قضية طلاق
عالقميص ملقاهوش
انتي يا هانم فين القميص الأسود بتاعى
هدي صوتك عشان عندي صداع ... القميص متغسلش لو عايز تلبسه ضرورى عندك فالسبت خده اكويه والبسه
انتي مجنونه البسه ۏسخ ازاي مغسلتيهوش !
عادي انا لسه غاسلة اول امبارح هو كل يوم !!! شوف اي قميص تاني والبسه
انتى كمان مكوتيليش قميص
واكوي ليه وانت مبتعرفش !!
وهو كالعاده غير هدومه ونزل لصحابه عالقهوة
اكسر للبنت ضلع يطلعلها اربعه وعشرين مش كدا الست مش بس بتقوى الست بتقسى واول حد بتقسي عليه هو اللى كسر لها ضلع زمان ... بتقسي وتقوي على اي حد يفكر يقربلها ... مش دايما بتعرف تاخد حقها ف وقتها بس يا ويلك لو فكرت تيجى على واحده مش باقيه على حاجه فالدنيا .
صحيت تانى يوم أطمنت انه راح الشغل وفطرت بسرعه ونزلت اخلص مشوارى قبل مالموظفين يمشوا
السلام عليكم يا استاذ اسماعيل
وعليكم السلام ورحمه الله وبركاته ... أهلا يا مدام نيرة اتفضلى
شكرا .... أنا كنت عايزة اعرف بس اخبار القضية ايه انا جوزى لسه متبلغش بحاجه
طب انا عندى حاجه ممكن تسهل علينا ... انا فى علامات ف جسمى من أثر الضړب
لا اله الا الله طب هي بقالها قد ايه
امبارح بليل
طيب بصي انتى تروحى للمستشفى تعملك تقرير طبي وبعدين تطلعى على اقرب مركز شرطه وتعملى اثبات حاله
انا هساعدك لوجه الله ... في دكتوره قريبتى شغاله هناك فالمستشفى اسمها ....... انا هكلمها روحيلها دلوقت هتطلعلك تقرير طبي ف ظرف ربع ساعه بالكتير ... اطلعى بيه عالقسم بقا واعملى محضر .
العفو اتفضلى ..
خرجت من المكتب جري عالمستشفى كتر خيرها الدكتوره عرفتني كشفت عليا وخلصتلي الموضوع ف ثواني
خدت التقرير وطلعت بيه عالقسم عشان اعمل محضر ... كانت اول مره ليا ادخل فيها القسم منظر المجرمين كان مخيف ونظرة العساكر والناس المترحلين على النيابه ... كان قلبي مقبوض . طلبت اقابل ظابط الشرطه اللى هناك استنيت دقبقه ودخلونى مكتبه
أ.. السلام عليكم
وعليكم السلام خير يا استاذة اتفضلى
أنا كنت عاوزه ارفع قضيه
ترفعى قضية !!
اقصد يعنى اقدم بلاغ
افعدى بس كدا وفهمينى
دلوقت انا جوزي ضړبني امبارح ضړب جامد ومعلم ف جسمي ومش اول مره يعمل كدا
روحت المستشفى طلعت تقرير يثبت كدا وعايزة اقدم فيه بلاغ وكمان انا رافعه قضية خلع .
خلصت وروحت على بيت ماما مكنش ينفع اروح
ومش هفضل اخد قرارات وانفذ من وراهم لحد كدا وخلاص لازم يعرفوا بقا واللي يحصل يحصل
بس يا ترى ايه هيكون رد فعلهم
يتبع .....
تسنيم_حسن
قضية_طلاق_فى_المجتمع_المصري
تسنيم_حسن
قضية_طلاق_فى_المجتمع_المصري
الفصل السابع
وصلت ورنيت الجرس ... ماما فتحتلى سلمت عليها وحضنتها ... كنت محتاجه الحضن دا اكتر منها كنت محتاجه احس ان حد بيطبطب عليا
ازيك يا ماما عامله ايه يا حبيبتى
الحمدلله ... انتي عامله ايه واخبارك مع احمد جوزك طمنينى
مش بخير يا ماما .. انا جيت اقولك اني رفعت عليه قضيه خلع ومحضر تعدي بالضړب
انتي اتجننتى يا نيره ايه اللى انتي عملتيه ده
حصل ايه لكل دا يعنى ينهارك ابيض يا نيره يا فضيحتك يا نيره ... انا لازم اكلم ابوكى يجى يتصرف ... انتي لازم تتنازلى عن المحضر دا ارجوكي يا ماما اسمعينى المرادى طاوعى قلبك واسمعينى ولو لمره واحده في حياتك في حاجات كتير عايزة اوريهالك واحكيهالك تعالى معايا الاوضه بس
قدامى يا نيره
بصي العلامات اللى ف جسمي دى
ايه دا يا نيره انتى اتخبطتى ف ايه
نيرة بصوت ممزوج بالسخريه متخطبتش يا ماما ... دا كان معاد العلقة بتاعتى
علقة ! علقھ ايه
العلقھ اللي كل مره باجى احكيلكوا عنها مبتدونيش فرصه وبتجبروني ارجعله
كان على والدتها ملامح الصدمه
ب ... بس أنتى لما كنتي بتورينى مكانش بيبقى ضړبك جامد كده يا بنتى
لا ... هي هي علقة كل مره بس الفكره انه ميعرفش انى جايالكم عشان يجبرنى ادهن المرهم اللي جايبهولى مخصوص عشان يدارى عملته ... ماما ارجوكى انا تعبت وزهقت بقيت بتمنى المۏت ف كل لحظه ... ماما انا حاولت اڼتحر كذا مره ومعرفتش ... ارجوكى ساعدينى
يا بنتى افهمينى انا مقدرش اخرب بيت بنتى بايدى ... وبعدين كمان القضية
