بقلم امل صالح

إنه يرن عليها ويكلمها بذوق ردت وقبل ما يتكلم سمعها بتتكلم بعصبية قولتلك كنت هنومها النهاردة واسړق الفلوس لقيت ابنها دخل علينا اصبري يا ريم هشوف طريقة تانية أعرف اخد بيها الفلوس.
كفاك انخداع بمظاهر البشر اللطيف خبيث والمحب كاره أنت فقط متوهم أفق....!.
يتبع....
أمل_صالح
الرابع
خد رقمها ونزل من البيت بنية إنه يرن عليها ويكلمها بذوق ردت وقبل ما يتكلم سمعها بتتكلم بعصبية قولتلك كنت هنومها النهاردة واسړق الفلوس لقيت ابنها دخل علينا اصبري يا ريم هشوف طريقة تانية أعرف اخد بيها الفلوس...
فضل طه ساكت مبيتكلمش تحت تأثير الصدمة وكلام أمه عن طيبتها وقد إيه هي شخصية جميلة بيتعاد في راسه..
ألو
سمع صوتها المستغرب فقفل المكالمة وطلع لفوق تاني دخل البيت وبسرعة دخل الأوضة وقف جنبها...
كانت بتصلي ففضل واقف مستني لحد ما تخلص وهو على آخره بيضغط على إيده بعصبية..
خلصت فقال وهو بيحاول يتحكم في غضبه البت دي ساكنة فين
لفتله بإستغراب بت مين في ايه
دعاء الزفت دي ساكنة فين!
مش عارفة!
اسم عيلتها إيه إسمها دعاء إيه
مش عارفة.!
ابتسم والله يا حجة يعني ولا تعرفي نص معلومة عنها ومدخلاها البيت داخلة خارجة كأنها من بقية اللي فيه!
طب فهمني طب!
وطى بحيث يكون في مستواها وهي على الكرسي وقال بهدوء وهو بيمسك إيدها يا أمي بالله عليك صحصحي معايا وافتكري اي حاجة اتكلمت معاك فيها مكان بيتها عيلتها أبوها أمها أي حاجة!
مش فاكرة.
هو كل حاجة مش مش مش مش مفيش جديد مفيش حاجة نافعة كدا ولا كدا!
طبطبت على دراعه والله على عيني بس فعلا مش فاكرة هي يدوب كانت بتيجي تساعدني وكلامنا مش قد كدا.
مش قد كدا وخلتيها ترفع السکينة في وشك بهزار ايش عرفك نيتها بجد يا أمي!
وقف هي هتجيلك بكرة الساعة كام
بتيجي وأنت في الشغل من ٣ ونص ل٥ ونص.
لف وحرك الكرسي ناحية المطبخ ولما كانت بتيجي كانت بتتكلم معاك في إي
حاجات عادية.
وقف الكرسي في جنب ولبس مريلة المطبخ وراح ناحية حوض الغسيل زي إي يعني
كلام ليه علاقة بشغلها يا طه.
اتكلم من غير ما يلف وايده مشغولة في غسل الأطباق طب هي عارفة البيت هنا أماكن الحاجات.
ردت آه طبعا دي عارفة كل حتة فيه.
لف ومالك مبسوطة كدا وأنت بتقوليها!
إي يا واد ما طبيعي!
رفعت ايدها وبدأت تعد عارفة مكان هدومي وكل رف في إي عارفة مكان أوضتك عارفة كل درج في المطبخ فيه إي.
طب ما تتبنيها يا حجة واهو نوفر عليها فلوس المواصلات دا ناقص نحطها في سجل العيلة وتبقى فرد منها!
ما تقول إنها دخلت دماغك من غير لف ودوران وخلاص.
بصلها شوية بصمت وبعدين اتفتح في الضحك حركت الكرسي منه وقرصته في دراعه بتضحك بتضحك يا عاق.!
مانت بتقولي كلام مش معقول بصراحة!
تقلت عليك
قالتها وهو شايلها عشان يحطها في السرير حطها وقعد قصادها أنت تتقلي زي ما أنت عايزة والله اتقلي وملكيش دعوة.
ابتسكت ومرضتش عليه وهو قام خرج ورجع اتكلم وهو بيرص اللي جابه دي ماية عشان لو عطشتي بليل وأنا نايم ودي ازازة متلجة تبقى تزودي منها في الماية السخنة ودا طبق بسبوبة للبسبوسة...
بصلها بس متكتريش..
رجع يكمل وأخيرا حتة مخلل عشان لو جزعتي من البسبوسة وأنا كدا كدا هصحيك ساعة الفجر تصلي ولو كنت جعانة نبقى نعمل فطار فجري..
ابتسمت ربنا يخليك ليا يا حبيبي وميحرمنيش منك.
تاني يوم فضل في البيت واتفق مع أمه بعد معاناة إنها تفهم دعاء إنه في الشغل لسة..
أنا جيت أنا جيت.
نورتي يا دعاء تعالي تعالي.
البيت هس هس برضو الواد ابنك دا مبيقعدش في البيت ولا اي.
سكتت أم طه بتردد تكذب عليها وتمشي ورا كلام ابنها ولا تسكت وخلاص!
يلا يا سكرة اخش اعملك اليانسون الأول بعدين نشوف هنعمل إي.
دخلت المطبخ وأم طه فضلت مكانها خرج طه من الأوضة وبصلها عشان متقولش حاجة وقف على أعتاب المطبخ شافها بتطلع كيس شفاف في مادة بيضا من جيبها حطتها فوق السكر بعدين حطت فتلة اليانسون.
رجع قعد جنب أمه بسرعة وهي دقايق وخرجت اټصدمت من وجود طه ودا بان بوضوح على وشها ابتسمت بتوتر وحطت الكوباية قدام أم طه.
كان حاطت رجل فوق التانية ومربع إيده وعينه ثابتة عليها وهي كانت متوترة وبان توترها من حركتها الكتيرة وايدها اللي بتفركها ببعضها.
وقف طه اتحرك ناحية المطبخ ورجع في إيده كوباية فضى كوباية اليانسون في الكوباية وبصلها عشان تبرد.
حطها مكانها وقعد نفس قعدته الأولى عدت دقايق كانت بتحاول تفتح كلام في اي حاجة عشان تخفي توترها لحد ما اتفاجئت بيه بيقولها اشربي الكوباية...
بصتله پصدمة وهو رفع حاجبه وكرر وهو بيضغط على الحروف اشربي الكوباية..
يتبع....
أمل_صالح
بقلم_أمل_صالح
شتان_بين_إنسان_وآخر.
الخامس
بعد ما دعاء حطت المنوم في كوباية أم طه وطه قام جاب كوباية تانية يبرد فيها اليانسون اتفاجئت بيه بيقولها
اشربي الكوباية...
بصتله پصدمة وهو رفع حاجبه وكرر وهو بيضغط على الحروف اشربي الكوباية..
بصت دعاء لأم طه بإستنجاد ورغم دا قالت وهي بتبتسم بتوتر حاولت تخفيه بصعوبة ولكن ظهر ليهم إي يا طنط هو ... هو إبن حضرتك بيعمل كدا لي
مسكت أم طه ابنها من إيده وقالت بإحراج في إي يا طه عيب يابني كدا.!
رد على أمه من غير ما يشيل عينه من على دعاء اللي عينها بدأت تدمع استنى يا حجة..
شاور بعينه على الكوباية لو مشربتيش وحياة أمي اللي مبحلف بيها كڈب لأطفحهولك يا تطفحيه يا تقري وتعترفي لوحدك....
كانت هتتكلم بدل ما تشرب بس هو كمل ببسمة صفرا وهتشربيه برضو في كلا الحالتين..
يا طه! 
لحظة يا أمي حطيتي إي
نطقت دعاء وهي بټعيط والله العظيم ما حطيت حاجة تضر منوم ونص ساعة أو ساعة بالكتير وكانت هتفوق.
بصلتها أم طه پصدمة وطه قال وهو بيضغط على سنانه وبيفكر نفسه إنها ست ليه عملتلك إي
والله العظيم ڠصب عني مكنش قدامي حل غير كدا مع المصېبة اللي أنا فيها.
زعق تقومي تسرقي الست اللي وثقت فيك ودخلتك بيتها ولا كأنك فرد فيه!!
بصت لأم طه بالله عليك تسامحيني حقك عليا والله.
ابتسم بسخرية لا والله!
هز راسه وهو بيبص لأمه حلو الكلام مسمحاها
مردتش أمه وفضلت ساكتة فكرر مسمحاها ولا لأ
خلاص يا طه ربنا يصلح حالك يابنتي.
حست دعاء براحة بس لما هو اتكلم خۏفها زاد أضعاف جميل كدا الحجة سامحت نيجي لابن الحجة...
قرب خطوتين هتشربي الكوباية أولا اللي عملتيه في المطبخ متصور واعترافك كمان متصور أظن واضحة هيتعمل فيك إي.
عينها وسعت پخوف لأ بالله عليك لأ أنا مش هينفع أدخل السچن والنبي اعمل اللي أنت عايزه بس متوريش حاجة للبوليس.
لفت لأم طه لما ملقتش رد منه والبني يا حجة هداية بالله عليك أنا آسفة...
وطت لمستواها ومسكت إيدها أبوس ايدك م...
شدت هداية إيدها من منها وقالت بضيق من الموقف والذل اللي ابنها حطها فيه خلاص يا طه يابني سيبها و...
قاطعها طه لأ مش هسيبها غير