رواية مكتمله بقلم شيماء صبحي الجزء الخامس
انا لو اتكلمت ھيموتوني انت متعرفهمش دول عصابه كبيرة!!
عماد ابتسم بسخريه وقال لا يا حبيبي قول ومتخافش كانو بيعملوا ايه بالبنات الكبيرة!!
الراجل بلع ريقه وقال في رجالة كبيرة كل سنه بيروحوا يختارو بنات كل واحد بيطلع بواحده بياخدها ويروح مكتب منصور بيه يمضوا علي عقد جواز عرفي وبيفهموا البنات انهم كده اتجوزوا ونص البنات دي يباشا..
الراجل هز راسه وقال نصهم او معظمهم بيكونوا مش بنات اصلا لان منصور بيه بياخد بنت منهم كل خميس يقضي معاها ليله وطبعا اللي بيساعدوه فكل دا انا والممرضة صافيا وصلاح بيه
عماد هز راسه باستغراب وقال مين صلاح بيه دا
الراجل عيط وهو بيقول مش هقدر اقول يباشا انا بناتي تحت ايديهم!
الراجل بص لعماد وهز راسه وقال دا رجل اعمال يباشا اسمه صلاح السعدني !
عماد رفع ايديه وهو بيسكت الراجل وهوا بيقول صلاح السعدني
الراجل هز راسه پخوف وعماد فضل يكرر الاسم پصدمه وهو بيقول صلاح السعدني دا يبق حما يونس!!
الراجل قال صلاح دا يباشا شغال في السكه الشمال يعني مش مجرد رجل اعمال دا شغال مع ناس اجانب يباشا بيشتغلوا في الماڤيا وبيجو كل سنه زي مقولت لحضرتك يختارو بنات وبعدما يقضوا معاهم الفتره اللي تعجبهم بيخلصوا عليهم ويبيعوا اعضائهم وطبعا محدش يعرف كل الكلام دا لان صلاح باشا المفروض انه المتبرع الوحيد للملجأ يعني الكل عارف انه شخص كويس ومستحيل يجي في دماغهم ان مل دا بيحصل !!!
عماد بص للراجل وقال منصور دا شغلته ايه مع صلاح!!
الراجل قال بعياط دراعه اليمين يباشا والممرضة صافيا تبق حبيبتة !!!
عماد هز راسه وقال طيب يا شاكر انت هتشرفنا في الحجز فتره كده لحدما يونس بيه الشناوي يوصل ووقتها نشوف هنعمل فيك ايه!!
العسكري دخل للمكتب وعماد شاورله ياخد شاكر علي الحجز
وبعد وقت وصل يونس وهوا بيقول للعسكري.. بلغ عماد بيه اني وصلت!!
العسكري رفع التحيه وقال عماد بسه في انتظارك يا فندم!!
عماد هز راسه ووقف علشان يستقبل يونس اللي دخل وكان باين علي التعب
يونس قعد علي الكرسي بعدما سلم عليه وقال والله ياعماد انا تعبان ومضغوط جداا!
بقلم شيماء صبحي
عماد خبط علي كتفه وقال كل حاجه هتخلص يا يونس بس المهم انا عايزك تستقبل الاخبار دي وتتمالك اعصابك..
يونس ضم حاجبه وعماد قعد قدامه وهو بيقول امبارح وانا براقب الملجأ لقيت راجل ماسك بنتين وخارج من هناك..لما مشيت وراه عرفت انهم بناته وانه شغال في الدار وطبعا لما ضغط عليه عرفت منه المعلومات اللي احنا مستنينها
يونس هز راسه وعماد كمل انا كنت بستجوبه من شويه وطبعا المعلومات اللي قالها مش شويه وقالي ان صلاح السعدني حماك ليه دخل في الموضوع!
يونس بص لعماد بانتباه وقال انا عارف
عماد بص ليونس باستغراب وقال عارف ازاي وامتي يا يونس !!
يونس رجع راسه بتعب
