لعشاق روايات الخليج الجزء الاول

ادور كلش هواي منا لمن لكة بنيه مناسبه
بنيه عمرها ٣٢ سنه خريجه وكاعده بلبيت
هاي الوحيده الي عجبت بيبي وبابا من راح شافه هم عجبته حيل
من راح يشوفه اخذني ويااا
بابا....هااا بابا عجبتج
هي من سمعته هيج يكول ضاجت حست اني الي راح اقيمه يعني هذا الزواج متوقف على رائي بيه
بس مو هاي الحقيقه
بابا بس يريد يجبر خاطري خاف ازعل علي لان راح يزوج
بوقته حست اكو ضره اله
بابا كان مكعدني بصفه وياخذ رائي بكل زغيره وكبيره
واكثر كلامه عني
يعني يسولف عني وعن اطباعي وعن هدوئي ومستواي بلمدرسه
هذا الشي خلاها تحقد عليه قبل لا تعرفني
رغم اني كنت زغيره ستوني مخلصه سادس ابتدائي
يعني هي ممكن تحتويني وتخليني احبه واتعلق بيه
بس هي من اول ما بابا كال هااا عجبتج بابا
أعلنت الحړب عليه قبل لا تدخل ببتنا
يمكن حست بوقته بابا يحبني وحيل متعلق بيه
او يمكن لان وهو يحجي كال لمار حيل تشبه امه
هاي الكلمه شلت العصب السابع عدها
يعني يحبني ومتعلق بيه لان كلما يشوفني يذكر امي
يعني بعده يحب ماما
ومنو الي يذكره بيه اكيد اني
بس هو يحبني لان اني بنته احساس الابوه يدفعه الهذا الحب
لمار بدت تحضيرات العرس ونهال خطيبة بابا كان حجيه كل شروط
البدله اله من فلان مكان تحديدا
والعرس اله بفلان فندف
والصالون احجزولي يم فلان صالون
اما الذهب اسبوع طاحن رجيلن بابا وهي مايعجبه العجب
الحد مااستقرت على موديل
على اساس ذوقه ماكو منه
بس فد وحده تريد تلفت الانتباها عليه على اساس شوفوني شلون ذواقه
ترا الذوق بلاشياء البسيطه
كلما كانت الأشياء بسيطه كلما كانت حلوه
بس هي عدها احساس بلنقص تعوضه من تشتري اشياء فخمه
انا اني اخذتني بيبي وجابتلي فستان حلو على ذوقي
واخذتني للصالون وياا العروس جمانه السعيدي
ام الصالون والبنات كلهن عافن العروس وكعدن يتغزلن بيه وبجمالي
وهذا الشي خله نهال تحقد عليه اكثر
خصوصا وام الصالون سوتلي تسريحه بسيطه رفعت
نص شعري ونزلت نص وبرمته ولبستني تاج فضي نازك
ومكياج خفيف الفستان الي اني لابسته كان لون اخصر داكن وبي شغل فضي
طلعت اخبل واني شكلي ينطي اكبر من عمري
اجت الزفه وبابا صمم اني وبيبي نصعد وياهم بسيارة الزفه
بس نهال رفضت
لو اني وياك وبس بلسياره لو الغي العرس
بيبي اخذتني وصعدنا سياره ثانيه
وبابا ضاج حيل من ردت فعله
كملنا الزفه واني رجعت وياا بيبي البيت جدي
وهما طلعو للفندق
يومين وبعدين طلبت من بابا يرحون سفره للشمال
اخذه وراح اسبوع كامل يله رجعو
كل يوم يتصل يطمن عليه وعلى بيبي واهله كلهم
بس اول مايتصل يسئل عليه
نهال تعتبر هذا الوقت اله وبس وبابا صار يخصه وحدها
ممنوع يسئل عني لو عن اهله
لازم يكعد كل الوقت يتغزل بيه ويوصف جماله الماكو منه
ولا مره اخذت التليفون منه وسئلت عليه
رجعو من سفرتهم واني كنت انتضر بابا بالشارع انتضرا
بفارغ الصبر
بس شفت السياره جايه
ركضت بدون وعي شكد مشتاقتله اول مره هلكد نتفارك
وخصوصا من ماټت ماما حتى انام 
نزل من السياره واجا عليه 
ونهال مانزلت من السياره
الټفت عليه بابا اشرله انزلي
خنزرت علي رجع عليه كالت افتحلي الباب
فتحته الباب ونزلت
نهال...انت من تشوف بتك تنسى العالم
بابا...غير مشتاقله صار عشر ايام ماشايفه
نهال...ووين راحت طايره لاحك عليه وين تروح
نزلت ودخلت بلبدايه بيت جدووو
كنا محضرين الغدا تغدينا وبابا ترخص حتى نروح الببتنا
وكف بابا وصاح.... يله بابا حبيبتي جيبي جنطتج وتعاي
راسا هي وكفت وتخصرت
نهال...شنو تروح ويانا
بابا...اي اكيد ترجع الببته حبيبتي شكد مشتاقله
نهال...بس احنا بعدنا عرسان ونريد ناخذ راحتنا كم يوم
خليه هنا بيت جده شكو عليه
بيبي....ابقيي حبيبتي هنا
بابا...ابد مااتحرك اذا مو ايدي بايده يله بابا جيبي جنطة ملابسج
لمار....شلت جنطتي راسا بابا اخذه مني وخله ايدي بايده
وطلعنا وهي تمشي ورانا
كل تصرف من بابا يتقرب بي مني لو يسمعني كلمه حلوه
كان يزيد رصيد الحقد والكراهية بكلبه عليه
تريد بابا بس اله جمانه السعيدي كون يعبدها يقدسها كون يحارب كل الناس علمودها
ماتريد احد يشاركه بي حتى من بيبي تغار مو بس مني
طلعنا بابا خله جنطتي بلسياره وفتحلي الباب كعدت ورا
وهي اجت فتحله الباب كعدت بلصدر
نزلنا اباب بيتنا بابا نزل فتح الباب بلمفتاخ اني دخلت
وهي دخلت وراي وبابا دخل الجنط
هم دخلو غرفتهم واني دخلت غرفتي للمغرب يله طلعو
بيبي جابلتنا عشى دجاج شوي
ومقبلات وخبز ولبن
تعشينا وكملنا
بابا... نهال اريد جاي وغسلي ملابسي وحضريهن باجر عندي دوام
نهال....اي حبيبي صار
راحت تخدر الجاي وصاحت عليه من المطبخ
نهال...لمار حبيبتي تعاي
لمار...نعم.
نهال...نعمله عليج ماسمعتي ابوج يررد جاي ويريد اغسل ملابسه واكويهن تعاي نضفي المطبخ
لمار....هزيت راسي راسا لبست صدرية المطبخ وكعدت اغسل مواعين وهي خدرت الجاي واخذته
كملت تنضيف ورحت اشرب جاي لكيت ماكو جاي
نهال..ياا تردين جاي خلص هسه اخدرلج حبيبتي
هذا الحجي كدام بابا
لمار...لا شكرا اني مااشرب جاي هواي
نهال... تعاي اخذي الكوابه اغسليهن
اخذتهن ورجعت للمطبخ اغسل
كملت دخلت غرفتي
ثاني يوم كعدت الصبح لكيت بابا طالع
نهال...همزين كعدتي ترا اني العروس مو انتي يله تعاي نضفي خاف يجونا ضيوف
راسا فتحت الصوندا وغركت البيت مي وكالت تعاي اسحبي اامي رغم البيت نضيف امس