السواق والجميله

صوتك و انت بتتكلم انا كلمتك بالذوق و الظاهر ان ده م نافع معاك
لا اشتمي ابقي قومي هاتي لنفسك و
محمد جه و اتكلم _ ف اي و اي الصوت العالي ده انتوا ف الشارع
بقوله لما تيجي الشغل بلاش ترميه ف وشي كده و رتبه غلط ف اي انا كده 
_ ياريس كانت بتتكلم كده بتناكة و..
كنت قاعد متابع الموقف و سامع كل الكلام اللي بتقوله عجبني ردها و اسلوبها اللي ميقولش خالص انها واحده ف دبلوم .
_ عايزين حد هنا جسمه مظبوط يقدر يقيس العينات دي
محمد البنات اللي هنا اغلبهم جسمهم تخين
كنت قاعد بشتغل و مركز في الشغل بصيت لقيت محمد و اسلام واقفين قدام موج و بيتكلموا لقيت نفسي قفلت الاغاني من الموب و كنت مركز مع الكلام بس مكمل شغل اللي فهمته انهم عايزينها تقيس العينه اللي هنشتغل عليها ف الجواكت الجديدة 
من اول ما دخلت عشان تقيس في المصلية و انا قاعد مركز و متوتر و متعصب لان المصلية قدام الماكنة بتاعتي اول ما خرجت قدامي و انا بصيت عليها و حسيت ان عيني كانت مبسوطة انها شافتها بتضحك بس فرحتي دي اختفت لما بصيت علي اسلام و لقيته مركز معاها معرفش ليه حسيت بكده و كنت قاعد بقول لنفسي و انا مالي ما يولعوا !! بس مقدرتش امنع نفسي من اني ابص و اسمعهم 
كنت بصلي ف المصلية و كان فيه بنتين معايا خلصوا و انا كنت بصلي لقيت واحده فيهم بتقول بضحك
_ عز الايام دي مش مظبوط 
انا عارفة ان الكلام عليا بس كلام مقدرش امسكه ف ايدي و يبقي ليا حق فيه ف عديته و كملت صلاة
بعد يومين
فتحت الداتا كنت بقالي يومين قافلة لقيت اشعار جايلي ان فيه مسدج في الازر بأسم عز
دخلت شوفتها و لقيت المسدج
_ انتي كويسة 
مسدج بتاريخ امبارح دخلت اشوف الاكونت هو اللي ف دماغي ولا لا لقيته عز اللي معايا ف الشغل !!
ابتسمت و حسيت ان قلبي فرح ف رديت
الحمد لله و انت 
رد بعدها ب ٥ دقايق _ الحمد لله
شوفتها و سكت لقيته بيكتب ف خرجت من الشات بسرعة عشان ميقولش اني مهتمه و كده
_ انتي مش هتيجي الشغل تاني 
لا هاجي ان شاء الله 
_ فيه حاجه زعلتك هنا 
لا ابدا قصدك علي اي !
_ لا مفيش انا كنت بحسب حد زعلك 
لا مفيش حد انا غايبة عشان عندي امتحانات 
_ ربنا يوفقك
_امين
و سكتنا علي كده انا مش مصدقة بجد انه كلمني ال هو ازاي لا ازاي بجد ! هو بيعرف يتكلم زينا كده !
_ و انتي فرحانه ليه كده 
انا انا هفرح ليه 
_ ابتسامتك مفارقتش وشك طول ما انتي بتحكي عنه يبقي معناه اي غير انك فرحانه 
انتي مش فاهمه يا مريم ده طول الوقت ساكت والله هناك الناس بتتمني تسمع صوته بس مع انه معاهم بقاله كتير يعني إنجاز انه يتكلم لا و اي هو اللي بدأ !
_ شكله حلو 
اتكلمت بسرعة و حماس طويل و عيونه حلوة عارفة العيون النعسانة دي اللي هي تبصلها تحسي انك بتوهي ف حته تانية كده هو كده استني هوريكي صورة البروفايل
شافتها و صفرت _ ياختي اي الرجالة الحلوة دي 
لا هو حلو فعلا
_ بس قفل ده مكشر ف كل الصور يا به يخربيته هتتكلموا تاني 
انا مش جاية هنا عشان اتكلم انا جاية لهدف واحد مينفعش اشوف قدامي غيره و غير كده هو كلية عمره ما هيبص لواحده معاها دبلوم يعني .
ضحكت وهي بتغمز_ هتحققيه و هتفرحي بيه بس هتتكلموا تاني انا واثقة
قفلت الموب و انا بضربها ف كتفها طب يلا عشان الامتحان
خلصت امتحان و روحت كنت مبسوطة لما جزء من اللي اتعلمته ف الورشة كان منه كام سؤال ف الامتحان كده عدا ٣ أيام مرحتش فيهم الورشة وحشتني الماكنة بتاعتي و وحشني شغلي .
لقيته اونلاين ف دخلت اتكلمت معلش انا داخله لهدف و طالعه عادي يعني بلاش تفكروا صح !
_