رواية مكتملة بقلم اميره حسن -1

مستحيل بنتى اللى ربتها وكبرتها واتمنتلها الرضا ترضا توطى راسى بالشكل دة عشان واحد....
قاطعته فردوس پصدمة وانيهار بالبكاء يابختى المايل فى عيالى واحدة هربت والتانية اتجوزت جواز باطل والتالته متسطرة عليهم هو انتو اټجننتو ولا ايه اللى حصل لعقلكم ليه بس كدة حرام عليكم ليه.
قربت صبا عليهم وقالت بدموع حقكم عليا بس والله مكناش عارفين نعمل ايه عشان ندارى على الڤضيحة.
وفجأه لقت والدها ضربها كف وقعها على الارض وقال بعصبية انتى تخرسى خالص.... اقسم بربى انا مصډوم فيكم.. بقا انتو عيالى اللى تعبت وشقيت عليكم. بس انا عارف انا هعمل ايه عشان اربيكم من اول وجديد.
اتحركت زوجته فردوس وقربت منه بلهفة خوف وقالت استهدى بالله ياهارون واصبر بس وقولى هتعمل ايه
قالها بعصبية وزعيق ابعدى من وشى انتى كمان ومش عايز اشوف حد فيكم قدامى.
قالتله پخوف حاضر هبعد عنك بس والله اى قرار هتاخده وانت متعصب هترجع ټندم عليه فاصلى على النبى كدة وكل مشكلة وليها حل.
قالها بزعيق حل ابييييييه ومشكلة ايه هو انتى مش مستوعبة عيالك عملو ايه دول حطو راسنا فى الطين بعد ماكنت بتباهه بيهم واقول عندى 3بنات ب رجل وهما راحو رخصو نفسهم بسهولة.
قامت صبا من على الارض وفضلت ټعيط وتقول احنا فعلا غلطنا بس انت السبب يابابا.
بصلها وعيونه بطلع شرار من غضبه وسابها تكمل كلامها بس سمع فردوس بتقولها بتحذير ماشاء الله اهو دة اللى ناقص تقفى قدام ابوكى وتبجحى كمان هو....
قاطعها هارون بزعيق وثبات سبيها تتكلم وتقول اللى عندها.
مسحت صبا دموعها وحاولت تتحكم فى اعصابها وقالت بعياط طفولى انا مش بجحة انا بقول الحقيقه انت فعلا يابابا السبب فى اللى احنا وصلناله انت عمرك ماكنت صاحب لينا ودايما مخوفنا منك وبترسم حياتنا على مزاجك من غير ماتحس بمشاعرنا وكل همك مصالح العيلة وبس ولما واحدة فينا حبت واختارت شريك حياتها روحت وقفت فى طريقها ومعملتش اعتبار لمشاعرها لذالك خليتها تهرب منك وتروح للى بيحسسها بالامان واللى بيسمعها وبيطمنها مش اللى بيفرض رأيه عليها ويلغى شخصيتها واكبر دليل على كلامى انك دلوقتى كل اللى شاغلك سمعتنا وبس لكن مفكرتش فى بنتك اللى هربت وتسأل نفسك ياترى هى فين وهى كويسة ولا مضمرة هل هى مرتاحة بالقرار اللى اخدته دة ولا لا فييييييين مشاعرك يابابا انت دايما مشغل عقلك ولاغى قلبك لدرجه انه بقا حجر حتى على بناتك اللى انت بتتباهه بيهم.
كان هارون واقف قدمها زى الصنم وبيسمع كلامها پقهر وكسرة نفس وخيبه امل وبعدين بص لمراته فردوس وسألها ساكته ليه ياأم البنات هو انا فعلا قاسى لدرجة دى يافردوس
وبعدين بص لبنته بقله حيله وقالها بحزن يعنى انتى عمرك ماشوفتى منى حنان ياصبا معقول انتو بتشفونى جاحد للدرجه دى طب انا بعمل كل دة عشان مين. دة انا عايش عشانكم ياصبا وكلها ايام واروح للى خلقنى فى الاخر دة جزاتى.
قربت فردوس على جوزها وبصتله بدموع دى عيله ياهارون معقول هتاخد على كلامها... دى هتلاقيها بتقول كلام فارغ عشان زعلانه انك ضړبتها لكن احنا بنحبك وعايشين برضاك احنا ملناش غيرك فى الدنيا ياهارون بس الموقف اللى احنا فيه صعب ولازم نستقوى ببعض والبت صبا دى حالا هتعتزرلك وتبوس رجلك عشان بجاحتها معاك وبعدين مانت عارفها طول عمرها دبش...
فضلت فردوس تواسى هارون ولكنه كان بيبص على بنته صبا پقهر وكسرة ومكنش سامع كلام فردوس وكل اللى بيدور فى عقله كلام بنته القاسى ووبعدين غمض عينه واخد نفس عميق ومشى من قدامهم بقله حيلة.
اما صبا حست بالندم وعيونها ورمت من العياط فاقربت منها فردوس ومسكتها من اديها بقوة وقالتلها بعياط عجبك كدة... يارب تكونى طلعتى اللى فى قلبك وارتاحتى.
بصت صبا لوالدتها بدموع وفجأه اترمت فى حضنها بقوة وقالتلها بحزن انا مخڼوقة اوى ياماما والله العظيم مقصدش ازعله بس انا اعصابى بايظة وزعلانة اوى على اخواتى بس والله مقصدش ادايق بابا بكلامى.
حضنتها امها وفضلو يعيطو فى حضن بعض وكأنهم فى مشهد من فلم حزين. 
اشرقت الشمس على يوم جديد فى احد الاوض بالشاليه الملوكى..... وبدأت تارا تفتح عيونها وتتحرك فى السرير بأستمتاع لحد ماسمعت خبط على باب الاوضه فاقامت من مكانها بهدوء واتجهت للباب وسألت بنعاس م.. مين
رد انا حمزة ياتارا افتحى.
بصت لارا على هدومها ولقت انها لابسة بيجامة بيتى فاردت عليه بحرج معلش ياحمزة استنانى ثوانى لحد مااغير هدومى.
ابتسم حمزة وقال بمشاكسة امرك ياجميل بس متتأخريش عليا.
ابتسمت ودخلت تغير هدومها وجهزت خلال لحظات ونزلت لحمزة فى الريسبشن فأستقبلها بمرح وفرد ايده كأنه هيحضنها وقال خش فى حضن اخوك يافواز.
ضحكت وقالتله بتحذير ههههه اتلم.
ابتسم وقالها طب تعالى اقعدى عشان عايزك فى موضوع مهم.
وفعلا قعدت قدامه وسالته خير
حمزة يعنى بخصوص شقة صاحبى بصراحة كلمته امبارح وكان مرحب بالفكرة زى ماتوقعت منه و....
قاطعته بأنفعال