السواق والجميله

السواق و الجميلة 
البارت الأول 
_ انا نفسي اشوفك يا موج نفسي اشبع منك و من ضحكتك قبل ما اقابل وجه كريم
بعد الشړ عنك يا جدو متقولش كده
_ مفيش شړ في المۏت يا بنتي ده نصيب و مكتوب علينا .. انا مبقاش فيا صحة اجيلك القاهرة مبقتش اقدر اتحرك خطوتين لوحدي
اتكلمت بحزن انا نفسي اشوفك اوي يا جدو بس مش هقدر اجي و هي عندك مش هقدر اقاوم ده صدقني
اتكلم بتعب _ اعملي حاجه مرة عشاني يا موج .. التعب شديد عليا المرة دي اوي يا حبيبتي و مضمنش بعد ما اقفل معاكي التليفون هعرف اسمع صوتك تاني ولا لا ..كفاية بعد يا موج و خليكي معايا في آخر ايامي اتملي منك و اشوفك حواليا

بدأت عيني تدمع عشان خاطري متقولش كده .. حاضر يا جدو هجيلك و عشان تتاكد هقوم احضر شنطتي من دلوقتي و مش هنام إلا لما اجيلك و انام ع رجلك
_يااه يا موج ده البيت هينور ده البلد كلها هتنور .. ربنا يخليكي ليا يا حبيبتي .. الصبح ..الصبح هبعتلك بح.. اقصد هبعتلك حد معرفة ياخدك من قدام البيت لحد هنا
مسحت دموعي من فرحته اللي ظهرت في صوته
ماشي يا جدو خلي بالك من نفسك يا حبيبي و خد علاجك و بكره وانا جاية هجبلك عصير النعناع بالليمون اللي بتحبه
_ ده انا مش هنام انا حاسس ان الليلة عيد
لا عيد اي احنا لسه ١٥ رمضان
قعدت اهزر معاه لحد ما حسيت انه بيضحك و صوته بقا احسن و قمت اتسحرت و جهزت لبس ليا و قعدت اراجع نفسي رايحه جاية في البيت مترددة و كارهة نفسي و كارهة لغبطتي و كارهة الماضي بكل اللي فيه .. رايحة جاية في الصالة افكر هقابلها ازاي هعرف اتعامل معاها طب لو انا عاملتها وحش و ده شئ هيحصل اصلا كده انا رايحة أذي جدو مش أخفف عنه .. بصي هما يومين هنقعد فيهم و نرجع تاني مش هزود اكتر من كده ..ايوة انا هعمل كده انا مش هتعامل معاها ..انا هروح اسمع المسلسل لحد ما جدو يرن عليا
قعدت قدام التلفزيون للساعة ١٠ الصبح لحد ما لقيت جدو بيرن و بيقولي ان في عربية تبعه مستنية تحت البيت قمت لبست و اخدت الشنطة اللي فيها لبسي و الحاجات اللي هحتاجها خلال اليومين و نزلت
جدو قال ان العربية لونها اسود ف هل هو قصده ان الولا ابو طويلة اللي بيلعب ف الموبايل و واقف قدامي ده هو اللي هركب معاه
_ انت عيسي
رفع عينه و بصلي و سرح شوية و متكلمش قعد باصصلي بس
غمضت عيني و نفخت بنرفزة _ لا إله إلا الله .. انت عيسي 
فاق من الغيبوبة اللي كان فيها و بص ع جنب
ايوة يا انسه موج انا بح.. اقصد عيسي
_طب امسك الشنطة دي حطها ورا و تعال
رجع بصلي تاني و رفع حاجبه افندم انا مش سواق و ..
_لا ما انت تركز كده احنا في رمضان و بالنهار يعني انا مش طايقة نفسي عشان اقعد اعيدلك الكلام مرتين
بصلي و ابتسم و اخد الشنطة من ايدي 
حاضر يا آنسة
ركبت معاه و انا كل تركيزي ازاي بطوله ده هيقدر يقعد ع الكرسي و يسوق لدرجة اني قعدت في الكرسي اللي ورا اراقبه و انا حاطه ايدي ع الحتة اللي هي بتكون في الكرسي دي و ساندة براسي عليها
بصلي من المراية و ابتسم _ هو في حاجه يا آنسة رجلي ناقصها صباع ولا حاجه 
فوقت من تركيزي و كشرت
لا يا ظريف انا بس مستغربة جدي يعني انا رايحه ڠصب عني و كمان بعتلي نخلة تسوق العربية !
_ تشكري ده من ذوقك
انا اكيد مقصدش انا بس بحاول افك عن نفسي و اشغل تفكيري ف اي حاجه عشان متعبش 
_ جدك بيحبك اوي يا آنسة موج كان دايما بيتكلم عنك لدرجة اننا حفظنا ل صورك و ذكرياتك ف الصور
برقت و انا بكلمه احلف هو جدو كمان ان بيخلي السواقين يشوفوا صوري