رواية مكتملة بقلم اميره حسن -4

اصلا كنت بهزر معاكى...... وعايزة اشوف.... اشوف قلقك عليا.
اتفجئت فردوس وقالت بعصبيه متكذبيش عليا.... انا امك... وحاسة ان فيكى حاجة... فامتعمليش فيا كدة يابنتى.
ضحكت صبا بتمثيل وقالت صدقينى كنت عاملة فيكى مقلب... عشان عارفة انك زعلانه منى وهتبهدلينى فاقولت اقلقك شويه عليا عشان اعرفك انك متقدريش تزعلى منى.
اتعصبت والدتها وقالت وانتى شايفة ان كدة صح يعنى ياصبا
باستها صبا بحب من خدها وقالت بمرح انا شايفة انك مينفعش تزعلى منى ياست الكل.
وقبل ماترد فردوس لقت صبا اتحركت ناحيه والدها وحضنته بقوة وقالت بهمس مصحوب بعياط وحشتنى ياحبيبى.
فتح هارون عينه بضعف وبص لبنته بحنيه وابتسملها بحب فاباست ايده بدموع وقالتله انا فرحانة اوى انك بخير.
حط ايده على اديها وابتسملها بحب ورجع غمض عينه بضعف ونام فابصت لوالدتها وقالت بقلق هو بابا مش بيرد عليا ليه
قربت منها فردوس وقالت بهدوء لانه لسة تحت تأثير الغيبوبه وهياخد فترة قليله لحد مايتأقلم.... ودة كلام الدكتور.
هزت صبا راسها بنعم وبصت لوالدها ورجعت باست ايده بحب. 
.......................................................
مازالت تارا واقفة بين نارين ودموعها نازله بغزارة لحد مامنذر ضغط على وسطها بقوة وقال بزعيق ماتخلصينى بقاااااا.
غمضت عنيها وقررت تقول بعياط هختار لمار.
فتح حمزة عينه وبصلها بتفاجئ فالقاها بتبصله بعياط وكانها بتقوله بعيونها ماباليد حيله وشاف منذر مبتسم وقال بسخرية واخيرا عملتى حاجة صح فى حياتك.
بصتله تارا بعياط وقالت ازاى هيجيلك قلب تسيب الكلاب السعرانه دى على بنى ادم وتكون سبب فى قټله..... حرام عليك.
ابتسم وقالها بسخرية بصى هو انا ابان جاحد بس مش قاټل.
قالتله بعياط واللى انت بتعمله دة اسمه ايه
قالها بجديه باخد حقى...... وبما انى خلتكم توصلو للمرحلة دى من الخۏف يبقا انا ارتحت ومش محتاج اقتل.
استغربته وقالت يعنى ايه
بص منذر لرجالته وقال برجوليه طلعو الكلاب دى كلها من المخزن.
وفعلا الرجالة طلعت بالكلاب برة المخزن وفضلت لمار تبصله بأستغراب وسط دموعها وخۏفها وحمزة كان بيبصلها پغضب كأنه هيقتله بنظراته وتارا واقفة بين ايد منذر واعصابها فلتت وهى بتبصله بحيرة.... يعنى بأختصار كلهم اټصدمو فيه وانه تعب اعصابهم على الفاضى.
ومن الخۏف مقدرتش لمار تقوم من الارض ومسحت دموعها وهى بتقوله برعشه ا.... اا... انت مچنون...... اا... انت لازم.... لازم تتعالج..... اااا.
قطعت كلامها لما لقيته زق تارا على الارض واتجه للمار ونزل لمستواها وحط صوبعه على شفايفها وقال بهدوء شششش..... اهدى...... عشان انتى اللى هتحتاجى علاج مش انا......
مقدرتش ترد عليه بسبب فلت اعصابها ورعشة جسمها القويه وبدأت تدوخ تدريجيا لكن كل ماتغمض عنيها يظهر شكل الكلاب قدامها فاتفتح عنيها بخضه وشفايفها بترتعش پخوف
وفضل منذر يبصلها بتفحص ومازل شعور الڠضب جواه فابعد عنها لان خۏفها منه بيدايقه ورجع لتارا وهو بيبص لحمزة وقال متطمنش اوى كدة عشان لسة الحساب مخلصش.
كانت تارا واقعه على الارض وبتبص لحمزة وضميرها بيأنبها لانها مخترتهوش وفى نفس الوقت ارتاحت انه لسة عايش ولكن اتفاجئت من جمله منذر وفضلت تبصله پغضب لحد ماتكلم حمزة بتعب وحقد انت اللى حسابك معايا تقل اوى.... واوعدك انك هدوق من نفس الكاس.
ضحك منذر وقاله هو انت لسة فيك حيل تهدد..... انا عايزك تريح بالك كدة...... عشان المشهد الجاى هيعجبك اكتر.
فاسكت حمزة بسبب الدوخة اللى سيطرت عليه ولكن قاوم تعبه لحد ماشاف منذر بيطلع ورقة وقلم من جيبه ونزل لمستوى تارا وقالها بأبتسامة مستفزة يلا امضى.
بصتله تارا بأستغراب وسألته امضى على ايه 
رد عليها بثبات مش لازم تعرفى ....والحاجه الوحيدة اللى لازم تعرفيها انك لو ممضتيش هخلى الكلاب تعملكو زيارة تانى .
اتكلم حمزة بزعيق متمضيش على حاجه متعرفهاش ياتارااا.
بصتله تارا بدموع ورجعت بصت لمنذر بأستحقار وقالتله طب خلينى اقرى انا همضى على ايه
اتكلم منذر بسخريه براحتك وعقبال ماتخلصى يكون الكلاب شافو شغلهم.
اتكلم حمزة وشتمه فاأسرعت تارا وقالت خلاص همضى.
ومسكت الورقه والقلم پعنف ومضت بسرعة قبل ماتبص على المكتوب وحدفتهم فى وشه بقوة نتيجة ڠضبها فابعد وشه ورجع بصلها بأستهزاء وقالها تصدقى مكنتش اعرف انك غبية اوى كدة...... بس غبائك فدنى ووفرتى عليا مناهدة طويلة اوى..... فالاول مرة غبائك هيستحق الشكر.
قلقت وقالتله پغضب ماتقول اللى عايز تقوله من غير اسلوبك المستفز دة فى الكلام.
ضحك وقالها حاضر ياغبية هانم....... ااا...قصدى يامدام عدى باشا.
استغربت وقالته انت قولت ايه
قالها بسخرية ايه اللى مفهمتهوش..... غبيه ولا مدام عدى.
سالته پغضب ايه مدام عدى دى.
ضحك وقالها بأستهزاء يعنى غبية دى عادى.
خبط حمزة ايده بقوة على الكرسى وهو بينفخ وبيقول يامصبر الۏحش على الجحش.
ضحك منذر وقاله وهو فى وحش بيبقا مربوط برضه..... خليك فى التانية لايقة عليك اكتر.
قالت تارا بلهوجة وقلق رد عليا..... قصدك ايه بكلامك دة
مسك الورقة وورهالها وهو بيقول بهدوء حضرتك بأيدك مضيتى على جوازك العرفى من عدى....يا.... يامدام عدى.
اتأكدت من الورقة ونزلت دموعها من الصدمه وقالت بلجلحة لا... لا.... ااا... اصلا... انا مينفعش اتجوز الا بعد 40 يوم