من حواديت نيره

للنرفزة دي كلها و حاضر مش هعمل كده تاني
اخد نفسه و بدأ يتكلم بهدوء كنتي فين طول اليوم كده بعتلك الضهر و لقيت مفيش علامتين وصلوا ليا النت فاصل 
_لا يا حبيبي كنت بوصل أوردر ليا من منتجات الشعر
ايدا بجد مش كنتي بتقولي هتوقفي شغلك ده عشان محدش بيشتري
_لا ما انا .....
قعدت احكيله كل حاجه عملتها
مختار العربي ده ال عنده ٢ مليون متابع
_اه هو
وهو وافق ياخدهم منك 
_اه و كان محترم اوي عن اي حد ف الكلام
ضحك غريبة انه ياخد منك حاجه يارب ميبوظش شعره زي ما بوظ شعري كده وحتي لو باظ العالم دي اصلا فيك و اي حاجه بيقولوا عليها حلوة وخلاص
بدأت اتعصب _علي فكره انت ال استخدمت حاجات تانيه مع المجموعة ال اديتها ليك مع اني قولتلك لا و الشخص ده عنده امانه مشوفتهاش عند اي حد تاني اتعاملت معاه
اتلكم بصوت عالي و نرفزة انتي بتعلي صوتك
_ ده ال بصيتله بس مش باصص لاسلوبك معايا و انك طول الوقت بتقص جناحاتي كل ما اقولك اني باخد خطوة مع انك المفروض تبقي اكبر داعم ليا !
موج لما تتعلمي ازاي تكلمي خطيبك و تحترميه ابقي كلميني ولا تتعليمه فين انتي لقيتي حد يعلمك اصلا! سلام
قفلت معاه و بدأت اعيط نمت و قمت الفجر اشرب و اصلي
لسه كنت هحط الموب علي الشاحن لقيت اشعار من انستا
الحقو ده عملي فولو علي الاكونت الشخصي بتاعي اقبله
نفسي كانت مسدودة من كلام سليم اني مستحقش شخص زي ده يدعمني و افتكرت كلامه ان مشروعي اقل من ان حد يدعمه
مسحت الأشعار و رحت لخالو احضنه بعد ما خلص صلاة و اعمله فطار و شاي
بالمناسبة اسمي موج عندي ٢٥ سنة مخلصة ليسانس تربية ساكنة ف القاهرة مع خالو و مراته لانهم مش بيخلفوا و يعتبروا هما كل اهلي مع ان اهلي عايشين طموحة بحب الحياة و بحب ابقي قد اي تحدي بقابله و بحب الشغل و الحركه لكن للاسف مش كل الظروف بتساعد ان الانسان ينجح الدنيا علمتني ازاي اصاحبها اوقات انا بغلبها بشجاعتي و إيماني بالله و بنفسي و اوقات هي بتغلبني لما دماغي بتتملك من قلبي و عقلي و افتكر الماضي بتاعي ..
بعد اسبوعين لقيت مسدج من مختار
كنت مستنياها و عارفة محتواها اي لاني واثقة المنتج هيعمل ايه
بعتلي صورة و قالي _ المنتج بتاعك طلع حلو اوي فروة راسي بدأت تتطلع شعر صغير و ده نادرا لما بيحصل معايا اصلا ف بحيكي برافو
ابتسمت متشكرة جدا لذوقك و لرأيك و اتمني لما الكورس يخلص تكلمني تاني و تقولي رايك بالكامل
_وقتها هنزلك الاستوري و هخلي منتجك يبقي بيست سيلر
انا متشكرة من قلبي علي دعمك
_ العفو تستاهلي
بعد ساعتين لقيته منزل استوري صورتين صورته وهو حالق خالص و الصورة ال بعتها ليا و كاتب
احفظوا الصورة دي عندكم عشان لما اجي اوريكم شعري بعد شهر تشوفوا الفرق 
فرحت اوي بالاستوري و انه بدأ فعليا ياخد خطوة للإعلان مكنش راكن المنتج زي ما توقعت علي عكس ناس غيره .
بعد ساعه نزل استوري فيديو لناس كتير بعتاله انه طالما حلق و بدأ يجرب يبقي اكيد منتج هو واثق انه حلو و عايزين يعرفوا منين !
ضحكت و قلبي كان طاير من الفرحه حرفيا عملت لاف و رحت اوريها لخالو و مرات خالو و انا بحضنهم و مبسوطة اني