رواية مكتمله بقلم شيماء صبحي الجزء الرابع
قوم شوفها!!
مراد مسح علي وشه بضيق وقال هيا عامله ليه كدا علي الصبح !!
نورين دموعها نزلت اول ما سمعت كلامه وبصت حواليها شافت حماها وحماتها واقفين وهما مستغربين كلام مراد واللي كان بيبص لعبير وبيمسح علي شعرها علشان يطمنها !!
نورين قالت پغضب وهي بتبص علي نصار والد مراد شوف يا عمي كلام ابنك قال ايه هيتجوزها رسمي انت هتسكت علي المهزله دي!!
مراد بص لعبير وقال انا غيرت رأي يبابا عبير بنت كويسه ومتستحقش كل البهدله دي وبعدين مش حضرتك اللي دايما تقولي اوعي تظلم حد يا مراد اديني سمعت بنصيحتك وشايف انها تستحق تكون مراتي علي سنه الله ورسوله ونورين لازم تتقبل انها مبتخلفش ومينفعش نظلم واحده تانيه ونقهرها علشانها
عبير بصت في الارض بحزن ووالدة مراد قربت منها وقالت وهيا بتمسكها من ايديها پغضب انطقي عملتي ايه في ابني
عبير شدت ايديها وهيا بټعيط وسابتهم ودخلت ومراد لما شافها بټعيط بصلهم بضيق وقال عبير ملهاش ذنب ياماما انا اللي اقنعتها بالجواز الرسمي !!
نورين بصت علي مراد بحزن ومشيت مع انتصار وفضل نصار واقف قدام ابنه وبيقول انا معنديش مانع انك تتجوزها رسمي بس فين خاطر نورين يا مراد مش دي حب عمرك واللي كنت متقدرش تقعد لحظة من غيرها!!
نصار خبط علي كتف ابنه وقال ادخل البس حاجه يابني وانزل راضي نورين يا مراد. نورين بتحبك !!! مراد هز راسه ونصار مشي من قدامه وسابه واقف..
بقلم شيماء صبحي
عبير كانت قاعده بټعيط وصعبان عليها نفسها يحصل فيها كل دا!!
مراد خبط علي الباب وهو بيقول اطلعي يا عبير خليني اتكلم معاكي!!
عبير مسحت دموعها وخرجت وهيا بصاله بحزن وبتقول ملوش لزمه تخسر مراتك علشاني طلقني يا مراد وسيبني ابدا حياتي من جديد وكمل حياتك انت ومراتك وكان مفيش حاجه حصلت!!
عبير دموعها نزلت تاني وقالت برفض.. انا اسفه يا مراد بس مش هقدر استحمل اللي بيحصل دا روح صالح مراتك وسيبك مني وخلي كلامنا بعدين!!
مراد اتفاجئ من كلامها وكان هيرد عليها بس لقاها سابته ومشيت من قدامه!!
مراد اتنهد بضيق وقرب من السرير لبس التيشرت بتاعه وخرج من الاوضة وهو بيهبد الباب..
عبير مسحت دموعها وهيا بتقول مينفعش افضل هنا انا مش قدهم ومش عارفه ممكن يعملوا معايا ايه لازم اقنع مراد يطلقني وامشي من هنا واشوف حياتي اللي معشتهاش دي !!
عند نورين نزل مراد وهوا بيبص عليها بضيق لانه شايف ان دا دلع زياده
