اڼتقام مچنون -٥

ماما !!
اعملي بقي مش عارفة !! يعني انتي مش عارفة باللي عملتيه ! دا انا شوفتك بعينيا يا ڤاجرة .
اعصابي سابت والموبايل وقع مني علي الارض و انا مش فاهمة حاجة لكن احساسي ان كلامها مظبوط .
بدأت اربط كلام اسامة ببعضه مع كلام امي لحد ما استنتجت المصېبة اللي حصلت لكن كنت لازم اتأكد الاول .
اسامة سألني فيه ايه يا قلبي 
لا ابدا دي ماما زعلانة مني علشان فاكرة اني سيبت البيت لمعتز ومشيت .
طيب ابقي حاولي تفهميها حقيقته علشان تعرف انها فاهماه غلط وتفهم انها جوزتك لانسان حقېر .
طيب هات موبايلك اخد منه فيديوهاته علشان ابقي اخليها تشوف بعينيها وتقتنع بكلامي .

وفعلا اخدت منه الموبايل وبعت لنفسي كل الفيديوهات اللي موجودة عليه لتليفوني .
ولما دخل الليل اسامة قالي انا لازم امشي و اروح البيت علشان مراتي مش تحس بحاجة .
انت مش هتعرفها لما نتجوز 
اقولها او لا تعرف او متعرفش عادي مش يهمني الا اننا نكون مع بعض .
اومال خاېف ليه انها تحس و تعرف 
مش خوف يا قلبي لكن كل حاجة ولها وقتها .
ماشي يا حبيبي بس بكره الصبح لازم تكلمني .
اكيد يا حبيبتي .
نزل اسامة وبمجرد ما قفل الباب فتحت تليفوني اشوف الفيديوهات .
بدأت افتح كل فيديو لمدة ثواني لأني كنت شاكة في حاجة .
وبعد ما شوفت كام فيديو أتأكدت من الشك اللي في دماغي !!!
الشقة اللي كان اسامة بيصور فيها معتز علشان يمسكها ذلة عليه هي نفسها الشقة اللي اجرها ليا وقعدنا فيها ٣ ايام !!!!! 
معقول دي صدفة ولا اسامة كان مرتب مع السمسار !!
ده اسامة كان معايا واحنا بنعدي علي السماسرة واحد واحد وبندور علي شقة !!! معقول كل ده كان بيمثل عليا !!!!! 
دي مصېبة سودا !! ده معني كده ان اللي انا استنتجته من كلام ماما ممكن يكون حقيقي !! دي تبقي کاړثة !!!
بدأت افتح كل الفيديوهات اللي نقلتها من تليفونه لحد ما لقيت فيديو بفتحه شوفت نفسي معاه !!!!!
انا مش قادرة اصدق مع الحب اللي حبه ليا ده كله معقول يعمل كده !!!
معقول كان بيمثل الحب عليا لأ مش ممكن انا عارفة اسامة كويس ده انا عرفته سنين قبل الجواز .
اسامة بيحبني فعلا طيب ليه يعمل كده ! معقول كرهني بسبب اللي عملته فيه زمان انا مش قادرة افهم هو عمل كده ليه 
معقول يجتمع الحب والكره في قلب انسان واحد بالشكل ده !!!
المهم دلوقتي انا هعمل ايه في الکاړثة دي وهواجه امي واهلي وكل الناس ازاي بعد الڤضيحة دي 
يعني خرجت من مشكلة لها حل لمشكلة اكبر ملهاش حل ابدا .
وبعد وقت من التفكير التليفون رن كان اسامة اللي بيتصل بيا !!
مش عارفة ارد اقوله ايه ارد واشتمه ولا اسكت واعمل أني لسه مش عارفة حاجة 
ولو شتمته هيفيد بايه ده زي ما بعت الفيديو لجوزي ممكن يبعته لكل الناس والڤضيحة تكبر اكتر واكتر .
انا احسن حاجة مش ارد عليه خالص .
اسامة رن عليا كتير وانا مش برد عليه ابدا .
بعت لي رسالة انتي فين يا قلبي طمنيني عليكي انا بدأت اقلق عليكي اوي ارجوكي يا حبيبتي ردي عليا 
الكلام ده كلام واحد بيحب وقلقان علي حبيبته !! اومال ليه اسامة عمل كده 
وفضلت في حيرة وبفكر وقت طويل وفجأة