السواق والجميله

جبتلك الكلام ف اي ده كان مجرد سؤال 
_ و تسأل عليا ليه ! بتاع اي تسأل عليا دي 
اتكلم بعصبية وطي صوتك و انتي بتتكلمي انتي بتكلمي راجل
_ انا مغلطتش فيك عشان تقولي بتكلمي راجل 
هو اسلام قالك اي لل انتي عملاه ده 
_قال ولا مقالش مش واحد زي ده يجي يقولي ف اي بينك و بين عز عشان يسأل عليكي و يقولي كنت بتقول ل موج اي ضايقها انا مش جاية هنا عشان ده يقولي كلمة و دي تقولي كلمتين انا بحاول ابقي ف حالي بعيدة عن كل الكلام اللي ملوش لازمة ده و مش معني انس سمحتلك تتكلم معايا يبقي تسوق فيها .
كان لسه هينفعل و يكمل كلامه مستنتش رده و سبته و دخلت المصلية لحد ما معاد الرست خلص خرجت و مبصتش ناحيته قعدت علي الماكنة كنت ع تكة و هعيط بس طلعت الطاقة دي ف الشغل
تاني يوم
دخلت لقيت برفانه محتوي المكان ده معناه انه جه قبلي ! غريبة اول مرة يعملها دخلت و قعدت ع الماكنة و مسكت الموبايل اقلب فيه كنت لامحاه بطرف عيني انه بيبص عليا و عايز يتكلم بس مش عارف
بدأت اشتغل و برفع قطعة لقيت تحتها شوكلت و ملفوفة حواليها ورقة فكيت الرابطة و لقيت مكتوب ف الورقة
انا اسف 
ابتسمت و بصيت عليه لقيت ساند بأيده و بيبص عليا اول ما ابتسمتله ضحك و عينه قفلت
فرحت اوي بإعتذاره او بضحكته اني اول مرة اشوف عينه بتقفل كده عايزة اقوله اضحك تاني و هتصالح والله .
حطيت الشوكلت جنبي و حطيت الورقة ف الشنطة لما لقيت البنات بدأت تدخل و بدأنا شغل كالمعتاد
خرجت للرست لقيته قاعد بيبص علي الباب كأنه مستنيني
قعدت و اتكلمت _ شكرا علي الشوكلت 
دي حاجه بسيطة انا مكنتش اقصد اني اضايقك 
_ اسفة اني عليت صوتي مكنتش اقصد
فتحت الداتا لقيت مسدج منه بليل
_ قولتيلي انتي منين في البلد 
ضحكت لا انا مقولتش اني من البلد اساسا 
_ امال منين 
مهم 
_ اه
انا من بلد تانيه بعيدة عن البلد هنا ب ساعة 
_ جيتي هنا جديد 
لا انا أهل والدي من هنا و عايشة مع جدتي لاخر السنة 
_ عشان المذاكرة 
لا جاية لهدف معين 
_ ينفع اعرفه 
تحب 
_ ليه بتسألي الاسئلة دي  
عشان مش عايزة احس اني تقيلة عليك او وجودي مش مرغوب
_ لا خالص انتي وجودك مرغوب بدليل اني انا اللي ببدأ بالأسئلة و دي حاجه انا مستغرب اني بعملها لاني عمري ما عملتها مع حد تقريبا
انا برضو بستغرب لان طبيعتك اللي شوفتها ف التلات شهور دول انك مش بتتكلم كتير
_ لا انا بحس هناك اني ف عالم لناس مش شبهي ف اي حاجه بالتالي كلامي كله قليل معاهم
قصدك عشان تعليمهم
_ لا خالص النقطة دي مش بتفرق معايا الناس هناك بيتكلموا علي بعض وهما لسه مخلصين اكل سوا ! و جو نفاق و كدب و حوارات مبحبوش يعني و انا عارف و واثق انهم قالولك حاجه ضايقتك لما بدأوا يحسوا اني عايز اتكلم معاكي او شافوكي بتتكلمي معايا .
ضحكت اه فعلا فيه يوم ما طلعت اتكلمت و زعقت معاك كان قبلها فيه بنتين بيلقحوا عليا بالكلام و اسلام جه بعدهم و قالي الكلام بتريقة برضو ف ده ضايقني اوي
_ انا سمعتهم بس محبتش يبان عليا عشان م احرجك ده لان اللي كانت بتتكلم دي حاولت كتير تقرب مني و كنت بصدها و اقفل معاها و كنت واثق ان اسلام هيقولك ف اقرب فرصة عشان كده اعتذرتلك
احترمتك اكتر لما حسيت انك عندك فن الاعتذار لأن اغلب الرجالة مش بيشوفوا ان الاعتذار حاجه كويسة
_ مش كلنا عايز اقولك نقطة من بدري ان اللي قالتلك انتي صنايع و الكلام الفارغ ده متخليش ده يحسسك انك قليلة ولا يأثر عليكي انتي عندك اسلوب ف الكلام ميقولش اصلا انك ف صنايع و غير ده كله عمرها ما كانت بالتعليم فيه ناس كتير ف كليات مبيعرفوش يتكلموا بنفس