ابن صاحب الشركه الجزء الثالث

الشركة..
فرح بقلق أنا حابه أقعد هنا ي قاسم..
جلال م تروحي مع جوزك ي بنتي و تيجي من بكرا..
قاسم بضيق لا خلاص ي عمي.. خليها براحتها ممكن بس اتكلم معاكي لحظه..
فرح و قفت و خرجت و قاسم سحب إيديها لحد اوضتها..
قاسم فرح انتي مش عاوزة ترجعي البيت
فرح عاوزة أفضل مع أختي و بابا شوية..
قاسم لا ي فرح أنتي مش عاوزة ترجعي معايا!
فرح قولتلك أنا عاوزة وقت ي قاسم..
قاسم م والدك و أختك و كل الدنيا تمام اهي!
فرح أولا أنا مقولتش لبابا انك كنت عارف حاجه ولا انا قولتله انك أتجوزتني شفقه..
قاسم شفقه!!
ويتبع.. 
بقلمي آية_محمد_عامر 
حكاية_فرح
ابن_صاحب_الشركه...
١٩٢٠
Patt 19
فرح أولا أنا مقولتش لبابا انك كنت عارف حاجه ولا انا قولتله انك أتجوزتني شفقه..
قاسم شفقه!! تمام ي فرح طالما أنتي شايفه كدا ولا شايفه حب ولا شايفه اني اعتذرت مليون مره ولا شايفه أنا واقف بتكلم معاكي بهدوء.. خليكي هنا..
قاسم ساب فرح و مشي راح عند أخواته.. أول م وصل لقي فارس قاعد لوحده في أوضته و ساكت..
قاسم قاعد لوحدك ليه م تيجي نقعد م اخوك برا..
فارس أنا مرتاح كدا.. بقولك أنا لازم أدور علي شغل..
قاسم ب إبتسامه تدور علي شغل و شركه أخوك موجوده. 
بص أنا كدا كدا ماسك شركة أبوك و مش هعرف اسيبها ف أمسك أنت شركتي..
فارس من بكرا..
قاسم من النهاردة لو عاوز.. هبقي اشرحلك الدنيا ماشية ازاي..
فارس تمام.. ها حددتوا معاد الفرح..
قاسم بحزن اه.. بعد شهرين.. ربنا هيعوضك بغيرها ي فارس..
فارس ان شاء الله.. كمان حاجه..
قاسم حاجه اي!
فارس انا عاوز أنا اللي أبقي مسئول علي مصاريف خالد.. كفاية عليك كدا و بعدين متنساش أنا الكبير..
قاسم طيب اسمع.. خالد هينقل هنا في كلية خاصه.. أنا هدفع المصاريف بتاعتها و أنت أتكفل بمصاريفه الشخصية..
فارس لا.. سيبني أكون مرتاح انا اللي هصرف انت ليك بيتك بردو..
قاسم اللي تشوفه.. فك بقي شوية ي عم فارس دا أنت كنت دنجوان يعني..
فارس فاكر أيام الجامعه..
قاسم إلا فاكر.. فاكر انت البنت اللي ضربتك بالقلم لما عاكستها..
فارس ي جدع أفتكر حاجه عدله..
قاسم عاوزين ننجح في شغلنا ي فارس.. عاوزين يبقي لينا أسم كبير.. أسم يتسمع في كل مكان و يبقي ليه رهبه.. أنا بفكر أفتح فرع جديد للشركة..
فارس افتح و أنا معاك في اي حاجه و هنقف واقفه حلوة للشغل بجد..
قاسم بإذن الله.. يلا بقي نخرج من اوضتك الكئيبة دي..
فارس لحظه بس.. أبوك أتقبض عليه!
قاسم اه من شوية.. أحنا مش هنروحله أنا هبعتله محامي وخلاص و اصلا كدا كدا هو معترف علي نفسه في التسجيلات...
فارس هنحس بالذنب بعد كدا
قاسم مش عارف.. بس دا الصح.. ده حق ناس كتير أوي ابوك ظلمهم.. 
ي فارس بعيدا عن اللي حصل شوف ابوك ساعد كام شخص يكون مدمن و بسببه حياة شباب كتير أتدمرت..
فارس بس خاېف.. خاېف خالد يقول انتوا عملتوا في ابويا كدا ازاي و هو بردو لسه صغير..
قاسم مين دا اللي صغير لعلمك خالد دا عاقل عني وعنك ودماغه كبيره..
علي جهه أخري...
هالة بكام الجبنه دي! طب أوزنلي نص رومي و نص اسطنبولي..
أمل بكام ي بنتي الجبنه الرومي!
هالة النص ب 40 ي طنط..
أمل طب أوزنلي نص معاك ي أبني..
هالة ي رب بس تكون حلوة عشان في انواع كدا مبيكونش ليها طعم..
أمل لا حلوة دا أنا مجرباها قبل كدا..
ليلي ماما أنتي جيتي هنا امتي مش كنتي لسه معايا عند الخضار..
أمل شوفت الجبنه قولت أشتري..
هالة بصت للبنت وحست أنها شافتها قبل كدا و بدأت تفتكر لحد م عرفتها انها نفس البنت اللي كانت مع زياد في الفرح..
ليلي طيب ي ماما انا همشي أنا عشان معاد الدرس و هبعتلك زوزا من برا..
ليلي طيب ي بنتي وانا هشتري شوية حاجات..
العامل الجبنه ي أنسه..
هالة تمام شكرا.. بعد اذنك..
أمل عاوزة أجيب صلصه بس مش لقياها خالص..
هالة أنا رايحه قسم المعلبات ي طنط تعالي معايا..
هالة مشيت و معاها أمل و طبعا مسلمتش من رغب هالة اللي مش في محله...
زياد ي ماما انتي بتعملي اي كل دا..
أمل ألتفتت وراها و كذلك هالة اللي أول م شافت زياد أتصدمت و أتوترت..
زياد انا أعرفك صح!
هالة لا.. أنا بس صاحبه فرح زوجه مستر قاسم..
زياد أيوا شوفتك في الفرح..
أمل عقبال فرحك...
زياد قدام الناس كدا قدام الناس.. يلا ي حبيبتي يلا عندي شغل مهم ولازم أرجع القسم..
أمل ماشي حاضر يلا.. سلام ي حبيبتي..
هالة سلام ي طنط...
هالة في نفسها يعني البت الملزقه اللي معاه طلعت أخته!! لا بس شكلها كيوت والله..
زياد خرج و حط حاجات التسوق في العربية من ورا و ركبت والدته جمبه..
زياد ها اي رأيك فيها!
أمل حلوة ي ولا و ډمها خفيف و بتحب الكلام زيي..
زياد أهم حاجه انها بنت كويسه ي ماما..انا هكلم والدها و أخد منه معاد..
أمل ماشي ي حبيبي ربنا يتمملك علي خير ي رب..
علي جهه أخري...
فرح كانت قاعدة مع غرام في أوضتها...
غرام أحكيلي بقي اتعرفتي علي قاسم فين!
فرح أكيد في الشركة..
غرام و بتحبيه بقي علي كدا!
فرح بحبه أوي..
غرام طب أحكيلي بقي حكايتكم..
فرح حكاية اي والله مفيش حكاية هو أتقدملي عادي مكانش في بينا حاجه و اتخطبنا فترة قصيرة اوي تقريبا شهرين و متجوزين بقالنا شهرين.. كويسين مع بعض و هو عمره ما زعلني في حاجه.. مهتم بيا و بس يعني حياتنا حلوة..
غرام طيب ممكن أعرف انتي فعلا مرجعتيش عشان تقعدي معايا ولا عشان متضايقه من اللي حصل..
فرح بتنهيدة حاسه اني اتضحك عليا.. انا عارفه ان قاسم بيحبني و كل حاجه بس أنا مش عارفه خاېفه يكون انا فاهمه غلط و هو اتجوزني شفقه كدا بسبب اللي حصل..
غرام يعني انتي قلبك بيقولك اي! حب ولا شفقه!
فرح قلبي بيقولي أنه بيحبني..
غرام يبقي أسمعي كلام قلبك..
فرح بصي أنا عارفه كدا ومتأكده بس عشان لو جه في بالي يوم من الأيام أسأل السؤال دا ابقي سألته في وقتها و ارتاحت..
غرام طب أرجعي بيتك و بعدين انتي هتقعدي هنا ليه انا عاوزة أجي اشوف شقتك و اقعد معاكي و نطرد قاسم كمان..
فرح ي قلبي تنوريني في اي وقت.. عمتا هو زعقلي قبل م يمشي لو اتصل عليا يصالحني هرجع الصبح...
غرام بضحك ألحقي تليفونك بيرن..
قاسم كان لسه بيفتح باب الشقه وهو بيتصل علي فرح..
فرح ايوا..
قاسم أنا أسف..
فرح و انا كمان أسفه..
قاسم طب أنا بحبك علفكرا والله..
فرح عارفه والله.. و أنا كمان..
قاسم طب اي أجي أخدك..
فرح خلاص بقي سيبني النهاردة ألاه..
قاسم الاه!!
فرح النهاردة بس بكرا هتيجي من الشركة هتلاقيني في البيت..
قاسم لا خليكي عند اهلك و انا مروح اجيلك و اخدك نتعشي وبعدين نروح سوا..
فرح هتغديني اي!
قاسم بضحك كشړي..
فرح بضحك حلو ميضرش.. طيب انت روحت البيت!
قاسم اه.. بس شكلي كدا هرجع ابات عند اخواتي اصلا مش قادر اقعد في البيت من غيرك..
فرح اكيد اكيد مش انا قطعه الشكوليته اللي في حياتك..
قاسم انتي حياتي كلها اصلا.. يلا سلام انا نازل تاني..
فرح سلام..
في جهة تانيه..
ياسر أنا عاوز أسيب الشركة..
دعاء ليه!
ياسر مش عاوز أفضل فيها..
دعاء أيوا ي أبني ليه!!
ياسر أنتي عاوزاني أشتغل مع واحد بيحب البنت اللي هتجوزها!
دعاء و هو فارس دا بيشتغل في الشركة!
ياسر لا بس اكيد هيرجع يشتغل فيها زي زمان..
دعاء و هو هيرجع ازاي وهو مقاطع أبوه!
ياسر أبوه ملوش علاقه بالشركة خلاص.. وبعدين م قاسم شغال فيها اهو..
دعاء ي ياسر هو انت ي أبني عيل صغير.. أنت هتقطع عيشك عشان حاجه حصلت من سنين! ما يمكن نسيها اصلا.. 
وحتي لو دا مش سبب يخليك تسيب الشركه طول مهو محترم و عاملك إعتبار..
ياسر هفكر و أقولك..
دعاء بقلق ياسر هو انت بتحارب في اي! أنا شايفه أن زينة قصدي غرام مش مهتمه بيك زي اي واحده بتهتم بخطيبها.. مبحسش أن..
ياسر وجودي فارق بالنسبة ليها..
دعاء ي حبيبي والله متزعلش مني بس دا اللي أنا شايفاه..
ياسر المشكلة أني بحبها ي دعاء و دايما قلبي بيقولي أن حبي ليها هيكون كافي لعلاقتنا و هقدر أخلي جوازنا ينجح.. 
بس برجع أقول أن البيت دا لو اتسند بيا بس مش هيقوم ولازم هي كمان تحاول معايا و هي مبتبذلش اي طاقه فيه..
دعاء لسه قدامك وقت.. فكر ي ياسر عشان متندمش..
ياسر سلام بس دلوقتي..
دعاء سلام..
ياسر قفل المكالمه مع دعاء و هو بيفكر في غرام و بيحاول ياخد قرار صح حتي لو هيعارض اللي هو عاوزه...
في اليوم التالي عادت فرح لبيتها بدون ان تخبر قاسم و بدأت في تنظيف البيت بكل أركانه و تعد الطعام و تغسل الثياب حتي شعرت بتعب كبير في نهاية اليوم.. 
حاولت الوقوف لتغير ثيابها في نهاية اليوم قبل عودة قاسم ولكنها شعرت بدوران مفاجئ شديد جعلها تسقط فاقده للوعي.. 
أما قاسم ف ذهب لبيت والد فرح و لم يجدها ف فطن انها ذهبت للبيت و ربما تعد له مفاجأه لطيفه..
عذرا علي الحبه الفصحي دول لكن نسيت و مش قادرة امسح..
قاسم دخل للشقه وهو بينادي علي فرح بس مكملش كلمته لما لقاها في صالة البيت واقعه علي الأرض..
قاسم پخوف فرح!! فرح مااالك..
قاسم قرب منها و حاول يصيحها وهو قلبه مليان بالخۏف عليها جري علي المطبخ جاب مايه ورجع تاني ليها وبدأ يفوقها..
قاسم فرح أنتي كويسه!
فرح بتعب تعبانه اوي و دايخه..
قاسم جابلها دريس سهل اللبس من جوا و معاه طرحه و ساعدها تلبسهم و بعدها شالها و نزل بيها لحد عربيته.. 
بعد دقايق وصل لمستشفي خاصه و شالها لحد أوضه الكشف...
الدكتور أمم..أعملي التلحليل دا في معمل هنا في المستشفي..
قاسم أخد فرح بسرعه علي المعمل و عملت التحليل و فضلوا في إنتظاره.. 
قاسم مسك إيد فرح لحد م الممرضه خرجت بالتحليل..
الممرضه اتفضلي.. ألف مبروك..
قاسم بإستيعاب مبروك علي اي!!
الممرضه المدام حامل..
قاسم بص لفرح بسعاده كبيرة و بعدين حضنها و هو لسه مش مصدق و أخدها من إيديها لعند الدكتور من تاني...
الدكتور ألف مبروك ي مدام فرح.. حضرتك بذلتي مجهود خلال اليومين اللي فاتوا صح!
فرح أيوا امبارح كنت مسافره و النهاردة في شغل البيت.. بس انا ي دكتور عملت اختبار امبارح الصبح و كان سلبي..
الدكتور بصي ي فرح.. أنتي حامل في تلات اسابيع و الاختبار بيكون فيه نسبه خطأ يبقي اي يأكدلنا!! التحليل و التحليل قدامي هو بيقولي أنك حامل..
قاسم طيب ي دكتور هي دلوقتي كويسه ولا ليها علاج عشان التعب النهاردة ولا اي!
الدكتور ولا اي حاجه.. شوية راحه و تاكلي كويس و نبدأ نتابع بقي