لست المذنبه

تربيه وكانت هتحط راسنا في الطين ده بدل ما تقولها انتي لا بنتي ولا اعرفك وتغورها في ستين داهيه
بصيتلها بغل وحقد وهي جواها براكين لو خرجت ھتحرق المكان باللي فيه
ابو حلا پغضب 
اسكتي ياسعاد اسكتييي متتكلميش
سعاد بعصبيه وغل
بقولك ايه ياخويا يا انا يا البت دي في البيت
ابو حلا بذهول 
انتي بتقولي ايه انتي مجنونه 
كانت لسه هترد بس انا بصيتلها بغل
انا مش هخرج من بيت ابويا لو مش عاجبك امشي غوري انتي في ستين مصېبه
برقت عيونها پصدمه وهي بتشهق بذهول وبتبص لباباها بدموع مصطنعه
شايف شايف ياعماد بنتك بتشتمني ازاي وبتقولي اغور في مصېبه كمن انا مليش حد وغلبانه
باباها پغضب وهو بيقرب منها وبيضربها علي وشها
انتي بنت قليله الادب
بصيتله بدموع وهي بتحط ايديها علي خدها وبعدها طلعت تجري علي اوضتها وهي بتشهق بكل قوتها
قعدت علي طرف السرير وحطت وشها بين ايديها وفضلت ټعيط كتير علي اللي حصل وعلي مشاعرها وقلبها والظلم اللي اتعرضتله علي العطاء المفرط علي طيبتها وسذاجتها علي حسن نيتها !
افتكرت اللي حصل النهارده الصبح وهي في البيوتي سنتر مع اختها
فلاش باك
انتي اټجننتي يا كارما انتي بجد عايزه تهربي
كارما ببرود وهي بتبص قدامها 
اه 
طب ليبيه حرام عليكي تكسري قلبه ليه
ردت بزهق وضيق 
مش بحبه مش بطيق اشوفه مش عايزه اتجوزه
حلا بعصبيه 
ولما انتي مش بتحبيه وافقتي ليه من الاول انك تتجوزيه
قضمت ظوافرها وهي بترفع أكتافها بلا مبالاه
اللي حصل بقي
انتي مش بني آدمه حرام عليكي متعمليش في جاسر كده متفضحهوش اتجوزيه ولو عايزه تتطلقي اعملي كده بس متكسريش فرحته انتي معندكيش قلب يابعيده ايه الجبروت ده ها ايه الجبروت ده !!!
ابتسمت ابتسامه خبيثه وهي بتبصلها 
ايه كل ده مالك خاېفه عليه اوي كده اوعي تكوني...
ايوه بحبه وبموت فيه كمان بس للاسف هو بيحبك انتي بيحب واحده مش شيفاه
قالتها حلا بعصبيه ودموع لكارما اللي كانت قاعده تبصلها ببرود شديد
خلاص طالما بتحبيه اتجوزيه حلال عليكي 
ردت بذهول 
انتي ازاي كده لا بجد ازاي بالجبروت ده
قامت وقفت وهي بترد بسخريه
معلش خلينالك انتي الحنيه ياحنينه
كانت لسه هتمشي بس حلا مسكتها من دراعها بغيظ
انتي رايحه فييين!
بصت في عيونها وردت بابتسامه بارده 
لحبيبي 
حبيبك!!!
اه حبيبي هنتجوز انا وهو النهارده ونعيش سوا لاخر العمر
انتي بتقولي ايه ه هو مين حبيبك ده اصلا و ولما أنتي وهو بتحبوا بعض ليه وافقتي تتجوزي جاسر ط طب ليه هو متقدملكيش ليه عملتي كده ليه ظلمتي جاسر ليه
نفضت ايديها من ايد حلا وهي بتجز علي أسنانها 
عشان ابوكي استحاله كان يوافق علي جوازنا
لييييه!
عشان هو مش بيحبه
مين هو
كرم الزناتي
برقت پصدمه وهي بترجع خطوه لورا وبتحط ايديها علي بوقها
كرم الزناتي !!!!
يانهارك اسود بتحبي عدو ابوكي بتحبي الحيوان اللي ډخله السچن ظلم تلت سنين بتحبي الزباله اللي ا اللي كان عايز ېتهجم عليا زمان ويخطفك عشان يضغط علي ابوكي أنه يكتبله كل أملاكه
هزت أكتافها بلا مبالاه
اه بحبه هو خلاص اتغير دلوقتي وبقي واحد تاني خالص وبيحبني وعايز يتجوزني بس استحاله ابوكي يوافق اننا نتجوز عشان كده لازم اهرب
صړخت في وشها پجنون
اتغير ايه وزفت ايه علي دماغك الحقېر اللي زي كرم عمره ما يتغير ده حيه متلونه بيحوم حواليكي عشان يوقعك ويكسر عينك وېفضحنا وسط الناس كلها
نبره صوتها اتخنقت بالدموع وهي بتترجاها
ارجوكي ياكارما ارجوكي متعمليش كده متهربيش متفضحيش نفسك وتفضحينا معاكي كرم عمره ما هيتجوزك والله كرم ده حقېر
فركت ايديها بتوتر وهي بتبلع ريقها 
ل لا لا كرم بيحبني ولو سمحتي بقي خلاص انا اخدت قراري ومش هرجع فيه انا ماشيه
قالت كلامها وخرجت من المكان بأقصي سرعه وحلا واقفه بتبص لآثرها بتوهان وشرود وخوف من المجهول
باك
فاقت من شرودها علي صوت الفون بتاعها بيرن برقم حد من أصحابها
بصت للرقم باستغراب وبعدها ردت
الو 
شوفتي اللي حصل
ردت بقلق 
في ايه 
كرم الزناتي
اتنفضت من مكانها بړعب 
ماله 
مشير صور علي الاكونت بتاعه هو و و 
هو ومين انطقي!!!
هو واختك كارما
حطت ايديها علي بوقها پصدمه والعرق اتكون فوق جبينها ودقات قلبها هتوصل للسما
قفلت الفون وفتحت الاكونت بتاع كرم عشان تشوف اللي مشيره
كانت صور ليه هو واختها وللاسف فيديوهات وفويسات أقل ما يقال خاليه من الحياء!
لطمت