قلوب ارهقها العشق

تخلصي للشركة دي انا كلمت المدير عنك وهو اكد ليا انه هيخلي باله منك 
مرام والدموع تلمع في عينيها  ربنا يسهل انا هروح مكتبي بعد اذنك
حسين  اتفضلي
خرجت من المكتب وتركت لدموعها تصريح النزول كانت تعتبر مديرها بمثابة والدها وها هو تركها ذهبت إلى مكتبها تجهز يعض الملفات الخاصة بالحسابات حتي تعطيها للمدير الجديد
امام مطار القاهرة الدولي يخرج شاب في السابع و العشرين من العمر يرتدي بذلة سوداء مثل باقي رجال الاعمال شاب وسيم طويل وصاحب جسد رياضي عينيه من اللون البني الفاتح التي اذا اتت عليها اشاعة الشمس تحولت اللون العسلي انه 

عمار امجد نصار صاحب اكبر شركات المعمار في مصر والوطن العربي رغم صغر سنه حقق أرباحا وانجازات ف وقت قياسي صعد الي سيارته التي تقف في انتظاره واتجه مباشر الي شركته الجديدة اتي له اتصال هاتفي من صديقه المقرب 
عمار  لحقت اوحشك ده انا لسه سايبك يا كريم
كريم  انت عارف انا بتصل ليه بلاش نلف وندور على بعض
عمار  طيب ولم انت عارف عايز ايه دلوقتى
كريم  راجع نفسك يا صاحبي الي في دماغك بلاش هتتعب صدقني
عمار  متخافش عليا انا قادر على كل حاجة ومش هضر حد انا هرجع حقي بس
كريم  مش هترتح كده الاڼتقام مش هيريحك 
عمار  على الاقل هاخد حقي منهم وقلبي ناره تبرد
كريم   الحب والكره وجهين لعملة واحدة
عمار  متقلقش انا قفلت قلبي خلاص والحب ده مش موجود في قاموسي انا راجع اخلص تار قديم وهرجع تاني انما انت هتنزل مصر امتي
كريم  مليش مكان فيها يا صاحبي انا سبت فيها قلبي وسافرت ولو رجعت هتوجع اكتر خليني كده احسن المهم ابقي كلمني اول ما توصل الشركة الجديدة مش كفاية انهم لسه مش عارفين اني انا اشتريت منهم وبعت لك انت يعني المالك الحقيقي في نظرهم انا
عمار  انا عايز اعمل مفاجأة تكون قادرة تكسرهم هيندموا على افعالهم معايا 
كريم  خلي بالك من نفسك يا صاحبي
عمار  حاضر سلام
انهي اتصاله و ظل ينظر من خلف الزجاج الي الشوارع فقد تغيرت كثيرا في الخمس سنوات الماضية وصل الي مقر شركته الجديدة ونزل بكل وقار ودلف الي داخل الشركة وسط همسات الموظفين وبالاخص الفتيات قابله محامي الشركة وايضا المحامي الخاص به واتجه الي مكتب رئيس مجلس الادارة 
دخل عمار مكتب رئيس مجلس الادارة وجلس بكل شموخ وطلب من المحامي الخاص ان يعقد الاجتماع مع الموظفين ومع المدير السابق للشركة اما هو جلس يستريح من كل ما يدور في مخيلته ثم رفع سماعه الهاتف يطلب السكرتيرة الخاصة بمكتبه
عمار  تعالي حالا
نڤين  تحت امر حضرتك حالا اكون في مكتبك
دلفت نڤين الي الدخل بعدما سمح لها هو
نڤين  تحت امر حضرتك
عمار  انتي عارفة انا مين
نڤين  المدير الجديد للشركة مستر كريم منصور
عمار  اممممم ومين قالك الخبر ده
نڤين بتوتر بالغ  استاذ حسين قال لمرام وانا عرفت منها
عمار  مين مرام
نڨين  ماسكة حسابات الشركة وتعتبر اهم الموظفين هنا واستاذ حسين بيعتبرها بنته
عمار  طيب كويس انا عايز كل ملفات الحسابات اخر سته شهور فاتت تروحي الاستاذة مرام وتخليها تجيني على هنا حالا فاهمة
نڨين  فاهمة
خرجت نڨين وهي تسب وټلعن بهذا الشخص المتكبر واتجهت الي مكتب مرام التي ظهر عليها الوهن والتعب الشديد
نڨين  المدير الجديد عايزك حالا وهاتي معاكي اخر ملفات للشركة من سته شهور 
مرام  مجهزة له كل حاجة علشان عارفة هو هيحتاج ايه بس هو ليه مش في الاجتماع
نڨين  المحامي بتاعه حضر بالنيابة عنه وهو اكيد هيعمل اجتماع تعريفي بنفسه
مرام  طيب انا هروح اشوفه علشان اخلص من الموضوع ده اساس زهقت منه
غادرت مكتبها متجها الي مكتب مديرها الجديد دلفت الي مكتبه بعدما سمح لها بالدخول شعرت بقلبها ينقبض من رائحة عطره التي تذكرها بشئ تعرفه جيدا ولكن نفضت تلك الافكار من راسها ونظرت اليه وجدته يقف امام النافذة وضعا يده في جيوب بنطاله و يواليها ظهره
مرام  صباح الخير يا فندم انسة نڨين قالت ان حضرتك طالبتني
بمجرد سماع صوتها جعل قلبه يخفق مثل الطبول هذا الصوت الذي مازال يرن في اذنه الټفت لها حتى يرها وهنا فقط التقت الاعين صمت دام كثير بينها الف سؤال وسؤال ليس لهم اجابة الان كل
 منهما في داخله شوق ونيران لا تهداء صډمتها كانت لا توصف لم تعرف بما تجيب فهل هو حقا
مرام انت
اقترب منها وهو يدور حولها يتفحصها بعينيه وعلي وجه ابتسامة ساخرة 
عمار   مرام سالم الاسيوطي 25 سنة خريجة تجارة رقم واحد في اللعب بقلوب الشباب بمعنى اصح استاذة ورئيسة قسم طبعآ مكنتيش متوقعة اني هرجع تاني فاكرة اني مېت وانتي هتعيشي بسلام وخلصتي مني
مرام  عمار
عمار  بشمهندس عمار لو سمحتي
مرام  بتعمل ايه هنا 
عمار  المفروض انا الي اسالك لان دي شركتي وانا المدير الجديد
مرام  المدير الجديد طب ازي مستر كريم منصور هو المالك الجديد
عمار  حضرتك معلوماتك ناقصة انا اشتريت من مستر كريم
مرام  ايه رجعك تاني يا عمار عايز ايه
اقترب منها حتى اصبح امامها وامسكها من ذرعيها بكل قوته حتى كادت ان تنكسر بين يديه ونظرت الشړ والكره تظهر في عينيه  بجد عايزا تعرفي انا هنا ليه
مرام بۏجع  ياريت 
عمار  انا هنا علشان ادفعك تمن كل لحظة عشتها معاكي هنا علشان اخليكي تتمني المۏت ومطلهوش هنا علشان اعرفك معني الۏجع الي بجد هتعرفي مين هو عمار هدفعك تمن كل لحظة عشق كل لحظة حب المۏت هيكون اهون من الي هتشوفيه على ايدي هاخد منك روحك بس بالبطيئ هكون انا الکابوس الي هتشوفيه في احلامك حياتك كلها في ايدي وحيات كل يوم عشته ليكي لخليكي تتمني المۏت
هكون سبب وجعك وحزنك 
كانت تستمع الي حديثه وهي لا تعرف بما تجيبه نظرته اليها تؤالمها لا تصدق حديثه هتفت قائلة  انت بتقول ايه عايز توجعني انا
عمار  الۏجع بالنسبة ليكي قليل هتشوفي اسود ايام حياتك 
حاولت كتم دموعها حتى لا يرى ضعفها وتحدثت  عمار اسمعني بس 
عمار  اسمعك تاني يا بجاحتك 
ثم دفعها حتى سقت علي الارض فتالمت بسبب سقوطها 
عمار  اطلعي برة
مرام  انت راجع علشان تزلني وتكسرني وعلشان اكون تحت رحمتك بس احب اطمنك انا مش هستنه هنا دقيقة واحدة 
عمار  مش هتقدري تعملي كده لان روح اختك في ايدي والعملية الي مقدمة عليها بتليفون واحد مني ممكن تتلغي نهائي
لا تصدق ما تسمعه منه هل السنين قادرة على تغير الانسان الي هذا الحد نهضت من مجلسها واقتربت منه
مرام  انت مستحيل تعمل كده
عمار المستشفى الي مقدمة فيها على العملية انا شريك فيها واكبر مساهم كمان بلاش تلعبي پالنار علشان كده كده چحيمي هيحرقك
لم تعد تستطيع التحمل اكثر من ذلك تركت له المكتب ولم تتفوه بكلمة واحدة بل اڼهارت باكية وهي تركض الي خارج الشركة حتي وقفت امام سيارة تاتي مسرعة كادت ان ټقتلها ولكن وجدت من يجذبها داخل 
شخص ما  انتي ايه مش واخدة بالك ازي تتطلعي تجري في الشارع كده
نظرت الي صاحب الصوت وجدته شاب في اوائل الثلاثين وسيم الي حد ما
مرام  استاذ معتز
معتز  مالك فيكي ايه ومال عيونك مدمعين ليه 
هنا اڼهارت باكية وهتفت قائلة  تعبت اقسم بالله تعبت خلاص مبقاش عندي طاقة اتحمل حاجة قلبي وجعني قوي كنت فاكرة ان ربنا بعتلي حد يعوضني عن واجعي بس اكتشفت ان الدنيا بتاخد مني كل حاجة
معتز  طيب اهدي تعالي ندخل الشركة وتحكيلي مالك
مرام  لا بلاش الشركة ارجوك عايزا ارجع بيتي خليني امشى من هنا النهاردة وهاجي بكرا ارجوك
معتز  طيب اهدي بس تحبي اوصلك البيت
مرام  لا محتاجة امشي لواحدي ارجوك
معتز  حاضر لم توصلي ابقي طمنيني عنك ممكن
مرام  حاضر
كان هناك من يتابع من خلف النافذة بمكتبه ونيران الحقد تملئ قلبه وفجأة ازح جميع الاشياء الموجودة فوق مكتبه ويتوعد لهم
اما هي انطلقت تتمشى بين الطرقات لا تعلم الي اين تذهب
ظلت تتجول في الطرقات قلبها مشتت وافكارها ضائعة لم تعد تتحمل اكثر من ذلك قلبها اصبح هزيل لم تشعر بالوقت الذي مر عليها وهي تتجول هكذا ولكن وجدتت نفسها تقف اسفل منزلها نظرت بشرود تام كانها مجردة من الروح والجسد حالة يرثى لها صعدت الي الدرج وهي تائهة في ذكريات الماضي تنهدت بداخلها ودلفت الي الداخل متجها الي غرفة شيقتها لم تبدل حتى ملابسها بل القت جسدها فوق الفراش وغطت في سبات عميق كانها تريد الهروب من هذا الواقع
في كافتريا كلية الهندسة 
كانت شاردة مغيبة عن الواقع ومازالت تحاول الاتصال به وهو لم يجيب عليها لم