موسي-3

عن الموضوع ده
ثانيا انا فعلا كنت حاطتلك جهاز التسنط ده بس ده كان اول ما جيتى وحرفيا انا نسيته ادخلى عندى على اب ستور وهتشوفى بقالى اد ايه ماستخدمتوش من قبل حتى مانتمم جوازنا وانا الاول كنت صريح معاكى فى كل شىء وانتى عارفه انى مكنتش واثق فيكى صح 
اينور سكتت 
كمل موسى وبعدين لو انا مش واثق فيكى يا اينور هخلى بابا يتنازلك عن نصيبه وانا كمان اتنازلك عن نصيبى منا كنت وقفتلك زى اللقمه فى الزور بنصيبى انا وبابا 
بصى يا اينور انا هسيبك تهدى خالص وتفكرى مع نفسك وهيبقى لينا كلام تانى مع بعض 
جه يخرج من الاوضه لكن لف ورجع بصلها تانى 
هو انتى مين قالك الكلام ده وضحك نص ضحكه اكيد طبعا مش منه اللى هتيجى تقولك واللى قالك وموجهش الكلام ليا انا ليا كلام تانى معاه 
ورجع بصلها مره اخيره . وانتى سايباها تطلعك وحشه ليه عموما انا مش فارق معايا وراح غامزلها 
نزل موسى وهو نازل قابل ايان بصله بدون اى تعابير وسابه ومشى ونزل المكتب وكان باباه موجود 
مهران اوعى تكون زعلتها 
موسى لأ طبعا ومقدر حالتها . انت قولتلى ان منه امبارح كانت مع ايان فى الجنينه وبعدها دخل متنرفز 
مهران معذور محدش يعرف قالتله ايه 
موسى لأ مش معذور انا لو فى نيتى غدر كنت رجعته ليه ماكنت سبته زى الفار هناك من جحر لجحر انا كان فى نيتى ادخله شريك مع اخته ويساعدها في الإدارة بس هو غبى بيخسرنى 
مهران انا عارف اعصابك تعبانه من بعد اللى اكتشفته 
موسى ومش هرتاح غير لما اعرف كل حاجه وخد الكبيرة بقى الهانم كانت بتحط منشطات حمل لاينور يعنى كانت عايزه اينور تحمل في اكتر من عيل 
مهران ليه انا قلت انها ممكن تسقطها لكن دى اخر حاجه أتوقعها
موسى لأ انا بقى وضحتلى كل حاجه
الهانم كانت عايزه اينور تحمل في أكتر من عيل عشان لما اطلقها مفكرش اتجوز تانى عشان خلفه تبقى كسرت حجتى من ناحيه ومن ناحية تانيه تعوض احساس النقص عندها وتبقى ام لانها عارفه انى مستحيل اخلى حضانه ولادى لاى حد مهما كان يكون 
وطبعا كل اما احب اكتر كل اما اتوجع اكتر كل اما اكرهه اكتر فلما تفضل تكيد فى اينور وتطلعها مجنونه بالشكل ده هى فاكره انى هيجى عليا وقت وأطلق اينور اواكرهها او توصل اينور انها تزهق لما تشوفنى طول الوقت فى صف منه و تطلب الطلاق وتصمم عليه وساعتها تكون هى
فى الاخر كسبت كل حاجه بس هى غبيه لا عاش ولا كان اللى يفكر يضحك عليه واكبر غلطه انها حاولت تكره اخو اينور فيا عشان يشجعها على الطلاق لان واضح من شكله انها معبياه ناحيتى وهو عبى اينور فعلا 
مهران طيب هتعمل ايه 
موسى أتأكد خلاص ان المصنع رجعلى تانى وساعتها هتشوف 
طلع ايان عند اينور عشان يتكلم معاها ويعرف حصل بينهم ايه واينور حكتله على كل حاجه تمت بينها وبين موسى 
إيان انتى متاكده انك سمعتيها قالت كده يا اينور 
إينور اه 
ايان بس هى مش غبيه عشان تديكى عصير قدامنا كلنا عشان تسقطك يا اينور وتبقى هى المتهمه الوحيده مش مساله شكت انك سمعتيها هى قاصده على فكره انك تعملى الشو ده
اينور بصتله تصدق فعلا عندك حق حتى موسى لمحلى قبل ما يخرج بحاجة زى كده 
إيان ابعدى عنها بقى 
اينور بضحكه خبث طبعا هبعد خالص 
قصص وروايات أمانى سيد 
ايان مش مرتحلك 
اينور لأ متقلقش انا دايما كنت براعى انها الزوجة الأولى وكنت باجى على نفسى بس خلاص
طلع بعد كده موسى غرفته ومنه طلعت وراه
منه عجبك كده يا موسى اللى اينور بتعمله كل شويه معايا انا تعبت كل مره اعدى عشان خاطرك لكن هى مش بتعمل خاطر لحد 
موسى انا زهقت يا منه فعلا معلش عدى لحد ماتولد بس 
منه ولما تولد هتعمل ايه هتسيبها تضربنى وتطردنى بعد كده 
موسى لا يا منه صدقيني فى اقرب وقت هدى كل واحد حجه الطبيعى متقلقيش 
منه مش قلقانه يا حبيبي ولسه هتقرب منه 
موسى منه انا المشاكل اللى انا فيها مخليانى مش طايق لو سمحت سبينى لوحدى 
خرجت منه من عند موسى وهى حاسه انها قربت تنفذ المخطط بتاعها
تانى يوم اينور راحت الشركه وايان راح لموسى الشركة عشان يتكلم معاه وحكاله كل حاجه منه قالتهاله واتاسفله ان شك فيه بس موسى نبه عليه انه يتعامل عادى جدا وكانه متكلمش معاه في اى شئ ومقالوش على موضوع مشاركه اينور لحد ما يتاكد انه فعلا يستاهل يكون شريك
خلص اليوم بدون احداث جديده لحد اما او احداث هتبدا فى الظهور قريب 
وصلوا كلهم البيت واينور فى غرفتها مستنيه منه تطلع من الاوضه بتاعتها عشان تنزل وراها وفعلا لما منه خرجه اينور خرجت وراها وعلى اخر سلمه شدت منه من اديها وعملت ان منه بتزوقها ووقعت نفسها براحه على الارض