأتنين واقفين قدامه.. مشافهمش يمكن من شهور بعد إنشغاله في شغله في شركته اللي كانت بتكبر يوم بعد يوم و حاليا أنشغاله في شركه والده...
خالد و حشتني أوي..قاسم مكلمتنيش أجي أخدكم من المطار ليه و ازاي جيتوا بالسرعة دي..
خالد كنا عاوزين نفاجأك و لا اي ي فارس..
فارس هز راسه بمعني أيوا وقاسم أبتسمله..
قاسم ربنا يخليكوا ليا..
خالد أنا حجزت أول م أنت كلمتني.. المهم أنا جعاااان..
قاسم وأنا كمان أنا لسه جاي من سفر بردو.. بصوا هطلب أكل علي م تغيروا هدومكم يكون وصل..
خالد اشطا..
قاسم كويس بقي انك جيت ي فارس عشان تخطبلي.. مش أنت أخويا الكبير..
قاسم لسه العروسه موافقتش..
خالد صالونات!!
قاسم اه صالونات فيها اي!!
خالد مفيهاش بس يعني متوقتش أنك تتجوز كدا و ي تري بقي روحت لخاطبه ولا اي!
قاسم أنت عبيط يلا.. علفكرا أنا عارفها اصلا دي فرح السكرتيرة بتاعتي..
فارس بص لقاسم بدهشه.. فارس يعرف فرح كويس.. و عارف أن فرح هي أخت غرام... 
قاسم مكانش حابب أن فارس يعرف أنه متجوز فرح بسبب الغلط اللي حصل...
قاسم بكذب هي قالتلي معندهاش أخوات و عايشه مع والدها و عمتها.. هي كويسه و محترمه فارس يعرفها اعتقد...
فارس هز راسه بمعني أيوا و ابتسم ل قاسم و هو جواه بيفكر في كلام قاسم و اللي ترجمه علي أنه فرح مقالتلوش علي غرام.. و أنه قاسم ميعرفش الحقيقه..
قاسم يلا أدخلوا غيروا علي م أطلب الأكل..
خالد وقف برا و أستني لما فارس دخل الأوضه و بعدين بص ل قاسم و سأله..
خالد بهمس أختها!
قاسم هشش مش عاوز أقول حاجه قدام فارس.. بكرا تعلالي الشركة و نتكلم في كل حاجه..
خالد بضيق ماشي ي قاسم...
اليوم التاني فرح في التاكسي و بتتخانق مع السواق علي عشرة جنية...
السواق و أنا مش هسيبك تمشي من هنا إلا لما تجيبي العشرة جنية..
فرح عشرة جنيه اي اللي أدفعها دا انت بتحلم.. حرامي و بجح..
السواق أنا حرامي.. طب أنزليلي بقي..
فرح پغضب أنزلك منزلش ليه..
فرح نزلت من العربية و بتتخانق مع السواق لحد م قاسم وصل و بصلها من بعيد و هي بتتخانق مع السواق... 
قرب منهم و خرج خمسين جنية من محفظته و إداها للسواق..
قاسم خلي الباقي عشانك..
فرح بغيظ هات يلا الفلوس دي والله م هتاخدها ي حرامي... بقولك اي رقم عربيتك هصوره و هبلغ عنك...
السواق أعمليها و انا بقي همد إيدي عليكي و مش هخلي في وشك حته سليمه..
قاسم مسكه من التيشرت بتاعه و زقه في التاكسي و رد عليه بعصبيه..
قاسم پغضب أنت بتهددها و أنا واقف.. أبقي فكر ټلمسها... غور من هنا..
الحراس جهم اول م شافوا قاسم پيتخانق ف السواق قرر أنه يمشي من سكات...
قاسم پغضب أتفضلي..
فرح مشيت قدام قاسم و دخلت للأسانسير و كانت عاوزه تطلع قبله عشان عارفه انه هيزعق كعادته.. حط رجله علي اخر لحظه ف الأسانسير فتح تاني... 
فرح خرجت خمسين جنيه من شنطتها وإديتهالوا..
قاسم اي دا!
فرح الفلوس اللي دفعتها للسواق م هو أنت مش هتبقشش عليا..
قاسم پغضب هو انتي بالعه واحد قليل الذوق..
فرح أنت قصدك أن أنا قليلة الذوق!!
قاسم اي دا ما شاء الله عرفيتها لوحدك و لا سألتي جوجل..
فرح پغضب قصدك أني غبيه..
قاسم ربنا يحميكي دا أنتي بتطوري بسرعة أهوه...
فرح سكتت للحظه و هي بتبصله ب غيظ كبير و بعد م هديت للحظه و راجعت كلامها لقت انها قلت ذوقها معاه بالفعل...
فرح بضيق أنا أسفه.. ممكن تاخد فلوسك!
قاسم أسفك مرفوض...
الأسانسير فتح و قاسم سابها و خرج رايح لمكتبه.. و هي خرجت وراه و هي متضايقه...
قاسم پغضب أنا مش قولت مية مره مفيش أكل في الإستقبال.. دا منظر واحده بتقابل الناس اللي جايه الشركه واقفه بتاكل!!!!
هالة أنا أسفه ي مستر مش هتتكرر.. أنا بس مبلحقش أفطر..
قاسم في كافتيريا في الشركه توقفي حد فاضي من زمايلك و تروحي تاكلي.. في استراحه تاكلي فيها أنا مش بعذبكم هنا...
هالة حاضر ي مستر بعتذر...
قاسم راح لمكتبه و فرح كانت واقفه وراه مستخبيه و خاېفه منه لأن هي اللي عصبته... راحت وقفت قدام هالة..
هالة بضيق هو اي طريقة الكلام دي انا مبقيتش مستحمله..
فرح معلشي هو متضايق شويه.. لسه مټخانقين...
هالة هو أنتي مبترحميش!
فرح حكتلها كل اللي حصل ف هاله بصتلها بضيق وڠضب...
هالة هو فعلا عنده حق أنتي قليله الذوق و مشوفتيش بربع جنيه تربيه..
فرح پغضب أنتي صاحبتي أنا ولا هو...
هالة الراجل محترم و جه حل المشكله بكل ذوق و أدب و دفعلك الأجره و أنتي بتقوليله هتبقشش عليا!! لازم تعتذريله ي فرح..
فرح بضيق أعتذرت.. قالي أسفك مرفوض..
هالة تستاهلي..
فرح بقلق هالة... مستر قاسم جاي بكرا البيت يطلب إيدي..
هالة پصدمه اااي!!
فرح زي م سمعتي أنا لازم اروحله دلوقتي و بعدين في استراحه الغدا نتكلم..
هالة أنتي هتقولي كدا و تسيبيني و تمشي.. ي فرح.. ي..
فرح سابتها و مشيت و راحت لمكتب قاسم.. خبطت علي الباب و دخلت بعد م سمحلها...
قاسم في مواعيد اي النهاردة...
فرح أهم حاجه النهاردة هو إجتماه مع عبد الرحمن شاهين عشان نناقش الصفقة اللي عارضها علي الشركه..
قاسم أيوا..مش عاوز أغلاط..
فرح حاضر ي مستر.. حاجه تانيه!
قاسم لا روحي شوفي شغلك...... اه.. فرح..
فرح نعم..
قاسم وقف و قرب منها وأتكلم و هو حاطت إيده في جيبه...
قاسم فرح أنا أعتبرتك صديقه لأنك تحملتي شغل مش شغلك عشان خاطر الشركه.. أعجبت بيكي و أحترمتك عشان كدا اتكلمت مع اهلك مباشرة من غير لف و دوران.. بس أنا مش هسمحلك اني أحس أني بتهان من كلامك و أسكت.. مجرد إحساس ي فرح...
فرح أنت عندك حق ي مستر و أنا بعتذر.. أنا بس كنت مټعصبه لأنه أخد أكتر من حقه دا أخد 80 جنيه في مشوار ب عشرين...
قاسم عارف.. بس أنا اتجاوزت الموقف و عديته يبقي خلاص.. و أنا مبقولكيش اعملي كدا علطول بس السواق دا أنا عارفه و بيمد إيده و أكيد انا مش هسمح حتي انه يطاول معاكي في الكلام ف أديتله اللي فيه النصيب و خلاص... الموضوع أنتهي..
فرح يعني حضرتك قبلت إعتذاري..
قاسم قبلت.. عقبال م أقول قبلت حاجه تانيه..
فرح بخجل احم.. أنا.. ه.. هروح اشوف شغلي..
قاسم شاف الخجل و الكسوف ف حاول أنه يزود كلام يخليها تقرب منه و تحس انه فعلا عاوزها...
قاسم فرح! أنا فعلا معجب بيكي.. بشخصيتك و بنجاحك و بشخصك انتي.. أنا شايفك مميزة و عندي شعور ناحيتك...
فرح بتوتر أ.. أنا..
قاسم متقوليش حاجة.. مش عاوز اسمع حاجه غير بعد م أجي بكرا و نتكلم و نمشيها رسمي زي م أنا أخترت تكون من البداية... تقدري تروحي تشوفي شغلك...
فرح خرجت من المكتب و هي حاسه أنها محتاجه تخرج من الشركه كلها و تجري في الشارع و تاخد نفسها.. أول م خرطت لقت التلاته واقفين في وشها... 
علا و هالة و داليا..
علا وشها لونه أحمر!!!!!!
داليا وخدودها دفيانه من ڼار الحب...
هالة مسكت إيديها...
هالة إيدك متلجه ليه ڼار الحب مجاتش عليها...
فرح الله يخربيتكوا هتفضحوني قولتلكم هقولكوا في استراحه الغدا و انتي ي هالة م صدقتي فضحتيني..
هالة أحنا.. عاوزين.. نعرف.. كل.. حاجة.. دلوقتي..
علا بقولك اي! مكتب مستر ياسر فاضي عشان هو مش هيجي النهاردة ف يلا علي هناك..
هالة ايوا يلا...
فرح جماعه مستر قاسم عنده إجتماع مهم أوي