ليلي بقلم ايمان صالح

خلصي بقي المكالمه دي و تعالي عايز اتكلم معاكي 
_حاضر جايه
اتعصب_مين دي يا ليلي اللي بيقولك يا لوله 
_ده خالد ابن عمي 
_وهو بيكلمك كده لي وبيعدلك و عايز اي 
_ده ابن عمي يا ادهم و بيهزر معايا فيها اي يعني 
_يهزر معاكي يقوم يدلعك انتي اټجننتي ولا اي 
_انا مش عارفه انت متضايق لي بص انا هروح اشوفه عايز اي وارجعلك 
_اياكي تقفلي فاهمه خليني علي المكالمه 
_مش هينفع اسيبه واقف بره ده عايز يكلمني يا ادهم 
_ليلي مش هتطلعي وبعدين فين ماما ها سيباكم كده لي 
_خالتي قاعده معاه بره وبعدين اي سيباكم دي ده ابن عمي 
_ما انا عارف انه زفت برضه 
_طيب اعمل اي اقفل لحد ما اطلع 
_لا مش هقفل بقي يا ليلي ووريني كده هتطلعي ازاي 
_علي فكره بقي انا هطلع وبراحتك بقي 
_براحتي طيب وريني كده هتطلعي ازاي وانا مش موافق 
_ادهم المفروض يكون فيه ثقه ده ابن عمي وانا طالعه أكلمه و ماما بره بس هيكون فيه ثقه ازاي وانت اصلا سايبني بعد كتب الكتاب و مشيت
سكت شويه وهو بياخد نفسه وبعدها اتكلم _خلاص اقفلي يا ليلي واطلعي 
_ادهم انا 
_خلاص يا ليلي يلا روحي شوفيه هو عايز اي سلام 
_سلام يا ادهم 
Eman Saleh .
قفلت معاه وانا حاسه بشويه ذنب انا لي بعرضوا ما كنت قولتلوا علي الموضوع اللي عايزه خالد مني و خلاص بس لا عشان يشوف ازاي يسبني و يسافر كل الفتره دي !
_ليلي انا كنت سامع صوتك عالي في اي 
_مفيش يا خالد 
_ادهم ده اللي كنتي بتكلميه 
_اهه هو 
_زعلان علشان سمعني وانا بكلمك 
_حاجه زي كده 
_طيب انا ممكن أكلمه واقوله اني 
_لا متقولش يا خالد خليه براحته 
_يا ليلي انا مش عايز زعل بينكم 
_هو كده كده الزعل موجود يا خالد خلاص بقي قولي بقي عملت اي 
_روحت يستي علشان اكلمها بس رفضت 
_خلاص سيبلي انا الموضوع ده 
_حبيبتي يا لول متحرمش منك 
_ولا يهمك يستا 
_يستا! انا ماشي يا ليلي و شوفي خالتك عايزه منك اي 
_سلملي علي محمد بس ماشي 
_ماشي يستي وانتي خلي بالك من نفسك ولو احتاجتي اي حاجه كلميني 
_ماشي يا خالد
مشي وانا وروحت كلمت خالتي الحقيقه خالد من اقرب الناس ليا ابن عمي و كان دايما قريب مني بس بعد ما روحت عند خالتي وهو بعيد قرب مني بعد ما ادهم سافر دايما كان بيشوفني انا و خالتي محتاجين اي و ينفذ طالبتنا و دايما يقول إنه مكان ادهم
عدي فتره وانا مكنتش بكلم ادهم ولا هو حتي بيكلمني كان بيكلم ماما و خلاص انا لحد دلوقتي مش فاهمه هو مشي لي و لي مرجعش 
في يوم كنت بذاكر خلاص كنت بعمل دبلومه معقول فات سنتين علي جوازي!
ضحكت بسخريه فين جوازي ده ادهم من اخر مره اتخنقنا مع بعض مكلمنيش ولا كلمته كنت غبيه لما فكرت ادي فرصه تانيه ليه بس كنت غلطانه سبت الكتب و طلعت جهزت الاكل خالد جاي بعد شويه مش عارفه من غيره كنت عملت اي حقيقي طلعت من المطبخ و غيرت هدومي وبعدها طلعت لقيت خالتي بتكلم ادهم ڤيديو لمحت صورته حقيقي وحشني بس مش لازم اضعف مشيت خطوتين و خالتي نادت عليا بصتلها بس الباب خبطت 
_ثواني يا ماما جايه افتح الباب
فتحت الباب و كان خالد ابتسمت 
_حمدالله علي السلامه اتاخرت لي 
_معلش يا لولا بس كنت مع المزه النهارده 
بمرح_ايوه يا عم يريتني كنت مكانها 
خبطتني علي راسي _قروه علينا بقي 
ضحكت _ايدك لتوحشك 
_ماشي يا اختي 
Eman Saleh .
سبته و قربت من خالتي اللي عطتني الموبيل بتاعها 
_خدي كلمي ادهم علي الموبيل 
_بس يا ماما 
_ادخلي علشان متعصب خدي الموبيل و ادخلي اوضتك تعالي يا خالد يا حبيبي نتكلم شويه لحد ما تخلص 
_هو انا كل اما اجي الاقيها مسكها الموبيل 
_بطل رخامه و تعالي معايا وانتي يا ليلي يلا ادخلي
مسكت الموبيل بتردد و دخلت الاوضه وقفلت الباب بصيت عليه مقدرش انكر انه وحشني كل حاجه فيه بصيت عليه لقيته ساكت شويه 
_ادهم انت روحت فين انا بكلمك 
_هه اقدر اعرف اي الحركات اللي بتحصل دي يا ليلي 
_حركات اي يا ادهم 
اتعصب_متستعبطيش انا شايفك 
_شايف اي 
زعق_ليلي احترمي نفسك انا شايف وانتي واقفه بتهزري معاه وهو خبطك علي راسك دي حركات واحده محترمه مع ابن عمها 
_انا محترمه