حب في السر

حازم اخويا الجديده اركبي معانا عشان كده كده سراج هياخد عروسته معاه ومش هيكون فيه مكان
بصتلها بتفكير يلا انا اصلا مش عايزه اركب معاه 
_انا هروح اركب مع بسمله 
بصلي پغضب _تركبي فين اركبي معايا 
_لا انت لسه هتجيب ملك انا هركب مع بسمله ممكن يا عمو
عمي اتكلم_ما تركبي معانا يا بنتي 
_يا عمو سراج لسه هيجيب خطيبته وهتركب معاكم ومعاها مامتها انا اركب فين 
_خلاص يا بنتي روحي
ابتسمت ل سراج باستفزاز وبعدها مشيت مع بسمله وركبت معاهم العربية انا وهي ركبنا ورا وهو كان باباه راكب معاه لأن مامته متوفيه كنت قاعده في العربية انا و بسمله وبنضحك وبعدها حازم نزل من العربية ف باباه اتكلم 
_رايح فين يا حازم 
_ثواني يا بابا وجاي
انتظرنا شوية وبعدها جه حط شنطه جنب باباه وبعدها حط قدامنا شنطه وركب العربية بسمله خدت الشنطه وفتحتها لقيت فيها بسكوت وكيكه وشيبسي وشيكولاته وعصير وكل حاجه منها اتنين ف بسمله بصتلي وابتسمت 
_هو جايب من كل نوع اتنين كل واحد ياخد واحده 
_لا ده ليكي انتي بالف هنا 
حازم بصلي في المرايا وابتسم _ ده ليكم انتوا الاتنين يا هاجر مش ليها لوحدها 
_بس 
باباه اتكلم _ من غير بس يا بنتي يلا اتسلوا لحد ما نوصل ده لسه سراج نازل يجيب العروسه ولحد ما نوصل القاعه هياخد وقت
بصتله باحراج وابتسمت وبعدها بسمله فتحت بسكوت وعطتني كنت ببص من الشباك وبعدها رجعت بصيت ل بسمله لحظت حازم بيبصلي في المرايا بصتله لقيته ابتسم وغمزلي برقت وكحيت و بسمله فتحت عصير بسرعه وعطتهوني وضحكت 
_براحه فيه ايه يا هاجر
كان وقتها قلبي بيدق وهو بيبصلي ومبتسم وصلنا القاعه وبعدها دخلنا كان سراج داخل بعروسته دخلنا القاعه ووقفنا شوية انا وبسمله بعد ما سلمنا على ملك وباركنلها كنا واقفين بنضحك وبعدها حازم جه وقف معانا وكان شكله متغير
_ينفع تبطلوا ضحك شوية
بصتلها باستغراب ف بسمله اتكلمت 
_فيه حاجه ولا ايه 
اتكلم بضيق_لا بس شكلكم ملفت 
_مش فاهمه قصدك ايه 
_مفيش يا هاجر بس انتي ضحكتك عاليه اوي ممكن توطي صوتك انتي وهي
بصتله وسكت انا مش فاهمه هو بيقول كده ليه يعني انا خلصت من سراج يطلعلي هو وقفت على جنب وبعدها لقيته وقف قدامي 
_هاجر 
_مستر حازم هو 
_متقوليش مستر اسمي حازم يا هاجر حازم وبس 
_طيب حضرتك فيه حاجه 
بصلي واتنهد _ انا اسف 
_على ايه 
_عشان اسلوبي معاكي مكنش لطيف 
_مفيش حاجه عادي 
_هاجر هو انتي زعلانه من حاجه 
بصتله باستغراب_لا مفيش ليه 
_حاسس أن فيه حاجه يعني انتي زعلانه من خطوبة سراج 
بصتله بذهووول _هزعل ليه سراج اخويا وابن عمي واتمناله كل خير بعد اذنك
مشيت مش فاهمه تفكيره فين انا بس زعلت من طريقته لكن سراج عمري ما ازعل لاني طول عمري شيفاه اخويا .
خلصت الخطوبه و روحنا ووقتها سراج زعقلي عشان ركبت معاهم وازاي كنت بتضحك معاه بس مكنش في دماغي سراج تفكيره رخم زيه
بعد فتره كان سراج دايما پيتخانق هو و ملك عشان طريقة ملك الجريئه زياده عن اللزوم وفي يوم كنت قاعده لقيت سراج جه وقعد جنبي 
_حازم طلب ايدك مني
بصتله بدهشه وابتسمت باستغراب كنت حاسه بحاجه غريبه من ناحيته بس عمري ما توقعت كده 
_سكتي ليه 
_ولا حاجه استغربت بس 
_ايه رايك في طلبه 
اتكسفت _بصراحه حازم انسان كويس و 
_ انا قررت افسخ خطوبتي من ملك 
بصتله بدهشة_ليه انتوا بتحبوا بعض
_متفقناش هي جريئه اوي يا هاجر 
_بس انت بتحب الشخصيه الجريئه 
_مش دي انا عرفت اني اخترت غلط وكان اختيار ابويا من البدايه صح 
_ايه هو الاختيار الصح
_انتي انتي العروسه المناسبه جدا ليا وانا كنت غبي 
_انت مش غبي انت فكرت صح يا سراج 
_انتي مش مستغربه ليه 
ابتسمت _ عشان سمعتكم يا سراج ووقتها عرفت تفكيرك انا وانت مينفعش في يوم ل بعض 
_بس انا اكتشفت أنه
_ انت اكتشفت بعقلك بس لما حصل بينكم مشكله بس عادي ينفع تحلوها وتتفقوا بس انا مينفعش يا ابن عمي عشان للأسف محبناش بعض وقلبي مش ملكي بلغوا بموفقتي يا سراج وبلغ عمي ربنا يعوضك بالاحسن ويرشدك لطريق الصحيح
سبته ودخلت اوضتي وهو بلغ حازم أنه يجي يتقدم وبلغ عمي بموافقتي اتخطبنا و كانت قراية فاتحه بس وقولنا نلبس الشبكه يوم كتب الكتاب بعد قراءة الفاتحه بليل