السواق والجميله

مطلوب للفستان كنت حاسة اني مبسوطة بنفسي اوي لما عملت كده و بتخيل شكل اختي منة و انا داخله عليها بالفستان اللي بتتمناه
ف الرست
_ موج جهزي نفسك النهاردة هنبدأ علي الفستان 
بجد ازاي !
_ كلمت واحد صاحبي عنده نوع الماكنة اللي المفروض نبدأ بيها الفستان
طب حلو حلو اوي فين مكانه 
_ مش بعيد قريب من الورشة
اخدت القماش و رحنا لمكان صاحبه و اكتشفت هناك ان عز اقصد بحر هو اللي هيقعد ع الماكنة و هيشتغل علي الفستان هنبقي انا وهو بس ف المكان
بدأنا نشتغل عليه و كان هو مركز و سريع كالعادة وهو بيبدأ فيه قمت عملت شاي ليا انا وهو و شغلت اغنية نضيع بيها الوقت ف اشتغلت اغنية فضلت الاغاني تشتغل لحد ما جت اغنية لعمرو دياب لقيته بيدندنها معاه و بيشتغل و يبصلي
و انت معايا ميشغلنيش الناس فرق الاحساس اجمل بكتير 
حطيت الشاي و بصيتله لقيت بيبتسم و كمل دندنة
ده مفيش ثانية تعدي متوحشنيش و ارتحت معاك
طب اسمي ده اي !
باين حبيت ايوة انا حبيت 
حبيت الدنيا اللي بتضحكلي معاك ع طول 
قمت وقفت و دورت وشي و انا بضحك عملت كأني هجيب السكر و اجي و انا واقفة حطيت ايدي علي قلبي لقيته بيدق جامد رجعت لمكاني تاني لقيته لسه بيدندن حبيت افصل اللحظة ف قفلت الاغاني
حطيت ايدي ف وسطي _ بص هو صوتك يحترم و كل حاجه بس انا مش هحترمه
ساب القماش تقعد يضحك كنت اول مرة اشوفه بيضحك اول مرة اشوفه بيضحك من قلبه عينه قفلت و حسيت اني قلبي رجع يدق بسرعة تاني لما شوفته بيضحك و ضحكت علي ضحكته
خلص ضحك و رجع كمل خياطة
لقتني بنفس سرعة اختياراتي الغلط علي طول بقوله _ ضحكتك حلوة اوي متبطلش تضحك يا بحر
بصلي بنظرة حلوة _ بحر !
اتضايقت 
_ لا خالص اول مرة احب ان حد يناديني ببحر بعد أمي
انا برضو حبيت اسم بحر عن عز 
_ خلاص قوليها ليا ع طول 
ابتسمت اتفقنا
تاني اسبوع رحنا ع ماكنة تانية عند واحد تاني عشان نكمل باقي التفصيل بس المرة دي كان بيت الشخص ده محتاج مواصلة ف ركبنا مواصلة و قعدت جنب الشباك
_ نتشارك 
مد ايده بالهاند بتاعته ف ابتسمت بحب نتشارك حطيت واحده من الهاند و هو حط التانية
كانت اغنية للست سيرة الحب 
كان جايبها عند كوبليه معين كده كأنه عايزني اسمع الكوبليه ده بالاخص
أهل الحب صحيح مساكين 
ياما الحب نده علي قلبي مردش قلبي جواب
ياما الشوق حاول يحايلني و أقوله روح ي عڈاب
كنت بسمع الكوبليه و الهوا مندمج مع الأغنية و ريحة برفانه اخدوني لعالم تاني عبارة عنه هو بس مفوقتش غير علي صوت الست وهي بتقول بأقوي ما فيها من ذرة حب
ياما عيون شاغلوني لكن ولا شغلوني
الا عيونك انت دول بس اللي خدوني و ب حبك أمروني
أمروني أحب لقتني بحب 
لقتني بحب و أدوب ف الحب 
الكوبليه خلص ف بصيتله لقيته بيبصلي بعيونه الحلوة و سرحان سرحت انا كمان جايز من سحر الأغنية و صوت الست خلي لغة العيون بس هي اللي تتكلم 
فوقت و ضحكت و هو كمان ضحك و بص للموبايل
_ الاغنية خلصت 
بصلي و ابتسم الكوبليه اللي حاسه من الاغنيه خلص
من حسن حظي ف الوقت اللي المفروض ارد فيه العربية وقفت و بدأنا ننزل عشان نروح للمكان اللي هنخيط فيه باقي الفستان
رحنا المكان و قعدت علي ما خلص الراجل اللي رحنا عنده خلص الجزء اللي عايزينه
مر شهرين و نص خلال الشهرين دول كنت انا و بحر يتقرب يوم عن التاني شهرين قادرين يغيروا حياة إنسان ما بالك بقلبه ! و تخيل قلبك يتغير للحب مع شخص طول الوقت بيلمحلك بحبه بحر لطيف للحد اللي ملوش حد حقيقي اللي اكتشفته معاه
ان اوقات العلاقات بتكون حلوة لما ايد البشر تضعف علي لمسها 
علاقتي بيه كانت عشاني و عشانه بس مدخلناش حد فيه و حتي الكلام اللي