السواق والجميله
عز
اتأخر شوية و رد
معاكي
_ هو القبض امتي
المفروض يوم ٥
_ علي يوم الخميس يعني
اه .. هتيجي
_ لا للاسف عشان امتحاناتي باجي متأخر
امتحانات اي انتي لسه بتدرسي
_ اه ..تالتة صنايع
ربنا معاك
_ امين
سكتنا علي كده دخلت اكونته اقلب ف البوستات اغلب بوستاته عن الام بيحب امه للدرجة دي ! قعدت اقلب لحد ما نمت
محمود الخنزير
_ خنزير
انا مسمياه كده
_ بعت ايمو بيضحك
نفسي اشوفها ع الواقع الضحكه دي بجد والله نفسي
شوفتها و سكت
_ الماكنة م وحشتك
وحشتني جدا خلاص هانت و هاجيلها يوم السبت
_ مستنياك
بعت قلبين و سكت
خلصت امتحانات و النهاردة اول يوم ليا ف الشغل دخلت و قعدت علي الماكنة كانت وحشاني جدا سلمت علي البنات اللي كانوا موجودين و بصيت علي ماكنة و ابتسمت حسيت انها وحشتني
قعد قعدته الجميلة اللي كلها ثقة
_ حمدلله علي السلامه
الله يسلمك
اول ما سمعت صوته و شميت برفانه و انا باخد نفس طويل كده حسيت اني مبسوطة و فيه راحة
خرجت للرست و لقيت عز قاعد ف نفس المكان علي السلم بس الاختلاف انه المرة دي قاعد ف نفس المكان اللي بقعد فيه !! وقفت ابص مش عارفة اقعد فين ف ابتسمت ابتسامة بسيطة و قعدت علي اول السلمة وهو كان قاعد ف اخرها بينا مسافة معرفش كان بيبصلي ولا لا بس كنت حاسة انه عايز يتكلم و م عارف و ده كان مخليني حاسة انه مرتاح ليا او مرتاح للكلام معايا!
تاني يوم في وقت الرست خرجت لقيته قاعد في نفس المكان ف قعدت تاني علي اول السلمة
_ احم اخبارك اي
الحمد لله كويسة و انت
_ بخير
يديم الخير ..
_ خلصتي امتحانات
اه
_ انا كنت مفكر انك خلصتي
لا خالص انا لسه بدرس آخر سنة
_ عايزة تكملي كلية بعد ما تخلصي
_ انتي شعبة أي
ملابس
_ كويس
ابتسمت و سكت
_ هو انتي من هنا ف البلد
قمت وقفت عشان البنات اللي معانا عدوا من قدامي و ضحكوا بتريقة لما شافوه بيتكلم معايا
لا عن اذنك
و دخلت كملت شغل و روحت
مر الشهر التالت و مفيش اي جديد غير اني رجعت تاني للدراسة و بكمل ف الشغل بخرج للرست كل يوم و بلاقي عز قاعد ف نفس المكان كل الكلام اللي بينا ازيك الحمد لله تمام و هكذا بس البنات هناك كانت معجبة او بالاخص بنت معينة كده هي اللي عينها عليه طول الوقت و عشان كده بتضايقني دايما بالكلام لانها اكيد ملاحظة أنه مشدود ليا ان مكنش بالكلام ف واضح جدا ع ملامحه
دخل كلمني ماسنجر
_ ليه بتمشي علي طول لما بتقعد ع السلم
مبحبش احط نفسي ف موقف يخلي حد يقول كلمة ف حقي مش كويسة
...........
_ اخدتي بالك انتي من عز يا مروة بقا له لسان و بيتكلم تصدقي طلع صوته حلو
ضحكت بمياصة _ عمره ما هيبصلك يا مروة خلي بالك انتي مجرد دبلوم وهو كلية
كنت قاعدة ع الماكنة بصيت عليهم بضيق و هما خارجين للرست و بيبصوا ليا و يضحكوا بتريقة عز قلع الهاند و تقريبا كده م سمع اللي قالوه بصلي و خرج
كنت مضايقة من الكلام اللي قالوه المرة دي لما اتريقوا ع تعليمي مخرجتش للرست لحد ما اسلام جه و اتكلم معايا و...
خرجت لمكان عز و اتكلمت بعصبية
_ انت سألت اسلام عليا في غيابي
قام وقف و اتكلم اه كنت بتطمن و..
_ لا متطمنش متجبش ليا الكلام من ناس متسواش حاجه
انا
