اسكريبت بقلم مريم سمير

علي خير 
قفل الفون ف بصتله _ مين دي
دي.. لي
_ عادي يعني لو مش عاوز تجاوب براحتك 
ماشي 
ساق ومجاوبنيش! علي فكرة عادي جدا يعني عادي اوي 
دخلت الأوضة بتاعتي وقفلت الباب عليا أنا معايا واحد مترباش برا اصلا ريلي أنا عاوزة اتطلق 
_ احمد أنا كنت عاوزة بس..
شكل البيجامة حلو عليكي انتي عاملة شعرك ولا اي
_ متغيرش الموضوع 
مبغيرش بس انا متجوز القمر دا وسايبه في حاله علي فكرة بقي شكلها هتحلو بجد
_ احترم نفسك يا احمد 
هحاول والله 
_ مين البنت الي كانت بتكلمك الساعه اتنين بليل!
شغل واحدة عوزاني اصلحلها عربيتها 
_ ومتجيش الورشه لي 
لا واحدة من فوق مينفعش تيجي هنا أنا مش سهل بردو بيجيلي ناس غنيه 
_ وهي يعني حلوة
مۏت 
_ اه طيب اشبع بيها ابقي طلقني قبل ما تمشي الصبح 
قفلت الباب تاني وربعت أيدي وانا وراه ضحك وجه وقف قدام الباب بس انتي احلي ست في الدنيا تصبحي علي خير 
قلبي دق! مش عارفه لي حسيت ساعتها اني حلوة اوي كنت بحس معاه بحاجات عمري ما كنت اصدق اني أحسها ابدا  
١٥ مرة ترني عليا وانا هناك!
_ أي عطلت سيادتك عن خېانتك عليا
اه بجد مش طريقه 
_ انت قليل الادب يا احمد ومستفز 
الست جالها صداع يمريم في أي 
كان مستفز بس لذيذ بيطمني بيتكلم معايا عمري ما خۏفت وانا معاه كنت بتكلم وانا متأكدة إن هو هيفهمني هيسمعني هيعرف يحللي أي مشكلة عندي  
اقفلي عينك بدل ما اعميكي الباقي من عمرك يقلبي
_ احمد انت قافل باب الشقه ومش عاوز تدخلني!
غمضي وانجزي يومك اه ازيك يا ام حسن يرضيكي يحجة مش عاوزة تغمض طب اعمل فيها أي طيب 
_ ششش خلاص اهو 
غمضت وانا بضحك ومسك ايدي دخلني فتحت عيني لقيت علي السفرة تورتاية عيد ميلادي!
_ دا..
كل سنه وانتي طيبه يمريوم 
حضنته! كان فعل غير مقصود بس مكنتش عارفه اشكره ب كلام! أدركت الي عملته ف بعدت 
هو انا ممكن اجيب تورتاية كل يوم علي فكرة المرادي هتحلو ولا اي
_ احترم نفسك يا احمد 
هحاول والله 
مر بدل الشهرين أربعة اربع شهور متجوزاه! كان يرجع من الشغل يلاقيني طابخة اتعلمت الطبخ من ماما كنت بتصل بيها تقولي اعمل اي بالظبط وقفت في المطبخ اطبخ لساعات عشانه!  
بليل نشرب شاي بالنعناع في البلكونة ونفضل نحكي ساعات كان بيجي ياخدني من المستشفى وعمره ما قالي مفيش شغل عشان عارف اني بحب المكان دا وحبيته! مين يصدق كنت بقول مستحيل بس الي حصل الي حصل اني عوزاه علي طول معايا مش عاوزة ابعد عنه ابدا
الورث انتقل ليا ول امي كل حاجة كنت عوزاها اتحققت اخيرا!
الف مبروك يمريم الحمد لله إن الحق
رجع لصحابه 
_ شكرا يا احمد علي كل حاجة شكرا بجد 
مفيش اي حاجة الاربع شهور الي فاتوا كانوا احلي ايام عشتها 
_ انت..
أنا عارف أننا المفروض هنتطلق بس عاوز اقولك حاجة عشان فضلت كتير ساكت ومندمش أنا بحبك يمريم لما جيتي قولتيلي نتجوز مكنتش مصدق انتي حاجة دايما شايفها عالية اوي عليا فاكرة لما صحيتي ولقتيني باصصلك مكنتش مصدق انك في اوضتي مكنتش مصدق إن الدعوة الوحيدة الي كنت بدعيها بقت موجودة فكرت كتير اقولك السنين الي فاتت بس كنت خاېف اخسرك حتي بعد ما نطلق أنا مش عاوز نبعد عن بعض وعاوزك تبقي متأكدة اني موجود عشانك دايما واني هساعدك في أي حاجة 
عيطت! مكنتش متخيلة اني اتحب الحب دا كله! مكنتش عارفه اني هلاقيه وإن طول الوقت كان قدامي وانا مش حاسه أنه هو دا الي يستاهل اديله كل حاجة حلوة جوايا وهيبقي قليل عليه  
_ احمد مش لازم 
مش لازم اي
_ مش لازم نتطلق 
نعم يعني اي 
مسكت أيده _ يعني أنا مش عاوزه اتطلق عاوزة افضل اجرب فيك الاكل الي بعمله وعاوزة دايما الاقي حد يستناني بعد ما اخلص شغل وعوزاك معايا وجمبي أنا بحبك اوييي احمم بس علي فكرة شكلها هتحلو المرادي 
غمز أنا شايف كده بردو 
_ احترم نفسك يا احمد 
هحاول والله
مريم سمير .