على اوتار قلبي بقلم هنا سلامه-3
من زمان يا فخر
بادلها الإبتسامة وقال أوعدك هعوضك عن كل إلي فات .. هكون ليك كل شيء وأي شيء .. الأب والأم الصديق والحبيب ملجأك هستحملك في كل حالة وعلى أي حال ..
ضمھا أكتر بحب وقال يا ريت نفضل سوا طول العمر ومفيش حاجة تفرقنا عن بعض ..
وتر بتنهيدة وهي بتقوم إحنا لو فضلنا كدة مش هننزل القاهرة .. أنا ورايا حاجات كتير وأنت خلاص أجازتك خلصت ف يلا قوم
فخر بسعادة يا صباح الخير يا حج كامل
كامل بسخرية لسة فاكر أبوك نايم في العسل أنت ..
بص فخر على مكان وتر وإبتسم وبعدين قال بصراحة آة .. بتمتع شوية بالبت إلي حيلتي يا بابا
كامل إتنهد بإرتياح وقال ربنا يديمكم لبعض يا حبيبي .. أنت مش متصور فرحتي عاملة إزاي .. ومش هتتصور فرحتي هتزيد إزاي لما يبقى ليا ولي عهد .. سواء أمير جميل أو أميرة جميلة كدة شبه وتر
قام وقف في المراية وهو بيبص على دقنه ف قال كامل بضحك يلا على البركة .. المهم تروح الشغل ولو تسمح تركز في الشغل وفي وتر وبس .. وتنسى أي حاجة فاتت
عقد فخر حواجبه وكشر لا والله مش عاوزني أخد حقي دة أنت يا حج كامل إلي معلمني إني أجيب حقي لو كان فين !
فخر إتنهد بضيق وعصبية طفيفة طيب بعدين أكلمك يا بابا عشان ألبس وننزل على القاهرة ..
كامل بتنهيدة طيب ..
قفل فخر المكالمة ف طلعت وتر وهي بتنشف شعرها وإبتسمت لفخر في المراية إلي كان واقف ماسك الموبايل وسرحان ..
فجأة فاق فخر من تفكيره وقال بلغبطة نعم با حبيبتي
وتر بضحك أنا خلصت الحمام .. لو عاوز تدخل
فخر ببرود طيب
وتر بإستغراب مالك كنت بتكلم مين كدة !
فخر بلامبالاة وهو بياخد البورنص من على السرير بابا
دخل الحمام ف عقدت وتر حاجبيها هو ماله !
.... هنا_سلامه.
رفص الطفل في بطنها ف قالت بتعب طيب هناكل أهو يا قلب ماما .. حاضر
قالت كدة ومسكت الفرخة قسمتها نصين وقالت بشراهة ياااه ... الواحد جعان كإنه مكلش بقاله سنين ..
شجن والأكل مالي بوقها خير
فوزية بتنهيدة يعني .. بټهدديني وتهددي بنتي .. آة وعدتينا بفلوس وواقفنا .. بس خلاص كفاية طفاسة كدة ! العيل ېموت مخڼوق من الأكل !
حطت شجن شوية ملوخية على الرز وخلطتهم بالمعلقة وقالت بعد ما خدت نفس عميق بس بنتك يا فوزية أنبه منك بكتير .. بت ذكية وعارفة مصلحتها .. شقة وفلوس وعالم تاني خالص هتعيش فيه ..
كانت لازم توافق ..
ولو على الأكل ..
نهشت الفراخ بين أنيابها وقالت وهي بتمضغ بصعوبة من كتر الأكل إلي في بوقها إعتبريه حق العقد الألماظ بتاع أمي إلي سرقتيه زمان ..
فوزية بغيظ طلع فلصو زي أصلكم !
ضحكت شجن ببرود بس السړقة مش بتفرق .. هي سړقة في النهاية
فوزية بسخرية شوف مين بيتكلم ! حامل من واحد وهربانة من فرحها ومبكية أمها وأهلها عليها لا وكمان عاوزة تخرب حياة أختها وتقتل روح !!
إحنا الإتنين واحد .. يمكن أنت أقذر بس ..
برقت شجن پصدمة وسابت الأكل من إيدها وحست بخبط جامد في بطنها .. وقالت بآلم فوزية .. إلحقيني .. فوزية بطني !!
فوزية پصدمة يا ندامة !! دة أنت لسة أول يوم في السابع !!
عيطت شجن بآلم وصبت عرق وقالت پخوف حاسة .. حاسة بمۏت !!
فوزية ببرود لا إمسك نفسك كدة .. يمكن يكون طلق عادي وبيروح وبييجي ..
شجن بدموع مش قادرة .. شكلي بولد .. !
.....
وصل فخر بوتر لقصر أبوه نزلوا من العربية بإرهاق ف قال فخر بتنهيدة معلش يا محمد .. عشر دقايق أدخل المدام والشنط وهنزل توديني القسم
محمد بلؤم لكنه دراه بنبرة طاعة أوامرك يا باشا
شال فخر الشنطتين بتوعهم ودخل القصر كامل أول ما شافهم قال بترحيب مرات إبني .. حبيبتي عاملة إية
قربت وتر وحضنت كامل بحب شديد وقالت بخير يا عمي والله
كامل بص لفخر بعتاب ولوم .. ف لاحظت وتر نظراتهم لبعض .. وعيون فخر إلي مليانة توتر
كامل بضحك إوعي يكون ضايقك في حاجة ولا داس لك على طرف
وتر بإبتسامة لا يا عمي متقلقش إبنك بيحبني وبيخاف عليا بجد
