من حواديت نيره

مينفعش اتجوز بلوجر ! 
_ انتي متأكده ان مختار العربي ده هيقابلني 
انزلي يا موج والله قالي نص ساعه و هيكون ف البيت
_هيعمل كده من غير فلوس عشان متحرجش معاه و هزعلك
عيب عليكي يالا بس عشان مستنيكي
_اوكيه انا مجهزة نفسي اهو بس قولت اتأكد اكتر
نزلت رحت علي العنوان و ركنت عجلتي بعيد شوية عن البيت

وقفت قدام العمارة و رنيت علي رقم الدور بتاعه بس محدش رد البواب لما لاقاني واقفة قالي انه خرج من بدري
رنيت علي رقمه ال بعتته ليا سها و قولتله وانا متوترة ان الاوردر وصل تحت البيت قالي قولي للمندوب اني خمس دقايق واكون موجود لازم يسلمه ليا ف ايدي
قعدت جنب العمارة اخدت نفسي و شربت مياه دعيت ربنا انه يجعلها خطوة تكون فتحه خير عليا و ان عشمي و تعبي ميروحوش ع الفاضي
شوية و لقيت عربية بتركن علي الناحيه المقابلة و نزل منها مختار كان شكل الصور ال شوفتها اسمراني و طويل لابس كلاسيك و طلته حلوة
لحظة ايدا ! ده أقرع! احيه امال شعره فين!
وقفت لما قرب عليا
ابتسم و مد ايده _ ازايك 
حطيت الاودر جنبي و ايدي علي صدري من فوق ك اعتذار علي رفضي
ابتسمت اسفة مش بسلم بالأيد
رجع ايده تاني و رفع حاجبه و ابتسامته اختفت
_ انتي المندوب ال تبع مدام موج
كاك مدام ف عينك انا مدام!!!
لا انا موج
استغرب جامد و بان علي وشه كده
_ غريبة مش عندك مندوب بتوصلي الشغل بنفسك 
ايوة لاني بحبه و بحب اعمل كل تفاصيله بنفسي خصوصا لو مكان قريب مني
ابتسم وهو عينه جايباني كلي بكل تفاصيلي
_ برافو عليكي والله انا بحب ال واثق من حاجاته كده و ده طمني
شكرا
سبته و مشيت رحت اركب العجلة و توقعت انه طلع لكنه كان لسه واقف بيبص عليا و تصرفه ده احرجني جدا حسيت اني اتضايقت
_ يا بنتي انتي زعلانه ليه هو يعني هيشوفك تاني 
نظراته كانت وحشة اوي يا سها !مش محترم
_ اي واحد مطلق بتبقي عينه زايغة كده
اه كنت متابعه حوار طلاقه عمل ضجه و ده ال عرفني الاكونت بتاعه يومها اكيد اتطلقت من عينه الزايغه دي
ضحكت _الكل قعد يخترع اسباب و احنا ال اهله اهو منعرفش عنه حاجه
ازاي و انتي بنت خالته
_مبيحبش حد يعرف عنه حاجه حتي خالتي ال هي ماماته بس اظن ان من غيرة مراته عليه كانت غيورة بزيادة اوي
علي ايه يعني ده حتي .. اه صح يا به مقولتليش ليه انه طلع أقرع ده انا اټصدمت لما شوفته !
_هو مچنون كده بيحب يجرب كل حاجه بضمير يعني حتي منتجات البشرة تلاقيه كل شوية يحلق دقنه عشان يشوف مدي جودتها و عشان منتجك للشعر ف هو عمل كده
بس ده مش جنان دي أمانة للمكانة الل اتحط فيها مكنتش اتوقع ان فيه حد ف الوسط ال كله فيك ده عنده أمانه كده
_اغلبهم فيك بس فيهم ناس محترمين سيبك المهم اني موصياه يعملك دعايا كبيرة لان اغلب الل بيتابعوه بنات و ده هيفديهم
ربنا ما يحرمني منك يا سها تسلميلي هرد علي سليم و هكلمك
_اشطا
ابتسمت وانا برد _ازايك يا حبيبي وحشتني
كنتي فين و مبترديش ليه و انتي ويتنج من بدري 
_كنت ويتينج مع سها مالك ف ايه
تقفلي معاها لما ارن عليكي كذا مرة كده تقفلي معاها مش اقعد مستنياكي تردي !
_اهدي يا سليم انا عملت ايه