ابن صاحب الشركه الجزء الثالث

و نهتم..
قاسم تمام ي دكتور شكرا جدا...
فرح وقاسم خرجوا من المستشفي و قاسم كان طاير من الفرحه أنما فرح كانت ساكته.. 
ركبت العربية و إيديها علي بطنها..
فرح يعني في بيبي هنا!!
قاسم بصلها ب إستغراب علي نبرة صوتها و سألها..
قاسم أنتي مش فرحانه!!
فرح بدموع أنا خاېفه..
قاسم خاېفه من اي! مش امبارح كنتي زعلانه عشان الإختبار سلبي!
فرح خاېفه من المسئولية ي قاسم.. ي تري البيبي دا هعرف اربيه كويس و يكون شخص سوي نفسيا..
قاسم نربيه.. نربيه سوا ي فرح.. أنا معاكي في المهمه دي.. دي مسئوليتنا سوا.. و هنخلي أبننا أو بنتوتنا القمر أحسن مننا و نربيه بشكل كويس ونعلمه تعليم محترم..
فرح أنا هبقي أم... و بابا هيبقي جدو دا بابا هيفرح أوووي..
قاسم اي رأيك نروح علي هناك نفرحهم!
فرح بسعاده يلا بينا ي بابا قاسم..
قاسم بضحك الله بقي..
قاسم وفرح اتجهوا لبيت والدها عشان يفرحوهم بالخبر... 
لكن في نص الطريق قاسم جاتله مكالمه..
زياد قاسم.. أنت فين!
قاسم رايح عند بيت حمايا..
زياد بتوتر قاسم.. البقاء لله.
قاسم وقف العربية و مسك التليفون ب إيده كويس و هو بيسأل..
قاسم مين!
زياد والدك..
ويتبع.. 
بقلمي آية_محمد_عامر 
حكاية_فرح
ابن_صاحب_الشركه...
Part 20.
قاسم وقف العربية و مسك التليفون ب إيده كويس و هو بيسأل..
قاسم مين!
زياد والدك..
قاسم أمتي!
زياد من عشر دقايق لقيناه ټوفي مع أنه مكانش تعبان أوي حاجه..
قاسم بحزن لا حول ولا قوة الا بالله..
زياد الدوام لله ي قاسم..
قاسم ونعم بالله.. أنا جايلك..
فرح بصت لقاسم بإستغراب بعد دا اتحولت ملامح الفرح علي وشه لحزن..
فرح في اي!
قاسم بابا أتوفي.. هوصلك و هروح..
فرح لا حول ولا قوة الا بالله...
فرح كانت بتبص بقاسم بحزن عشانه وقلبها أتقبض..
قاسم أنا كويس ي فرح متبصليش كدا..
فرح بحزن ممكن توقف العربية ثانية واحده!
قاسم ليه!
فرح ثانية واحده بس..
قاسم وقف العربية وبص لفرح... فرح مسكت إيديه وقربت منه..
فرح أنت مش كويس أكيد ي قاسم..
قاسم بدموع أنا بس مش عارف هو ليه عمل كل دا.. ليه خلاني أكرهه.. ليه خلي مۏته مش مصېبه بالنسبالي.. انا صعبان عليا نفسي ي فرح أنا دايما حاسس اني مليش ضهر..
فرح أنا دايما في ضهرك و أخواتك الأتنين سند ليك هتتحامل عليهم.. إنت حواليك ناس كتير..
قاسم أنا عاوز أتصل ب أخواتي أقولهم..
فرح طيب كلمهم.. كلم خالد..
قاسم لا هكلم فارس.. خالد كان متعلق بيه شوية..
قاسم مسك تليفونه واتصل علي فارس قاله الخبر و طلب منه يقابله في المستشفي اللي اتنقل ليها چثه والده..
قاسم هوديكي عند والدك علي م...
فرح بمقاطعه لا أنا هاجي معاكم..
قاسم سكت لفترة قليله و بعدين ساق عربيته في طريقه للمستشفي.. 
أول م وصل لقي فارس و خالد مستنينه و قاسم لما شافهم اتصلب مكانه.. 
مكانش حد فيهم بيدمع حتي أو مبين أنه متأثر.. يمكن زيه مش عاوزين يبينوا او يمكن والدهم قسي للدرجه دي!
فارس أنا خلصت كل حاجه نص ساعه و هنمشي و الدفنه هتكون الصبح.. كلمت التربي يظبط التربه و كلمت الخدم في الفيلا يجهزوا أمورهم عشان العزاء..
قاسم هو فين!
فارس في المشرحه..
قاسم اي سبب الوفاه
خالد جلطه في النخاع الشوكي..
قاسم هناخده في عربية الإسعاف صح!
خالد ايوا بإذن الله..
فارس و قاسم أنشغلوا في أمور المستشفي و خالد هو و فرح راحوا للفيلا يشرفوا علي كل التجهيزات الخاصه بالعزا.. 
بعد ظهر تاني يوم تم تشييع الچنازة.. 
الأكيد كان أجازة من الشركه و معظم الموظفين كانوا موجودين في العزا..
علا البقاء لله ي فرح..
هالة البقاء لله..
فرح ونعم بالله..
في بيت والد فرح..
غرام ي تري ي بابا يقولوا ملهاش أهل!
جلال أنتي عاوزاني اروح أعزي في الراجل اللي عمل فينا كل دا!
غرام واهو ماټ وليه رب يحاسبه.. بس فرح ملهاش ذنب و بعدين كدا حضرتك هتكون جيت عليها مهو زي م الراجل دا أذاني زي م هو حماها..
عايده بقولك اي ي جلال استهدي بالله كدا وروح قول البقاء لله لجوز بنتك و خلاص...و بعدين بقي.. متزعلش فرح في وضع زي دا!
جلال وضع اي!
عايدة ب إبتسامه هتبقي جد قريب..
جلال بسعاده بجد والله..
عايدة اه والله.. فرح كلمتني الصبح وقالتلي أنها تعبانه ولازم تكون في العزا وقالتلي أنها حامل و مش عارفه تعمل اي.. قولتلها تاكل كويس أهم حاجه بس متاخدش اي دواء..
غرام بسعادة يعني أنا هبقي خالتو.. الله ي بابا.. بس ازاي البت دي متقوليش..
عايدة هي في اي ولا في اي انتي كمان.. ها ي جلال نقوم نلبس..
جلال غرام مش هتروح.. هنروح انا و أنتي..
غرام و ي تري هي مش أختي! عاوزة اروح اباركلها..
جلال أحنا رايحين نعزي.. نعزي ي اللي دماغك طاقه.. قوموا البسوا يلا.. اه وشوفي خطيبك..
غرام ليه!
جلال ليه اي عشان لو هيروح يجي معانا..
غرام مهو هتلاقيه هيروح مع زمايله في الشغل..
جلال اعملي اللي بقولك عليه..
غرام حاضر..
غرام دخلت و كلمت ياسر و قالها أنه كان موجود من وقت الدفنه ولسه في العزا.. 
جلال وعايدة و غرام وصلوا لفيلا سالم و عزوا قاسم و فرح...
غرام بهمس مبروك..
فرح ضمتها أكتر من غير م ترد.. والدها جه و باس راسها وهو عينه بتدمع بس مكانش عارف يتكلم.. قاسم استأذن من غرام يكلمها لدقيقه..
قاسم غرام ممكن تاخدي فرح علي البيت عندكم علي شقتها.. واقفه من الصبح و امبارح كنا في المستشفي والدكتور قال لازم راحه و أنا خاېف عليها..
غرام في المستشفي!
قاسم أيوا هي تعبانه ولازم ترتاح.. أنا هقولها بس أنتي خليكي معاها أو حتي خديها علي شقتها وباتي معاها وأنا هفضل مع أخواتي...
قاسم راح ناحية فرح وسحبها للحظه و طلب منها كتير عشان تمشي..
فرح ي قاسم مينفعش..
قاسم ي فرح أنا ساعه واحده والناس هتمشي و هقفل الفيلا وخلاص بس عشان خاطري لازم ترتاحي...
فرح طيب هقعد هنا في اي أوضه و نروح سوا..
قاسم لا.. هنا هتفضلي شاغله دماغك باللي بيحصل... يلا روحي مع أختك هبعت معاكي السواق..
بالفعل غرام مشيت مع فرح لحد م وصلت لشقتها..غرام فصلت تلف في الشقه و تتفرج عليها و هي مبهوره بيها وبالأثاث و النظام و كل حاجه..
غرام شقتك حلوه أوووي اوي ي فرح.. اي دا صح انتي تعبانه.. يلا يلا غيري الاسود دا و غيري هدومك و ارتاحي علي م أنا أعملك حاجه تاكليها..
فرح طب تعالي اما أشوفلك حاجه تلبسيها..
غرام عاوزة بيجاما بكيسها ي فرح اكيد عندك لبس لسه جديد..
فرح بإبتسامه اه عندي و هبقي انزل معاكي لما تيجي تشتري لأنهم حلوين اوي وخامتهم حلوة هاخدك نفس المحل..
غرام ماشي..
فرح و غرام غيروا هدومهم و فرح فعلا كانت محتاجه أنها تنام ف فضلت نايمه تلات ساعات و بعدين صحيت علي غرام و هي بتقولها تصحي عشان تاكل..
فرح بنوم سيبني نايمه شوية ي قاسم مش ناقصاك..
غرام بضحك لو اتطلقت مش هستغرب..ي بنتي قومي...
فرح غرام! عاوزة انام سيبيني..
غرام قومي كلي ي حبيبتي في نونة جعانه عاوزة تتغدي..
فرح عملالي اكل اي!!
غرام فراخ ولسان عصفور..
فرح لا حضرتك فاهمه غلط.. دي لما أولد..
غرام بضحك بهزر معاكي عملالك فراخ اه و معاها نجرسكوا بصي انا خلصتلكوا ع الفراخ اللي في التلاجه.. ولقيت حواوشي في التلاجه..
فرح اه دا كنت عملاه من قبل ما نسافر..
غرام ي لهوي دا أنا كلت منه..
فرح معتقدش انه باظ يعني كنت حطاه فوق..
غرام طيب يلا كلي..
فرح ي تري قاسم أكل ولا لا!
غرام ي عيني ع الحب.. متقدريش تاكلي من غير ما تعرفي كل ولا لا..
فرح بصراحه اتعودت اني اكل معاه.. حتي في الشركه بقينا نطلب أكل سوا.. أنا هكلمه..
فرح مسكت التليفون ولسه هتتصل لقته متصل بيها أكتر من مره..
فرح دا قاسم اتصل بيا..
رنت عليه ف رد بسرعه.. طبعا الكلام دا مبيحصلش
قاسم عامله اي دلوقتي!
فرح الحمد لله نمت شوية.. و أنت كمان نام شوية و ارتاح..
قاسم أنا رجعت الشقه عند أخواتي و طلبنا غدا هاكل و أنام.. أنتي كلتي حاجه ولا ناسية نفسك!
فرح هاكل اهوه قولت أكلمك الأول..
قاسم أنا كويس ي حبيبتي.. متقلقيش عليا ي فرح..
مر أسبوع كامل علي ۏفاة والد قاسم و الأمور رجعت مشيت بشكل طبيعي و فارس و قاسم و خالد قرروا بيبعوا الفيلا لأنها بتحمل ذكريات سيئه و مش حابين يرجعولها في يوم من الأيام.. 
فرح بتتحسن و غرام فضلت معاها أكتر من يوم و رجع قاسم تاني هو اللي مهتم بيها..وفي نفس الوقت مهتم ب أمور الشركه...
في الشركه..
زياد صباح الخير..
هالة صباح الن.. النور صباح النور..
زياد ب ابتسامه قاسم موجود..
هالة لا ي فندم مستر قاسم هيرجع بعد ساعتين..
زياد ب استغراب هو فين!
هالة هو فرح عندها معاد للدكتور وهو معاها..
زياد أها تمام..
زياد مشي و هالة راقت شوية من توترها وبعدين سكتت لحد م لقت والدها بيتصل بيها...
أحمد عملتي اي في دنيتك عشان يتقدملك ظابط..
هالة پصدمه اي!!
أحمد جايلك عريس ي فالته بس المره دي ظابط.. مش عاوزة أسمع اعتراضاتك اللي ملهاش اي لازمه..
هالة احم.. اسمه اي!
أحمد اسمه زياد...
هالة بسعادة متهزرش..
أحمد تعرفيه!
هالة ولا شوفته قبل كدا.. هو هيجي امتي!
أحمد يوم الخميس..
هالة بعد بكرا!!! طيب ي بابا تمام...
هالة قفلت السماعه وهي باصه قدامها پصدمه كبيرة و مش مصدقه أنه عاوز يتقدملها...
هالة د. دداليا.. داليا الحقيني..
داليا كانت بتصور ورق مهم للشغل و لما شافتها هالة ملقتش غيرها تكلمها..
داليا اي ي بت!
هالة جايلي عريس..
داليا و ي تري بقي هتطفشيه ازاي!
هالة لا أنا مش ناوية أطفشه خلاص.. حاسه أنه مناسب..
داليا انت تعرفيه!
هالة اه عارفاه... زياد صاحب مستر قاسم..
دااليا الظابط!! ي خربيتك وقعتيه ازاي دا!
هالة والله م عملت حاجه.. انا اصلا من ساعه الفرح وانا شايله الموضوع من دماغي بس شوفي سبحان الله..
داليا يعني نقول مبروك..
هالة شكلها كدا! أومال علا فين!!
في مكتب ياسر...
ياسر طيب الصفقه دي المفروض أنها خلصت بس لسه فيها كام مشكله هبقي اكلم قاسم فيها.. علا! علا أنتي معايا!
علا ااه.. اه ي مستر معاك..
ياسر مالك كدا شاكلك سرحان النهاردة.. بصراحه بقالك فترة...
علا بدموع انا كويسه.. كويسه..
ياسر لا أنتي مش كويسه.. خدي اشربي مايه..
علا شربت مايه وهي باصه في الأرض و مبتتكلمش..
ياسر مالك!
علا من كام شهر سيبت خطيبي و دا اللي مضايقني..
ياسر كنتي بتحبيه وأكيد لسه بتحبيه!
علا لا.. مبقيتش.. بس دايما بسأل نفسي هو اللي ليه محبنيش.. انا مستاهلش تجاهله كدا.. لحد ما عرفت أنه مختارني عشان مناسبه وخلاص.. لا كان معجب بيا ولا بيحبني ولا اي حاجه..
ياسر و عرفتي ازاي أنه مش معجب بيكي..
علا كنت حاسه من أول م اتخطبنا.. لحد م خلاص خليت عقلي هو اللي يتحكم فيا و كان أول قرار أخدته أني اسيبه.. 
اسټنزفت مشاعر كتير ف الخطوبة بحس اني