اسكريبت
بيحبنى زى ما انا بحبه ويمكن اكتر كمان واللى انا متأكدة منه انه مش هيقدر يستغنى عنى يومين كدا ولا حاجة وانتى هتلاقيه بيخبط على باب بيتنا علشان ارجعله
كملت بخبث وقالت
بس انا مش هرجعله كدا بالساهل عدى محتاج قرصة ودن وانا اللى هقرصهاله.
ضحكت امها عليها وقالت
دا انتى طلعتى دماغ اوى.
بصتلها بضحك وقالت بفخر
طالعة لأبويا.
اتصنعت الجمود وهى بتقول ومن جواها قلبها خاېف عليه
جاى هنا ليه.
بص عليها بحزن وقال
انا محتاج حضنك يا سارة.
كانت هتضعف قدامه بس اتماسكت وقالت ببرود
للأسف مش هينفع ومتنساش ان احنا يعتبر متطلقين.
انا اسف يا سارة حقك عليا.
بصت عليه پألم وقالت
اسف على ايه ولا ايه انت عارف الكلمة دى كام مرة تقولهالى وانا زى العب يطة بسامحك وانت مبتحرمش وبتكرر اللى عملته فيا وكإن انا مليش اى اهمية عندك.
كان لسه هيتكلم بس هى قاطعته پحده وقالت
للأسف يا عدى انت كس رت حاجة جوايا من ناحيتك ارجع مكان ما جيت وخليها تنفعك.
انت لازم تتربى يا عدى الأول علشان ارجعلك.
يتبع
بقلم آية الموافى
اسكريبت
قرصة ودن البارت التالت والأخير
عدى روح البيت وهو مهموم وحزين اعد على السرير وفرد ضهره عليه وهو بيبص على السقف
اتنهد تنهيدة عميقة وهو بيقول بحزن
انهاردة اول مرة تباتى بعيد عنى يا سارة لف جسمه ونام على جنبه وقال بإرهاق قبل ما يروح فى النوم بتعب
عند سارة
بعد اللى حصل دخلت أوضتها وهى بتمنع نفسها من البكا بس خرجت تانى بسبب طلب ابوها ليها خرجت بحزن واعدت قدام باباها وهى بتقول
نعم يا بابا.
طبطب عليها بحنية وقال
امك حكتلى على كل حاجة.
بصت عليه وهى منتظره يكمل كلامه بس اتفاجأت لما قال بعتاب
بس انتى غلطانة يا سارة.
غلطانة فى ايه يا بابا ما انا لو كنت سكت زى كل مرة كان هيزيد فيها ومكنش حد هيقدر يوقف اخته عند حدها.
ابتسم فى وشها وهو بيقول
انا مش بغلطك على اللى عملتيه انا بغلطك انك سكتى من البداية ومجاتيش قولتيلى اتصرف انا.
بصت فى الأرض وهو كمل بضحك
متقلقيش انا هقرصلك على ودنه علشان معدش يعمل كدا تانى بس لما الصبح ييجى.
رفضت وهى بتقول
بس انا يا بابا عايزة اقرص على ودنه بنفسى واحسسه انه ممكن فى اى وقت يخسرنى علشان
قرص خدها وهو بيقول
دا لما اكون انا مي ت
