حب في السر

ونزلت عند السوبر ماركت 
_ ازيك يا عم حسن 
_ بخير يا انسه هاجر اخبارك ايه مش باينه 
_ موجوده اهو بعد اذنك يا عم حسن هات كيكه وشيكولاته ل مالك
ابتسم وجاب الحاجات وانا كنت طالعه جه مستر حازم في الوقت ده وابتسم ودخل السوبر ماركت وانا كنت هطلع ب مالك وقفني 
_ انسه هاجر ثواني 
_ نعم يا مستر حازم 
_ اختي كانت عايزه تتعرف عليكي هي معاكي في إعلام 
_ بجد طيب هي فين 
_ بتقول انكم عندكم محاضره بكره هخليها تتعرف عليكي 
_ تمام بعد اذنك 
_ثواني
طلع كيس شيبسي وباس مالك وعطاه
_ خدي يا قمر 
مالك هز راسه ب لا وهو ابتسم 
_ لا ده بتاعك انت بعد اذنك يا انسه هاجر
ابتسم ومشي وانا بصيت بدهشه وبعدها طلعت وقفت مع مرات عمي وهنا في المطبخ وجهزنا الاكل وكان يوم حلو اوي مع اختي اليوم خلص واختي مشيت وبعدها دخلت عشان انام اليوم كان مرهق بالنسبالي قومت تاني يوم وروحت الجامعه دخلت المدرج وقعدت وجت بنوته وقفت قدامي وابتسمت 
_انتي هاجر صح 
ابتسمت_ اه انا 
_ تمام انا بسمله اخت حازم 
_ بجد انتي اخت مستر حازم جميله اوي 
_تسلمي انتي اجمل حبيبتي عامله ايه
_الحمدلله اقعدي 
_انا كنت حابه اتعرف عليكي هروح اجيب ملك صاحبتي ونيجي نقعد جنبك
ابتسمت وهي راحت ل ملك وجت البنوته التانيه ابتسمت وقربت 
_انا ملك انتي هاجر بنت عم سرااج
بصتلها بدهشة_ انتي تعرفيه
ابتسمت ملك _ طبعا اعرفه ده حاليا صاحبي 
_صاحبك عادي كده !
_ اه طبعا ايه المشكله يا بنتي ما انتي شايفه كل الناس اهي بيصاحبوا عادي 
بسمله بصتلها وبعدها بصتلي _سيبك منها دي تفكيرها غريب قعديني انا جنبك عشان كنت حابه اتعرف عليكي من زمان
ابتسمت وقعدت جنبي وبدانا نتعرف على بعض باين عليها شخصيه كويسه خلصنا المحاضره وروحنا التدريب وعرفت انها جايه تتدرب معانا هي و ملك دخلنا وقاعدنا وبعدها مستر حازم شاورلها راحتله وبعدها قعدت جنبي وابتسمت ف ملك سألتها
_ فيه حاجه ولا ايه 
بسمله ضحكت _ كان بيقولي جعان وبعد ما تخلص أطلع بسرعه عشان نروح
بصتلها _ خدي انا معايا سندوتشات خليه ياكلها قبل ما يبدا معانا 
بصتلي بدهشه _ دي سندوتشات جاهزه جبتيها منين 
_ لما وقفتي مع ملك روحت جبتها روحي اديهالوا 
اتكلمت بخبث _ طيب ما تروحي انتي عشان مش هيوافق لو روحتله انا ولحد ما اتكلم انا و ملك عشان عايزاها ممكن
هزيت راسي وروحت عنده جه فرصه اني ارد حق المواصلات و الشيبسي قربت منه وابتسمت ف ابتسم 
_ فيه حاجه يا هاجر تسمحيلي طبعا اقولك هاجر من غير انسه
ابتسمت _ انا كده كده مش بحب الألقاب ف عادي يا مستر حازم 
_ انتي بتقولي من غير القاب قوليلي يا حازم 
_ لا طبعا حضرتك مستر حازم المهم اتفضل 
_ ايه ده 
_ دي سندوتشات صبر نفسك بيها لحد ما تروح 
_ ومين قالك اني عايز اكل 
_ عادي يعني باين عليك مأكلتش المهم اتفضل 
_ لا السندوتشات دي عشانك انتي 
_ انا كلت صدقني يلا اتفضل كل كويس وانا هرجع بعد اذنك
سبته ومشيت وروحت عندهم قعدت وعطتهم سندوتشات وكلنا بسرعه قبل التدريب خلصنا وطلعنا وهو وقف شكرني وبعدها روحت ودخلت بدلت هدومي وقعدت بعدها الباب خبط ودخل سراج مكشر 
_ انتي روحتي تدريب النهارده
بصتلي بشك _ اااه مين قالك 
_عرفت زي ما عرفت وانتي تروحي ليه اصلا من غير ما تقوليلي
زعقت_ وانت تعرف ليه اصلا انا قايله ل عمي
_ كذابه انتي مقولتيش 
_ ملكش دعوه تصدق متصدقش براحتك اصلا ملك اللي قالتلك صح 
_ملكيش دعوه عرفت ازاي وتروحي ليه اصلا من غير ما تعرفيني وتروحي تديله سندوتشات بتاع ايه 
اتكلمت بسخريه _ وهي لحقت تقولك ااه انا اديته سندوتشات عشان هو دفع تمن المواصلات وكمان كان معاه كيس شيبسي وعطاه ل ملك 
_ تقومي تديله سندوتشات خلاص بقيته أصحاب 
_ ملكش دعوه يا اخي أصحاب ولا لا خليك في حالك وسبني في حالي
اتعصب وطلع برا وانا قعدت انسان غريب ومستفز فعلا ماله هو و مالي خليه في حاله الايام اللي بعدها مكنتش بكلم غير نهال بس قليل هي اصلا مش صاحبتي اوي وكنت بتكلم مع بسمله شخصيه جميله حقيقي