رواية مكتملة للكاتبه ولاء رفعت
يدفع الباب بقدمه
_ في منزل الشيخ سالم ....
_ أهدي ياحاج فتحي وإن شاء الله خير ... أنا مقدر الي أنت فيه وحقك تعمل الي أنت عايزه ... لكن هو عمل كده ومش ف وعيه يعني تحت تأثير الهباب الي بيتعطاه ده .... قالها سالم الذي أجمع كلا من والد شيماء وعبدالله الذي يجلس ف خجل وبعض رجال كبار الحارة
فتحي _ يعني أنتي ترضي ياشيخ سالم يجي كلب زي ده وانت مش موجود وېتهجم ع اهل بيتك !!! ماتقولو حاجه يا رجالة
نهض عبدالله وزمجر بصوت غاضب _ جري أي ياعم عطا هو أنا عشان ساكت هتغلط فيا أنا ممكن أقل منك أدام الرجاله ولايهمني
نهض عطا وبنبرة غاضبة قال _ أخرس كتك قطع لسانك لولا إن إحنا ف بيت الشيخ سالم كنت علقتك من عرقوبك زي الدبيحة
حاج عطا إحنا جايين نصالح مش نولعها ...قالها سالم وهو يشير إليهما بالجلوس
فتحي _ شوفت غلطان وبيبجح إزاي!!
زفر سالم وقال _ ماتصلو ع النبي ياجماعة
_ عليه أفضل الصلاة والسلام .... رددها الجميع
سالم _ أنا مرضتش أعمل قعدة الصلح دي عندك ياحاج فتحي وخليتها عندي وقبل ماتتفض لازم يكون كل طرف فيكو مرضي .
فتحي _ يعني عايز البت تخرج من شقة أبوها ع أوضة فوق السطوح !!! ليه إن شاء الله
سالم _ أستني بس ياحاج فتحي ... قالها ثم نظر إلي عبدالله وقال _ أنت ف مقدرتك أي ياعبدالله
فتحي _ وأنا مش موافق حتي لو جبت شقة أنا مأمنش ع بنتي معاك تاني
تدخل إحدي الحاضرين وقال _ ياحاج فتحي إحنا عايشين ف حارة وزمان كل بيت فيها عرف الي حصل يعني لو فسخت خطوبة بنتك أنت عارف الناس مابتصدق والكلام هيتطور وبنتك سمعتها هتبوظ
عبدالله _ وأنا مش هسيب شيماء ياقاتل يا مقتول
سالم _ خلاص ياعبدالله ... وأنت ياحاج فتحي قعد المسائل دي مبتتحلش بالزعيئ والصوت العالي ... أنا هقولكو ع حل ... الشقة الي ف أخر دور فاضية وسكانها عزلو من قيمة شهرين ممكن عبدالله وشيماء يتجوزو فيها وهاخد منه إيجار بسيط لحد ما أمورهم تتحسن
فتحي _ أبقي قابلني لو ادالك الايجار ف ميعاده
سالم _ نفترض الخير يا حاج فتحي وإدينا بنكسب ثواب وعبدالله صاحب طه وف مقام ابني وإن شاء الله هيتغير للأحسن وهيبطل البتاع الي بيتعطاه ولا أي ياعبدالله
أومأ له عبدالله وقال _ يحرم عليا ليوم الدين أشتريه ولا اشربه تاني
سالم _ ربنا يهديك يابني ويصلحلك الحال أنت وكل الي زيك ... قالها وهو ينظر إلي إبنه طه الذي يقف بعيدا .... فأردف وقال _ ها قولت أي يا أبو شيماء
فتحي _ كلامك ع راسي ياشيخ سالم بس ع شرط كتب الكتاب والډخله الخميس الجاي ... ادامه اسبوع يتشقلب يعمل قرد يا إما كده يا إما معندناش بنات للجواز .
_ بتعجزني يا ابو شنب شبه شنب عشماوي إما وريتك بس أنول مرادي الأول .... قالها عبدالله بداخل عقله
سالم _ أي ياعبدالله خلاص إتفقنا
عبدالله _ إن شاء الله يا عم سالم
سالم _ يلا بينا نقرأ
الفاتحه ونفتح صفحة
