رواية مكتملة بقلم شيمو
غير ما حد يشوفه
حمدي اتكلم بصوت ضعيف ياربي ده ايه المعاناه دي وايه الشجاعه دي
كريمه طول عمري ابني شجاع ومش بيحب الضعف ومبيقبلش حد يساعده المهم بكره الحفله ليلي حمدي هياخدك الصبح تشتري فستان جديد للحفله ما تنسيش
ليلي بس انا عندي فساتين كتير جدا ما البس حاجه منهم
كريمه لا يا ليلي انتي لازم تكوني نجمه الحفل ده فاهمه
حمدي خلاص الصبح الساعه 10 تكوني جاهزه ولابدري عليكي
ليلي لا الساعه 10 كويس اتفقنا.
كل واحد راح اوضته وادهم بره في الجنينه مع سهيله بتحاول تقنعه يرجعلها.
الفصل الحادي عشر
وقفنا الحلقه اللي فاتت ان سهيله بتحاول تقنع ادهم يسيب ليلي
سهيله ادهم انا لسه بحبك ولسه عايزاك انت عارف ان ليلي مش مناسبه ليك ولا عمرها هتفهمك وبعدين هيا طول الوقت مع حمدي وعلي طول ضحك وهزار وبتستغل انك...
سهيله مش قصدي اجرحك بس ده فعلا اللي بيحصل.
ادهم شوفي يا سهيله علشان نقفل الموضوع ده نهائي علاقتي بيكي انتهت خلاص وانتهت من زمان. انتهت يوم ما بصيتي لراجل غيري وثقتي فيكي انتهت انتي بصيتي لراجل غيري وانا بكامل صحتي ما بالك وانا اعمي هتعملي ايه اما علاقتي بليلي فده شيئ ما يخصكيش نهائي وسبق وقولتلك ما تدخليش في اللي مالكيش فيه اعتقد كده انا واضح جدا
سابته وسط الجنينه وبعيد عن البيت بكتير وادهم من ساعه الحاډثه ما دخلش الجنينه ابدا وهو حاليا معندوش اي فكره هو فين والبيت في اي اتجاه..
هنا اول مره ادهم يحس بعماه يحس بالعجز مش عارف يمشي ازاي ولا يرجع البيت ازاي جرب ينادي بس محدش رد صعبت عليه نفسه قوي لما وقع علي الارض وقع في وسط الطينه.
ليلي في اوضتها سهرانه لانها اتعودت ما تنامش غير لما تسمع ادهم يدخل اوضته ويستقر في سريره بس النهارده اتأخر والقلق مالي قلبها اخيرا قررت تنزل تشوفه
نزلت لقت البيت ظلمه والكل نايم وادهم وسهيله مش موجودين.
وهيا بتتمشي شافت خيال في الارض تتأكد لقته ادهم واقع علي الارض ومستسلم تماما جريت بسرعه عليه
ليلي ادهم ادهم حبيبي ايه اللي حصل وايه اللي وقعك كده وسهيله فين
قالها وزقها بعيد عنه مقدرتش تسيبه واقع في الارض كده وهدومه كلها متوسخه طينه وايديه هنا قررت في داهيه كبريائها المهم دلوقتي كبرياؤه هوه..
ليلي ادهم ارجوك خليني اساعدك متنساش انا مراتك انا ستر وغطا عليك ارجوك يا ادهم سبق وقلتلك اني مش هسيب ايدك ابدا بس انت ديما اللي بتسيب ايدي
ادهم اخيرا لمراته وسابها تساعده.
ادهم بيفكر لا مش عايز شفقتها مش عايز غير حبها
هقبل بكل اللي تقدمهولي وطالما انا بدفع يبقي هستمتع بالي بين ايديا حتي لو مش بتحبني كفايه انها جنبي هستفاد بكل شيئ بتقدمهولي وهشبع منها
فضل ادهم جنبها الليل كله
كل واحد خاېف يتكلم ليبوظ سحر الليله
اتفاجأ ادهم بليلي بتصحيه وبتقوله ان النهار طلع والمفروض
يصحوا اول مره ينام بالعمق ده فابتسم ليها
ليلي ياااااااااااااه اد ايه واحشاني ابتسامتك دي. متعرفش انا بعشق ابتسامتك دي قد ايه!
ادهم وانتي متعرفيش كام مره حلمت اصحي
فضلو يرغوا ويتكلموا ونسيوا كل المشاكل اللي بينهم وحسوا انهم رجعوا زي الاول
قررت ليلي انها تقول لادهم انها اتجوزته علشان بتحبه وبس ومفيش سبب تاني وانه هو جرحها بكلامه فاتصرفت كده لازم تصارحه علشان تفضل جنبه علي طول لانهم هيكونو اسعد اتنين بالحب اللي بينهم
ليلي ادهم انا عايزه اقولك حاجه ممكن
ادهم مش عايز اسمع حاجه عايز افضل جنبك وبس.
ليلي اسمعني الاول وبعد كده خليك جنبي علي طول
ادهم مهم قوي الكلام دلوقتي يعني
ليلي اه مهم عايزه اصارحك بحاجه ادهم قولي اللي عايزاه بسرعه مش عايز نضيع وقت كتير في الكلام مفهوم
ليلي ادهم انت سبق وقلت ان اكتر حاجه بتحبها فيا هيا الصراحه وانا في الفتره الاخيره مكنتش صريحه معاك وارتكبت غلطه في حقك كبيره قوي..
ليلي بتتكلم وادهم قلبه بيدق بسرعه وحاسس انها هتفوقه من حلمه الجميل وهتصدمه وعمال يحضر نفسه للاسوء
ادهم كملي سامعك
ليلي انا وحمدي...
هنا الباب خبط ودخلت كريمه عليهم. كريمه الفرحه مش سايعاها لما شافتهم وحست ان خطتها بتنجح.
كريمه صباح الخير للحلوين ليلي حمدي مستنيكي من بدري انتي ناسيه انك موعداه تقضي اليوم معاه وهو هينقيلك فستان الحفله يالا يا حبيبتي
