لعشاق روايات الخليج الجزء الثالث

مو ابوي
معقوله صدك كلام عماد ونهال عني واني بنته الي رباني على ايده مجاي يصدكني
راسا طلع التليفون مالته واتصل على خالتي
واني بعدني عيوني علي عيوني يحركني من البجي
مسحتهن زين ورجعت اباوع علي بلكت يطلع مو ابوي
واحد ثاني
بابا...الووو سمر شلونج
خالتي كانت مستغربه ليش اتصل عليه وهو من يوم ماټت امي مااتصل عليه ولا سئل
سمر...اهلا وسهلا خير لمار بيه شي
بابا...بعدج تريدها تعيش وياج
سمر...ليش ياستار ياربي صاير شي
بابا...بعدج تردبها تعيش وياج
طبعا هو يكول هيج لان اول ماماتت ماما هي كالت انطونياها تعيش وياا بناتي اني اربيه بس بابا ماقبل لان جانت عايشه بيت عياله
وهو جان يحبني ومتمسك بيه مااعرف هسه شنو الي غيره
بابا...ترديها لو لا فضيني
خالتي...اي اريدها طبعا اريدها 
بابا...تعاي بسرعه اخذيها مااريد اشوف وجها 
طبك التليفون واني تحديدا بهاي اللحظه متت 
اي متت اذا ابوي الي اني عشت عمري كله وياا ويعرفني
ويعرف اخلاقي 
صدكهم كلهم واني ماصدكني لا ويريد يخلص مني
عافني ودخل جوه هو ونهال جمانه السعيدي كاعده وحدي
من غير منضري المحزن وشكلي التعبان
وجسمي الي ېنزف من كل مكان 
بابا مايريدني دخل جوا ونهال ماسكتت ابد 
تحجي عليه وتصور كلشي صار بيت عماد وكانما كانت موجوده تشرح البابا شلون 
وشلون ېهدد يفضحني بلمحكمه
راسا قنعت بابا يتصل بعماد حتى يطلك بسكوت ويتنازل عن كل حقوقي حتى ماننفضح كدام الناس
تحديدا بهاي اللحظه رفعت راسي الرب العالمين وكلت عليه
حسبي الله ونعم الوكيل
الاهي اني مالي ايد بكلشي صار اريد اشوف ڤضيحه حقيقه تنزله على نهال
اريد اشوف حوبتي بيه 
اتصل بابا على عماد وبقه يتعذر منه
وماحاول يدافع عني ابد 
كلامه كان كله اعتذار عن الشي الي اني سويته
رغم اني ماسويت شي
واتفق يروحله للبيت ويخلص كلشي واتنازل عن الحاضر والغايب والذهب وكلشي ماناخذ منه بس يطلك
ماطلع بابا من الغرفه مايريد يشوف وجهي
اني جبتله العاړ بقيت كاعده وحدي حتى وجهي ماغسلته ولا شربت ماي 
كلشي صار وياي كوم وردت فعل بابا كوم 
موتني قضى عليه بردت فعله هاي
ماحاول يسئلني شنو الي صار وليش زوجج يتهمج بشرفج
ابد حتى ما باوع بوجهي
اكثر من ساعه واني كاعده بنفس المكان
منا لمن اجت خالتي دكت الباب
اني فتحتله بس شافتني لطمت على خدها يمه لمار شببج
منو سوو ببج هيج
وكمت ابجي ابجي بحركه 
راسا بابا سمع صوته وطلع
بدون اي سلام واي كلام 
بابا...اخذيه مااريد اشوف وجها بعد
خالتي...شبيه شصاير
نهال...اخذيه خلصينا منه ومن عاره
خالتي...شنو عاره لمار مربايه مااجيب العاړ 
بابا...اخذيه وروحي
راسا خالتي خادتني وطلعتني من البيت مشينا شويه
واني احس كلبي يبس
ودموعي تجري ياربي شنو هذا الضلم
اجرت خالتي تكسي وطلعنا الشقته الي بلمجمع
بعد ماسئلتني اي شي
جان مبين من منضري اكو مصېبه جبيره
بس حست اني مچروحه ومراح اكدر احجي
اخذتني البيتها كبل بس وصلنا دخلتني للحمام غسلتلي
وجابتلي ملابس لبستني
جابتلي مي وعصير وجبرتني اشرب
وراحت حضرت الاكل وكعدت توكلني
انطتني حبايه مسكن وحمايه منوم وضمدت چروحي
بعدين غطتني وكالت نامي وارتاحي وباجر نحجي انشاء
الله اهم شي ترتاحين
بقيت شويه اتكلب لان جسمي يوجعني من الضړب
اي جهه انام عليه توجعني بسبب الضړب
بعدين نمت ماادري بنفسي
هاي الفتره صادفت عطلة اخير السنه يعني خالتي مااداوم
كاعده بلبيت حتى بناته بلبيت
بناته ثنيينهن صف خامس ابتدائي
كعدت بلعشره الصبح كوه كمت من الفراش جسمي كلعده يوجعني
خالتي....هله هله بهل كعده الحلوه
لمار...صباح الخير
خالتي...صباح الخيرات شلونج اليوم احسن
لمار...جسمي كله يوجعني
خالتي نروح للمستوصف هذا قريب بلمجمع
لمار...لا مايحتاح هسه اصير احسن
جابتلي ريوك اتريكت اني وياها والبنات
شغلت التلفزيون خالتي وجابت كرزات وكعدنا وابد ماسئلتني
لمار...ماسئلتيني شنو صار
خالتي....اي شي الي