السواق والجميله
اسلوبك
مش كل الناس بعقلك ده الناس كلها بتشوف ان اللي ف صنايع او مجرد تعليمها دبلوم دول عالم مبتفهمش عالم ملهاش لازمه
_ الشاطر هو اللي يجيب فلوس ف الاخر الزمن ده اللي مبيفهمش فيه هو اللي علق الشهادة ع الحيطة و اهله لسه بيصرفوا عليه ف الوقت اللي انتي ك بنت بتشتغلي و تتدرسي ف نفس الوقت تخيلي لو البلد كلها فيها ناس متعلمة و مبتشتغلش هيبقي اسمها اي
_ بالظبط عرفتي مين اللي مبيفهمش
ابتسمت بفرحة و انا بكتب عرفت
_ ايوة مقولتيش برضو اي الهدف اللي جاية عشانه
هقولك بكره ف الرست
_ هستني
تصبح علي خير
_ و انت من اهل الخير
كنت فرحانه اوي بعقليته و فرحانه اكتر اني اول مرة احس ان تعليمي متقدر من حد بالشكل اللطيف علي قلبي ده حسيت اني عايزة اقرب من العالم بتاعه عايزة اخترق الحدود دي و ادخل العالم الغامض ده معاه .
حط الشوكلت جانبي و ابتسم
_ عشانك
بمناسبة اي
_ بمناسبة انك قبلتي الاعتذار و سمحتي نتكلم
ابتسمت شكرا
سكتنا شوية و بدأت انا بالكلام عشان ميحسش انه بيتطفل عليا
انا جاية هنا عشان اعمل فستان فرح اختي و أهل نفسي عشان أتدرب ع الماكنة و اقدر اشتري ماكنة و تبقي ليا لوحدي
اعمله كله قماش و تفصيل و كله
_ بس ده مش بيكون علي العريس
العريس متأخرش اخدنا ف يوم و رحنا نشوف الفستان و اختي عاجبها فستان اوي و كانت بتلف بيه وهي مبسوطة وهو كان هيأجره بس فجأة والدته تعبت و عملت عملية و اللي اكتشفوا انها لازم تعمل غسيل كلي كل فترة ف للاسف الفرح إتأجل ست شهور و العريس قال انه مش هيقدر يجيب الفستان لانه غالي و حالته متسمحش اختي قعدت ټعيط يومين علي فرحتها بالفستان و انها مش هتجيبه و علي معاد الفرح اللي اتأجل ف انا صورت الفستان و قررت اعملها زيه و يبقي بتاعها للأبد عشان كده سيبت بلدنا و جيت اشتغل هنا و اعيش و اكمل مذاكرة السنة مع تيتا و معرفتش بابا ولا حد غير تيتا بس .
بيحبها جدا قعد ٣ سنين بيتقدملها لحد ما بابا وافق و مفيش مرة افتكر انه نايمها زعلانه هو حنين عليه و بيعاملها كويس و عشان كده بحاول
ابتسم و اتكلم ببراءة حلوة كده _ انتي لطيفة اوي يا موج
ابتسمت و بصيت للأرض و متكلمتش انا اتبسطت اوي من الكلمة يمكن عشان قالها بلطف كده او عشان شوفته بيبتسم بدون مبالغة يا جماعه انا بحس اني بعمل انجاز لما بشوفه بيبتسم بس ما بالك لو ضحك !!
بليل لقيته بعت مسدج
_ ابعتيلي صورة الفستان كده عايز اشوفه
بعت الصورة اول ما بعتها كان قاعد ف الشات شافها ع طول
حلو اوي ! تفاصيله رقيقة طب ده اشتغلتي عليه ولا لسه
_ انا حوشت ف التلات شهور دول مبلغ كويس ممكن يجيب تمن القماش
باقي قد اي علي الفرح
_ تلات شهور
المدة قليلة اوي يا موج انتي يدوب الحقي تبدأي فيه
انا اعرف محل لو تحبي نروح و تجيبي القماش اللي عايزاه و هخليه يريحك ف السعر
_ طب علي امتي مثلا
علي بعد بكره اي رأيك
_خلاص تمام هعرف تيتا و نتفق ع المعاد
ان شاء الله
عدوا اليومين و كنا بتقعد ع السلم انا وهو و نتكلم بس من بعيد و كلامنا كله كان لطيف و مفيش تخطي للحدود اسلوبه كان لطيف و صوته الطف كل ما ياخدني الفضول اعرف ليه دايما بحسه حزين برجع خطوة عشان ميحسش اني بتطفل عليه .
ركبت القطر و بعتله علي ماسنجر
_ انتي ف اي عربية
