رواية مكتملة بقلم ديانا ماريا -٢

روفان بحرج معلش يا حبيبي نسيت أكلمك بس انشغلت شوية.
مرر تاج ذلك العذر الذي لم يصدقه تماما وقال طيب أنت نايمة أصلك مردتيش من أول مرة.
ردت روفان بمرح لا أنا برة مع أصحابي بنعمل شوبينج وخارجين يعني.
أجاب تاج باستهزاء أكيد دي الحاجات المهمة اللي اتشغلت بيها.
لم يرق لروفان نبرته وردت بانزعاج جرى إيه يا تاج هو أنت متصل علشان تتريق عليا
قال تاج بجدية مش وقته الكلام ده المهم أنت هتيجي مصر امتى
قالت روفان بحيرة مش عارفة هو الجواز هيخلص في خلال كام يوم بس يمكن معرفش اجي علطول.
رد تاج بتساؤل وده ليه
أجابته روفان بحماس علشان صحباتي طالعين رحلة وأنا عايزة أطلع معاهم ورتبنا كل أمورنا خلاص.
قال تاج بحدة أنا بكلمك في مستقبلنا وأنت تقولي لي رحلة! رحلة إيه دي أصلا اللي أنا لسة عارف عنها ويا ترى كنت هتقوليلي ولا هعرف بالصدفة زي دلوقتي!
أجابت روفان بضيق تاج أنا مش بحب الأسلوب ده وبعدين فيها إيه يعني لما أتأخر شوية الدنيا مش هتطير تأجل الموضوع لحد ما أخلص وأرجع.
زفر تاج بشدة وهو يفكر أنه يرزح تحت ضغط هائل بين الكوارث التي عاد ووجدها في انتظاره وبين روفان التي يجدها غير مبالية.
قال تاج بشدة من بين أسنانه روفان أنا صبري بدأ ينفذ ومش فاضي للدلع ده لازم تيجي في أسرع وقت مصر علشان موضوعنا لأنه الأمور عنا ملغبطة شوية.
ردت روفان بلامبالاة يعني ذنبي إيه في الأمور دي أنا عايزة أروح الرحلة دي لبلد تجنن ومع صحباتي ومش هفوتها.
توقف تاج للحظة قبل أن يقول بجمود لو مجتيش مصر خلال يومين اعتبري علاقتنا منتهية.
أجابته روفان بذهول أنت بتقول إيه
قال ببرود اللي سمعتيه.
ردت روفان بغيظ دي حركات عيال دي ولا إيه! أعمل اللي أنت عايزه أنا مش هغير حاجة أنا مخططة ليها من بدري علشان جنان ظهر فجأة في دماغك مع السلامة.
أقفلت الخط في وجهه بينما تاج واقف مكانها ويده تضغط على الهاتف بشدة حتى ألقاه أرضا بعصبية مرر يده خلال شعره وهو لا يعلم كيف آلت الأمور إلى هذا الوضع.
كان يتنفس بعصبية وفكر أن عليه العودة للبيت على الأقل سيقوم بمصالحة والدته رفع هاتفه من على الأرض ليجد أن شاشته قد تحطمت ولكنه مازال يعمل فزفر بضيق قبل أن يضعه في جيبه ويغادر.
وصلت سميحة إلى المستشفى بسرعة ولجت لغرفة نصير ووجدته مستيقظ فقالت بقلق إيه مالك يا نصير أنا جيت بسرعة.
أشار لها نصير بأن تجلس فجلست على الكرسي المجاور لسريره وهى تمسك بيده.
قال بصوت ضعيف متعب مقدرتش أنام يا سميحة قعدت أفكر في اللي قولتهولي ومقدرتش استنى كان لازم أسألك.
عقدت سميحة حاجبيها بحيرة إيه اللي قولته
تردد قليلا ثم قال موضوع تاج وسروة.
شحب وجه سميحة وأشاحت ببصرها عنه لا تعرف بماذا تجيبه.
ضغط نصير على يدها بإصرار أنت قولتي له
لم تستطع الكذب عليه فأومأت برأسها فقال نصير وهو يخفي اللهفة من صوته وقالك إيه
التفتت له سميحة بعيون حزينة وهى تقول بنبرة منخفضة مليئة بالاحباط موافقش للأسف.
امتقع وجه نصير وظهر الحزن جليا على وجهه وشرد بعيدا وكأنما يتحدث إلى نفسه طبعا من حقه ميوافقش.
نظر لسميحة مجددا وهو يقول بحسرة مين يوافق يورط نفسه في مصېبة زي دي.
أسرعت سميحة تهدئه بعطف متقلقش يا نصير كل حاجة وليها حل بأمر الله.
هز رأسه بالنفي ثم بدأ وجهه يشحب وتنفسه يتسارع فقالت سميحة بقلق مالك يا نصير 
رفع يده وهو يشير لها على صدره وتنفسه يضيق عليه
رد بصوت متقطع مبحوح م..مش ق..قادر أخد نفسي.
وقفت سميحة بفزع لا تدري ماذا تفعل حتى بدأت تنادي الطبيب والممرضة بصوت عالي تستنجد بهم وهى ترى نصير يشحب أكثر فأكثر ولا يستطيع أن يتنفس بصورة طبيعية وعيناه تغلق تدريجيا.
استيقظت سروة من نومها مړتعبة بعد أن رأت كابوسا بشعا كانت تتنفس بسرعة وكأنها كانت تركض في نومها.
نظرت حولها فوجدت الغرفة مظلمة إلا من ضوء يأتي من الخارج مدت يدها وشربت من كوب الماء الموجود على المنضدة بجانب سريرها لتروي ظمأها.
فكرت أن تنادي على عمتها ولكنها لم ترد إزعاجها فجلست مكانها شاردة حتى رن هاتفها مخرجها من تفكيرها.
ارتعد